1. هذي هي الاماكن اللي في بالي

انا مو ذاكرهم كلهم لكن بحاول
كوالالمبور1-لاتفوت الصن واي لاقون ( مدينه العاب قمه وبتعجبكم اكيد لانها ممتعه جدا .. فيها العاب جافه والعاب مائيه )
2- جنتنق لازم تزورها .. مدينه العاب ومركز تسوق وفرجه خياليه ومطاعم وكل شي تتوقعه موجود فوق جبل مرتفع والمكان بارد ومميز ... وبالصيف تصير فيه عروض واشياء حلوه ..
3- طبعا التسوق بكوالا متعه والاسواق عندهم كثير .. ميغا مول - لوت تن - سنغي وينغي - ستار هيل - السوق الصيني - السوق المركزي وهذا سوق شعبي حلو ورخيص - وغيرهم كثير
4- الماينز وندر لاند .. سوق وحديقه ليليه .. منطقه الفراشات المضيئه وغيرها ..
5 - كهوف باتو - معبد وثني متعب وماله داعي بس الفرجه فيه تحت اوكي وهو بطكريقك لجنتنق يعني لو نزلت فيه 5 او 10 دقايق مابيضرك .. وان مانزلت بعد عادي ..
6- حديقه الحيوان لاتفوتها كبيره وحلوه مع انها حديقه حيوانات
لنكاوي:
1- انتبه لاتروح مقام مهشوري يجيب العله
2- لاتروح مصنع الاقمشه ماله داعي
3- روح للقريه الشرقيه والتلفريك حقها حلو احلى من جنتنق
4- روح للشلالات واسبح لين تقول امين شلالات لنكاوي روعه وعندك 2 فيها مميزين اسئل اي تاكسي وبيوديك
5 - بحر الرمال السوداء مع انه بحر لاراح ولا جا بس لاتفوت شوفته حلو سبحان الله وغريب
6- عالم تحت الماء ممتع جدا
7- لاتطق خبر لاسواق لنكاوي مالها داعي ابد
8- منطقه ميدان النسر حلوه لان فيها شوي حركه وفيها ستار بكس ممكن تسهر فيه الي الساعه 1 وحبتين بالليل لان الاماكن بلنكاوي بالليل معدومه وبتمل
9- حديقه الفواكه امتع من اللي في بيننق بالنسبه لي لان فيها مرشد ومريحه وانت تمشي يذوقك ويعرفك على الفواكه احسن من اللي في بيننق محد حولك وبتمل
بيننق:
1- حديقه التوابل حلوه وفيها مطل روعه مسوين فيه مطعم
2- حديقه الفراشات حلوه
3- حديقه الفواكه
4- الهضبه
5-السوق الليللي
6- بوسط السوق الليلي فيه مطعم اسمه ايدن .......... انتبه انتبه انتبه تتعداه وتروح لغيره هو الافضل على الاطلاق وجرب ومابتندم بالعكس بتدعي لي
7-اسواق بيننق حلوه
8- خذ لك فره وانت رايح للاسواق بمدينه جورج تاون اللي هي مركز بيننق وعاصمتها تراهي حلوه

هذي هي الاماكن اللي في بالي

بس بما انكم رايحين تكتشفون عهالبلد وانتو شباب ليش ماجات صباح في جدولكم ؟؟؟؟؟؟؟؟؟؟؟؟؟
لان صباح اروع واحلى منطقه بماليزيا ممكن انك تفكر فيها كاكتشاف ومغامرات وتسلق جبال خطيره وسباحه في الانهار ومسابقات مائيه واشياء كثيره ضمن قروبات اجانب وجنسيات مختلفه وفيه بعض النقاط بيبيتونكم في خيام بوسط الغابه وغيرها وغيرها
بجد تجنن وبتعجبكم
حتى الجو فيها مختلف نهائيا عن باقي مناطق ماليزيا .. خرافيه بالنسبه لي

