السلام عليكم
عزمنا انا وزوجي وامه واخوه الصغير نقضي اسبوع كامل في دبي
حجزنا بعد اسبوع من اليوم على خطوط فلاي دبي من البحرين على دبي
بصراحة اخترنا هالخطوط لان سعرها كثير مناسب ولو ان زوجي متخوف منها كثير .. يقول سمع انها اي كلام وتلفيق
سعر التذكرة الوحدة ذهاب وعودة 500 ريال للشخص
ياليت الي يعرف عنها شئ يخبرنا ينصحنا فيها او نغيرها ؟؟
بالنسبة للسكن حجزنا في فوربوينت شيراتون في شارع الشيخ زايد ..
لقينا عرض في موقع بوكينق على اخر غرفة
هي عباره عن غرفتين نوم مع صالة ومطبخ واجمالي سعرهم لست ليالي ب6000 تقريبا مع الضرائب وكل شئ
بصراحة السعر فوق الخرافي والي كنا نتوقعه ومن الصور وتقارير كثير من الاعضاء عن هالفندق تحمسنا له وحجزنا فيه
بالنسبة للاماكن الي بنزورها خلال هالاسبوع نبي نزور كل شئ
ام زوجي مغتلقه وتبي توسع صدرها وودي اختار لها احلى الاماكن الي تصلح لنا ولها
اخترت مبدأيا هالاماكن وابي تساعدوني في اختياراتي اذا مناسبة او لا
وتعطوني بعد خيارات زيادة الله لايهينكم
اليوم الأول : دبي مول + النافورة الراقصة
اليوم الثاني : السوق الصيني + ميناء السلام في الجميرا + الممشى The Walk في جميرا بيتش JBR
اليوم الثالث : الامارات مول
اليوم الرابع : القرية العالمية + سيتي سينتر
اليوم الخامس : ابن بطوطة
اليوم السادس : ماعرفت وش احط اقترحوا علي اي شئ
المطاعم :
صدف
الصفدي موجود في شارع الشيخ زايد
باتو دبي الي هو مطعم في وسط سفينة أو سفينة قرية البوم
عندي كذا سؤال ..
هل القرية العالمية فاتحة الأن ؟؟
أيهما أفضل باتو دبي أم قرية البوم ؟؟
هل في وقت سفرتنا أي احتفالات او مهرجانات او عروض ؟؟
هل تنصحون نتنقل عن طريق التاكسي أم عن طريق الميترو ؟؟
أنا حامل .. هل فيه بالمجمعات زي سيارات القولف توصلني بسرعه للمكان الي ابيه ولا لازم امشيها برجولي ؟؟
بإنتظار ردودكم واقتراحاتكم ...