السلام عليكم ورحمة الله وبركاته ..
بغيت رايكم في موضوع يخصني وقلت ان شاءالله تقدرون تفيدوني
والموضوع اهو عن الطيران اللي راح انا اسافر عليه وعن مطار كينيدي بنيويورك (JFK)
اول شي انا ناوي آخذ تذكره مرجعة على الطيران الملكية الاردنية ( البحرين - الاردن - نيويورك )
وطبعا انا ناوي اسافر ان شاءالله في ابريل 2009 ، وراح اوصل مطار كينيدي بنيويورك (JFK) ان شاءالله في الساعة 5:25 مساءا بتوقيت نيويورك ،وناوي على طول اروح لي اورلاندو بتذكرة مرجعة عن طريق طيران JetBlue وفي عندهم رحلتين مب عارف اي وحده اختار منهم :

• الاولى : 7:35 مساءا ( الوصول 10:45 مساءا)
• الثانية : 9:25 مساءا ( الوصول 12:23 بعد منتصف الليل )

انا ادري الكل بيقولي شحادك اتعب روحك وعلى طول تروح اورلاندو بس هذي اللي لازم يصير للأسف
وهذي اسألتي اللي ان شاءالله راح الاقي اجوبه منكم اللي راح تفيدني ان شاءالله
(1) وش رايكم بطيران الاردنية الملكية ؟
(2) اي رحلة من بين الرحلتين على JetBlue يفضل ان اختار ؟ علما بأني اول مرة اروح لامريكا .. يعني هل بيكون في استجواب كثير في مطار JFK بنيويورك ؟ وهل راح اتأخر هناك ولا شنو الاجراءات ؟
يعني مثلا لو الاجراءات بتاخذ 3 ساعات اكييد يفضل اني آخذ الرحلة الثانية ..
بس انا اللي خايف منه انه تاخذ اكثر من 4 ساعات وبالذات انه الرحلة بعد وصولي ب 4 ساعات ، هذي بعد اذا وصلنا على الوقت وماصار اي تأخير
شرايكم شباب ؟؟ يالله نجوف الردود وسامحوني على الاطالة .. ويعطيكم الف عافية