الكاتب المسافر
أخي الفاضل هل معاك فيزا بريطانيا

الكاتب المسافر
اخذ لك فندق في داون تاون . وانصحك في شيرشيل او منتكلم
ولك يومين تنزل فيها لندن بدون فيزة . اذا انت جاي ترانزيت .

اذا 20 ساعه بس ما يمديك تسوي شي خاصه بتكون تعبان و يعتمد الوقت بيكون صبح او ليل؟
حط لك للامان ساعه نازل لندن و راجع اذا هيثرو اكسبرس .
ساعتين قبل الطياره لازم تكون بالمطار
ساعه اضافيه لاي طارئ .. اذا بيحوشك ليل لا والله حرام تروح داخل و تتوهق
و تقدر تحجز فندق يم المطار و تستقر فيه
و تنزل بالاكسبرس لندن تتمشى جم ساعه و ترجع تريح بالفندق قبل طيارتك
انا جربت فندق سوفتيل هيثرو .. جدا راقي و جميل و سعره مناسب
ملاحظه مهمه بالنسبه للنقطه اللي ذكرها الاخ بريستيج بالنسبه للترانيت بدون فيزا ل48 ساعه . هذا الشي صحيح لكن يعتمد علي مزاج موظف الجوازات . يعني اذا موظف الجوازات قرر انك ما تدش بدون فيزا خلاص ما تدش . يعني اهوه عنده السلطه ان يحدد تدش بدون فيزا او لا و هذا شي معروف و حتى بموقع الفيزا محطوط
home office
uk border
if you will be staying in the uk for up to 48 hours before you continue your journey, you will normally need a 'visitor in transit visa'.
However, an immigration officer may decide to let you pass through the uk on your way to another country without holding a visa. This is known as 'transit without visa' (twov).

أبوعبدالله
اي ياطويل العمر. معاي فيزا وفي رحلة الذهاب بدخل 4 الي 5 ايام لندن عندي شلغه وبواصل رحلتي وبعدها برجع الديرة والترانزيت ليلة مثل ماقلت .
مشكور على الرد.

البرستيج كله
مشكلتي اخوي.. مو يومين اهي يوم واحد.
يعني شخصيا احسها لويه.
ولا القطار مايقول لا..وفندق عند محطة بادنقتون واخلص .
بس قلت اشوف شوركم والاختيار الافضل. وطبعا لاغنى عن راي اصحاب الخبرة. خصوصا ماعندي اي خبرة في منطقة مطار هيثرو .
مشكور

aLKuwaitia
اختي مشكوره عالرد الوافي.
لكن فندق سوفتيل شفته سعره 99 دينار الليلة ..جنه غالي ولا شرايج؟
وعموما مثل ماقلت عندي فيزا قديمة وقائمة ووصولي الساعه 6 المغرب واقلاع طائرتي الساعه 1 الظهر ثاني يوم. وعندي حقيبة وحدة وسط.

أخوي انت سألتنا عن راينا . وانا لو مكانك .
اسكن في ماربل ارش تعشى وتقهوى وانام وقوم صبح اتريق وعين من الله خير وروح المطار . وركب تكسي او اتفق مع شركة ميني كاب في توصيله ورجعه وكلها نص ساعه .
وراي الاول والاخير لك .
ورحله موفقه ..

البرستيج كله
هذا اللي افكر فيه.. ورحلتي بالقطار بتكون.. واحاول اسكن في القرب من محطة بادنقتون.
شكرا لك..

الكاتب المسافر
غريبه بالعاده سوفيتيل المطار ما يعدي 40-45 دينار الليله جم تاريخ وصولك؟
شوف هيلتون او راديسون بلو
فتره وصولك صعبه يعني علي ما تطلع من المطار و تخلص الاجراءات غير احتمال التاخير بيكون طالع 7 7 و نص
درب لي لندن
بتوصل 8 8 و نص
و الصبح بتكون في المطار لازم 11 الصبح علي الاقل
تحسبا لاي شي بتكون طالع من لندن لي المطار من 9 و نص او 10
تسوا تنزل لندن؟ انت و راحتك