وعليكم السلام ورحمة الله وبركاته
Eager
1-بالنسبه للدمام انصحك تطلع من البحرين على الكاثي الى هونج كونج او من الدمام على القطريه الى جوانزو او الطيران الكيني من دبي(لكن ما انصحك فيه)او الطيران الصيني من دبي ايضا
2-اسواق الجمله تبيع بالمفرق
3- الجلديات في (السان يلي ) خمس مجمعات مختصه بالجلديات
4-الاسواق بعيده بعض الشي عن بعض لكن حدد السوق مع اني انصحك بالسكن بالقرب من المعرض القديم لانك سوف تكون في الوسط....
5- ارقام المترجمين فيه موضوع للاخ ابوضرار تجد فيه الارقام
6-حاول الدخول لبعض التقارير في المنتدى حتى تكون خلفيه قبل السفر
تروح وترجع بالسلامه واي استفسار احنا حاضرين

مرحبا بحضورك الي الصين في اي وقت انا مسلم صيني

اول ما توصل روح لمطعم سبأ وانت تعرف كل شي
مترجمين...فنادق...مواقع
الي تبيه اسئل عنه محاسب المطعم وخذ المنشورات الي عندهم وتوكل علي الله قبل كل شي
وتري الدعوا عايدي لا تصعب الامور كاسر وفل الحجاج والي تبيه لايردك شي عنه وخل عنك البرستيج الي ماله سنع
وتروح وترد بالسلامه وجبلي معك شاهي صيني
اهم شي حاول سفرتك لكوانزو دايركت وان ما حصل رح عن طريق هونج كونج ومنها بالقطار انتبه من الباص لا تنحاس
وسلامتك

أشكركم جميعاً على تعاونكم
أخوي عاصي نجد،
هل السان يلي مدينة أم حي أم منطقة صناعية؟ وما هي أقرب مدينة قريبة لها (كوانزو، شنغهاي،...)؟
أخوي عبدالكريم،
سيكون لنا إتصال إن شاء الله
أخوي نايف،
عندما أحجز لهونج كونج، الفيزا تكون للصين أو هونج كونج وحجز القطار من وين يكون؟
تعاونكم ضوء يضيء لنا دروبنا، فجزاكم الله عن الجميع كل خير
تحياتي،،،

Eager
انت سعودي دخولك لهونج كونج بدون فيزا الفيزا للصين فقط
عند وصولك لارض مطار هونج كونج اسئل عن الباص الي يودي لمحطه قطارات هونج كونج من المطار ومنها الي كوانزو او اركب تاكسي من مطار هونج كونج الي محطه القطار في هونج كونج ومنها الي كوانزو
او عندك خيار ثاني كان وقتك في النهار وتبي تتمتع بالمناضر الجميله عبر البحرممكن بالسفينه بس لايكون عفشك واجد عشان ما تنحاس شوي (الفيري السريع) من هونج كونج الي كوانزو وعندهم مكتب تذاكر للفيري تلقاه قبل بوابه الخروج من منطقه استلام العفش في مطار هونج كونج ولا تنسي الشاهي الصيني وتروح وترد بالسلامه