السلام عليكم ورحمة الله وبركاته
اخواني وخواتي
بعد الاطلاع على التقارير المفيده في هذا المنتدى القيم
قررت زيارة أمريكا من 214 الى 115 بإذن الله
كويت - نيويورك - ميامي - كويت
تخطيطي كالتالي :
نيويورك 3 ليالي فندق كراون بلازا ( تم الحجز )
اورلاندو 14 ليله فندق baymont inn and suites florida mall
( اللي يعرف عن الفندق شي ياريت يفيدني )
ميامي ليلتين فندق Nassau
استفساراتي هي :
1- حجزت على الطيران الهولندي KLMوترانزيت 7 ساعات في امستردام هل يوجد فندق احجزه بالساعه في المطار للراحه ؟ وكيف هو الطيران للي سبق و جربه ؟ خاصه ان معاي طفل سنه ونص
2- علمت انه يمكن شراء حقيبه 23 كيلو ب 200 دولار بس من وين نشتري من المطار في طريق العوده ام بالنت ؟ وهل للطفل الرضيع وزن داخل الطياره غير اللي باليد ؟
3- ماهي أفضل شركه لتأجير السيارة خاصه ان انا وزوجي اقل من 25 سنه فالسعر دبل !! هل في شركه اسعارها مناسبه ؟ غير ناشونال كار
4- ما هي اسعار الاماكن السياحيه في هذه المناطق عشان اعرف الميزانيه بالضبط
5- وما هي حالة الطقس في هذه المدن في ابريل و مايو لان معاي ولدي سنه ونص بعرف شنو اخذله ملابس
ادري طولت عليكم بس ادري ما تقصرون
واسمحولي
واي اقتراح لا تبخلون علينا
مشكورين