أنا و زوجي مسافرين ان شاء الله على تركيا لأول مرة ^_^
و أنا من اسبوعين اقرا في التقارير و الاستفسارات
و هذا البرنامج الي طلعت فيه ..
السفر بتاريخ 14 / 6 ... و العودة بتاريخ 27 / 6
الدمام - اسطنبول ( مطار اتاتورك ) .. و من اسطنبول راح نطلع من مطار صبيحة على طرابزون في نفس اليوم
من 14 / 6 لين 19 / 6 بنكون في طرابزون
و كنت مخططة ع النوفتيل .. و طلع مافيه مجال >_<
>> احتاج اسماء فنادق - نظيفة - موقعها حلو - مكيفة - هادئة - مافيها رائحة دخان
يوم 19 / 6 بنرجع من مطار طرابزون لمطار صبيحة .. و بنروح بورصة ثلاث ليالي ..
>> احتاج اسماء فنادق في بورصة ؟!
يوم 22 / 6 بنروح اسطنبول .. و بنسكن في السلطان أحمد .. لين موعد رجعتنا 27 / 6
,,,,,,,,,,,,
حجوزات الطيران كلها على الطيران التركي .. الدولية و الداخلية ..
بس شفت قبل شوي موضوع عن كأس العالم للشباب و فكرت ألغي روحة طرابزون >_<
تنصحوني ألغيها لو اخليها ؟!
في حال ألغيتها .. وين تنصحوني اروح بدالها ؟!
,,
التنقلات من طرابزون .. راح نستأجر سيارة مع سائق .. كم التكلفة التقريبية لليوم الواحد ؟!
و من وين ممكن أحجز سيارة مع سائق ؟!
,,
الفنادق .. للحين ماحجزت و لا فندق >_<
سويت بحث في بوكينغ على فنادق طرابزون ..
و طلعت بكم اسم ..
kalfa hotel
horon hotel
karayd hotel
aksular hotel
الي مجرب احد من هالفنادق يقول وش رايه فيه ؟!
في اي واحد منهم احجز ؟!
و شكرا مقدما ^_^