برنامج ممتاز اخوي بس لو تلغي جنتنق ليلة ما تسوا التنقل والعفش
انزل مباشرة بالوستن وتروح جنتنق يوم من الصباح لانها بالليل برد ما تستفيد من النوم ليلة فيها

مراحب أخوي
والف مبروك مقدماً
جدول ممتاز وفنادق وإطلالات مختارة بعناية (أختيارات خبير)
توكل على الله وأحجز
وبالنسبه للمواصلات هي كالتالي
من سيلانجور تروح تاكسي للمطار ومن المطار الى بينانغ
من بينانغ الى لنكاوي عن طريق الفري وهو عباره عن سفينة صغيره
من لنكاوي الى كولالمبور بالطائره
من مطار كولالمبور الى جنتنغ بالتاكسي
من جنتنغ الى كوالالمبور بالتاكسي
بالنسبة للأسعار أكتب هذه الفنادق في ورقه مع إطلالاتها اللي أنت كاتبها فوق( ترى الاطلالات تفرق بالسعر) ودور فيها على المكاتب وشوف أحسن سعر وتوكل على الله وأحجز من عنده
تحياتي

مهند96
نصيحة خبير

هلا عزيزي
أنا برنامجي تقريباً مثلك بس فيه إختلاف في الفنادق
أنا إن شاء الله سفرتي بتكون في 21 يوليو والعودة 4 أغسطس برضوا التمتع بإجاز الزواج وشريكة العمر الجديدة
1 - ليلتين في سيلانجور صن واي لا جون غرفة ديلوكس ببلكونه مطلة وسعرها 678 رنجتلليلة
2- أربع ليالي في بينانج هولدي ان بيتش مطل على البحر680 رنجت لليلة
3- ثلاث ليالي في لنكاوي فندق لنكاوي لاجون 685 رنجت لليلة
4- خمس ليالي بكوالامبور بفندق ويستن مطل على البرجين 623 رنجت لليلة
المجموع 14 ليلة
بالنسبة لك اتمنى تعطيني ميزانيتك حتى نعرف الفنادق مناسبة وبالنسبة للويستن واحد من زملائي سكن فيه ويمدحه كثير لأنهم من تالي سووله تحسينات
وبالنسبة من سيلانجور إلى بينانج فالافضل عن طريق السيارة لتتمتع بالمناظر فالمسافة تقريبا 4 ساعات وهي المدة التي تستغرقها من لحظة خروجك من الفندق واتجاهك إلى المطار بكوالا ومن بينانج الى لنكاوي عن طريق البحر بالعبارة ساعتين اذا كنت تتحمل اجواء البحر ومن لنكاوي الى كوالا طائرة.
انا بعد أول مرة أطلع بس قريت كثير وسألت أهل الخبرة وبرضوا رحت لأكثر من مكتب والنتيجة البرنامج بالاعلى ومن ناحية المكتب اللي حجزة منه فهو توصية عن طريق زميل لي حجز من عنده
اذا ودك بأي أسئلة حاضرين
لا اله الا انت سبحانك اني كنت من الظالمين

تسلموا جميعا والله يبارك فيكم ..
والله ان من الفرحة دمعتي بعيني.. تسلوا الله يجعله في ميزان اعمالكم ان شاء الله..
واخوي كومباك أنا الحين باخذ نفس فنادقك في لنكاوي وبينانج..
وبعمل بنصيحة الأخوة الغاليين في العدول عن جنتنج..
والآن صارت
من سيلانجور إلى بينانج ******** بالسيارة 4 ساعات
ومن بينانج إلى لنكاوي ******** بالقارب
ومن لنكاوي إلى كوالا ******** بالطائرة
بس كأني سمعت ان فيه مواصلات بين منطقتين بالعبارة السريعه او بالعبارة العادية ياريت تفيدوني أنا ودي أروحها حتى أذكر اللي كان كاتب الموضوع كتب ان العبارة السريعة مشابهه كراسيها للطيارة وتستغرق ساعة الاربع الظاهر وتقدر تطلع على سطحها.. الله يخليكم فيدونا بهالأمر..
وياريت سعر تقريبي للمواصلات...
ادري تعبتكم وياي بس وش اسوي مالي غيركم ... مكاتب السفر كلٍ يدور مصلحته
الله يعطيكم العافية

وعالبركة ياخوي يكومباك بعد... آسف نسيت

a_alsaeed
اقول توكل على الله ترافنادقك ماعليها كلام ودي اعدلك لكن ماطاوعني قلبي عريس لازم يفلها اقول مبروك مقدما ولاتخرب البرنامج رجاء بالنسبه سؤالك عن العباره هذا طال عمرك بين لنكاوي اوبننغ لان الطيران متوقف بين الجزيرتين منذ سنتين تقريبا .

يسلموا عزيزي بصراحة ودي أخدمك أكثر خذ هذي بعض المواقع بتفيدك اذا فصفصتها حته حتهhttp://www.malaysia-maps.com/
وهذا موقع لترجمة المواقع للمساعدة
http://www.arabs2day.ws/Translate/3/
والله يوفقك
لا اله الا انت سبحانك اني كنت من الظالمين