وش رايك بصباح
كيف نروح لها؟
وهل تصلح للعوائل؟ 2رجال 2نساء

oo0 حواس 0oo
واللي عنده جدول مرتب بالأيام ياليت يسدح ابوه هنا طبعا انا متأكد انه بيجيني رد منكم لا والله
الا متأكد ونص بعد دام هالكوكبه موجودين وانا متأكد ان فيه ناس في البال بيردون
طبعا معروفين مايحتاج اقول ولا اقول عموما هم ناس فيهم شي من القطه
شكل الرشاش معشق ياولد انحش
اتمنى التفصيل الممل لكل مكان مع ذكر ايجابياته وسلبياته ان امكن ومشكورين اصدقاي
الصراحة أنا أقترح عليك تغير في الجدول شوي
أولا ليلتين في كوالا ، للراحة بعد عناء السفر.
3 ليالي في بينانج ، لأنها إزعاج وزحمة.
4ليالي في لنكاوي رائعة وبها العديد من الجزر والمناطق السياحية.
5 ليالي في كوالا ، للتسوق والسياحة
وإذا تبي المناطق السياحية أنا جاهز :36_1_39: .
أخوك أبو عبد الله.

كلام fay fay سليم
اضيف علية من وجهة نظري
وانت شوف الا يريحك
في كوالا :
السوق الصيني مالة لزمة حر ووساخة ومافي شئ ارخص من الا عندنا في اسواق ابو ريالين
سوق الماينز ايضا عادي مافي شئ زايد اللهم اذا تاخذ مركب تلف بيها في وسط بحيرة!!!!!!!!!
سوق سوريا عند البرجين حلو
وانت نازل من جنتج :
اسأل علي بوكيت تنجي القرية الفرنسية(صغيرة ما تاخذ وقت) وبعدها مزرعة ارانب لو معاك اطفال حلوة لهم
لنكاوي:
فعلا مصنع الاقمشة عادي مالة لازمة اذا منت من هواة الاشياء ذي
في مزرعة السمك وفي مدخلها مطعم تصطاد السمكة الا تبغاها ويطبخوها لك ((لذيذ)))
سوق لنكاوي ابد مالة داعي ممل وقديم
بيننج:
حديقة الفواكة مملة و حر ورطوبةمافيها اصلا فواكة
فلو رحت الا كتب عنها فاي فاي في لنكاوي(انا ما روحتها يعني علي ذمتة) اكتفي بها ولا يغرك الكلام والمدح عن الا في بيننج (غير اذا ثبتولك الكلام بصور)
صباح :
جو وطبيعة بالذات فندق شانغريلا ارو
لحالة متعة

والله انا مالي اضافه على اراء اخوي fay fay
ماشاء الله كفى ووفى
(تحس رد وحده تبي تفتك بس والا) ؟
بس جد الاشياء اللي قاله هي الاروع..
بس احب اضيف عليها القرية الفرنسيهbukit tinggi
وتحياتي لك
(ياخي تصدق كل مااتذكر انك بتدرس بالصيف تجين غلقه ارحمك )

fay fay
وش دعوه عائلة ال مختب مانستغني عنكم
عاد لو تلاحظين الموضوع اللي كاتبه لمحت لشي اسمه قطه بس شكلك مانتبهتي ههه
وتوقعت انكم بتردون وتوقعي كان صحيح يسلمو على مشاركتكم
بعدين لازم يضيق صدري تجيبين طاري الترم الصيفي :112: :112:
بس بيني وبينك شكلي بحذف ابوه اص لا احد يسمع ثمن نروح في
خرايطها اجل اذا انتي تجيك غلقه انا وش يجيني

هاه أصدقاي فيه في بالكم اماكن جديده او احد عنده اماكن ماذكروها اصدقاي اللي ردوا
لا تخلوني أصدقاي باقي 12 يوم على رحلتنا ته ته ته انقذوني هالحريم الواحد يوصيهم
والله رادين بالوضع لاجهزوا شي ولا يحزنون معتمدين على الله ثم علي ايه اماهم ضمنوا
الروحه خلاص عساهم ماينسون شناطهم بس ههه الله الله بالاماكن اوكي