السلام عليكم ورحمة الله وبركاتة
الأخوه والاخوات الأفاضل تحية طيبة وبعد ,,,,
بمشيئة الله قررت احزم حقائب سفري انا وزوجتي وناخذ لفه سريعة على ( 3 ) دول اوروبيه والمخطط كالتالي:
جده - باريس ( عن طريق الخطوط السعودية ) موعد المغادره 2- ابريل - 2011 الساعة : 1.30 صباحاً من مطار الملك عبدالعزيز الدولي بجده
باريس : ( 5 ) ايام .
بعد ذلك يتم التوجه إلى ( ميونخ ) عن طريق القطار .
ميونخ : ( 5 ) ايام .
بستأجر سيارة من شركة ( SIXT ) نوع : ( BM-X5 ) أو ( BM-X3 ) من نفس محطة القطار .
طبعاً اشتريت جارمن نوفي وعليه خرائط اوروبا .
عندها سوف يتم ( الفرفره ) في ميونخ ولا برجع الفندق الا وقت النوم يعني بالعربي ( تالي الليل ) ...
المحطة الأخيره ( فرانكفورت ) وفترة الجلوس ( 3 ) ايام في فندق ( ماريوت ) وبسلم السيارة اول ما اوصل لشركة
SIXT اقرب فرع , واقول لهم جمل الله حالكم ماقصرتم .
العوده : فرانكفورت - جده
بعدها نرجع لديارنا سقاها السيل بس ان شاء الله مايكون مثل سيل يوم الأربعاء الأسود
( الزبده ) :
1- ابغا الإفاده من حضراتكم بخصوص المخطط ورأيكم يهمني كثير .
2- مدينة أو قرية ( قارمش ) كم تبعد عن ( ميونخ ) والي يعرف الاحداثيات ياليت يفيدني .
3- عندي نية قوية ( ادق سلف ) على ( زيلام سي ) أو ( زلم سي ) أو ( زلا ام سي ) عاد نقو الي يعجبكم مدري وش الصحيح منها , والظاهر ولا وحده صح ....
هل تأيدوني اروح والا مشوار ع الفاضي ...!!!
4- بالنسبة للمشتروات تعرفون الحريم جنتهم ( الأسواق ) من وين تنصحوني ( اتقضى ) اقصد ( اتسوق )
5- نسيت اقلكم يوم اوصل ( باريس ) تنصحوني اسكن في ( الشانزليزيه ) والا ( لادفينس ) ...!!!
علماً اني عقدت النية وقررت اسكن في ( لادفينس ) .
آسف على الاطالة واعرف انكم مابتقصرو ومنتظر ردودكم واجاباتكم ,,,,
تحياتي لكم ,,,