أم الزين
14-02-2022 - 07:37 pm
السلام عليكم ورحمة الله وبركاته
أخواني وأخواتي أم الزين تحييكم من دوحة الخير والعطاء شمس آسيا من أرض بو مشعل لكل الشعوب المحبة للسلام
غصباً على الابل تركب جاريات السفن ** قطعتكم من مدة طويلة لظروف خارجة عن إرادة شخصي وها أنا
اليوم طالبة منكم المساعدة
( ابو العيال جاته دعوة لزيارة معرض مجوهرات سيقام في روما بتاريخ 23 ديسمبر 2007 - عاد عرض
علي عرض وايد حلو - قال لي تجين معاي ( ما ادري شالسالفة ) - عاد اختكم ها ما تصدق ، كل ما
يدق هو طبله اقول انا قبلك ( اللقافة عندي بيزة ) المهم وبدون تفكير حتى قبل ما يكمل كلامه حشى - قلت
له على طول موافقة موافقة ونسيت ان اليهال بالمدارس وان الجو شتاء
وان ان ان - المهم توهقت وخلاص وما اقدر
اقول لا ، لاني قدمت على اجازة من شغلي وتمت الموافقة - اقول لكم ما شايفة خير ، وعلشان ازيد الطين
بله لا واشترطت عليه باجيب الولد الصغير ( عمره خمس سنين ) قال ليش لا - انا شاكة فيه ويش ها الرضا
المهم / تحدد السفر يوم 22 وبنكون في ايطاليا مدة 7 ايام بدون ايام السفر الروحة والجية -
ممكن اخواني خواتي تسوون لي جدول حلو ما اضيع وقتي الشتوي ( مع الاخذ بالاعتبار - وجود الطفل
الصغير معاي - وهذه مش اول مرة - لان اول مرة كنت 7 ايام في باليرمو وما زرت مكان )
سامحوني على الاطالة ولا تنسوني
ممكن نعرف اي مدينه بتروحوا .. وش المدن اللي تبون تزوروها
تحياتي