شف لحالك صعبه شوي ما تلقى مين اللي يشيلك وتشيله هذي وجهت نظري ولو تقدم سفرتك ابد تعال معنا حنا بنروح ثلاثه وتكون انت رابعنا وحياك الله الدعوى كلها نظام امريكي ..
أما التذكرة وانا اخوك على الإتحاد على النت من دون عمولات فقط الضريبه ب 1929 ريال سعودي
انا قد رحتلها قبل وحده بس بانكوك ما جازتلي كبيرة وصعب تدل فيها يبغالك تكاسي وقلت حيا
والأنجليزي لغتهم والإشارة بالحركات تخارج كمان هع هع هع هع هع
أسألني انا كلمتين انجليزي وحركة بالإشارة وتلقح وما يخالفون يضحكون ويسلكون لك
أنا سكنت في فندق الصراحة هو جديد فتح في عام 2008 نظيف بس مهوب 5 نجوم كان سعرة نفس سنه الإفتتاح 2008 بات في اليوم وكان قريب من شارع بنقلا وقريب من الكوشكات السياحية للرحلات
اصراحة استانست ثم رحنا لبتايا جعلها السيل وكان السكن اغلى شوي بس باقي الأسعار ارخص من بوكت مثل جت سكي دباب البحر ارخص لقيته ومثل المطاعم و كل شي ارخص من بوكت اما الفندق تقول ليش اغلى لأنا استاجرنا فندق فخم عند مستشفى نسيت اسمه وهو " فلا فلا " اسم الفندق
اما الفيزا على قوله الاخوان مجناً إلين شهر 2 ميلادي عندهم عرض إذا كنت بالرياض نصيحة طلعها من الرياض لأن يعوطنك شهرين او ثلاثه ناسي اما فيزا المطار فقد 15 يوم وكل يوم تأخير دفع غرامه عن كل يوم تأخير ..
وش تبي بعد تعرف ...؟
انا حاضر وفاضي هع هع هع
عندي لك نصيحة في صرف العمله لا تطيح مثلي وخسرت 1400 ريال على شان تحويل العمله
بس اخليها لك بعدين

ابو خشب
مشكور يالغالي وفالك البيرق هع هع

عريبيد
أتمنى أكون ساعدتك وأتمنالك إجازة سعيدة ...
أختك : p!nk zone

p!nk zone
هلا فيك اختي ... وهلا ب أهل الأمارات كلهم ... ( مرحب الساع)

عريبيد
تسلم ياخووي ...
وأي استفسار تراني جااهزة وفي الخدمة ...
تحياتي ... ^_^

هلا بالتهور كله
بصراحة نفسي اسافر لحالي احس انها راح تكون متعة مادري ليه
احس الواحد يكون اخف لحاله
بالنسبة لبانكوك التنقل احسن لك بالقطار المعلق مره ممتع ورخيص
الفنادق كثير اذا تبي قريب للحي العربي
عندك الماريوت او ابعد منه شوي وستن وانا اشوف انه احسن
بس لا تطول في بانكوك لانها زحمه وممله صراحة احسن شي فيها السينما
بس بما انك في الانجليزي على قولتك ميح ماراح تستمتع بالافلام
بالنسبة لبتايا مارحت لها بصراحة ان شاء الله يفيدونك الشباب
فوكت الله يافوكت سكنت في منتجع لي مريديان شاطي خاص مكان خمس نجوم
يعني اقضي معظم الوقت في الفندق على البحر او في احد مطاعم الفندق بصراحة عجيب الفندق
بأمكانك زيارت التقرير الي في التوقيع الخاص بالفنادق الي زرتها وراح تشوف الفندق
عموما تقدر تسوي الشي الكثير في فوكت البرامج السياحية كثير
يعني بصراحة 10 ايام ممتازة
التكاليف وانا اخوك على حسب اذا فنادق خمس نجوم راح تكون غالية شوي
وخصوصاً راس السنه اعتقد الموسم المرتفع بدا
التأشيرة خذها من الرياض يقولون مجاناً ومدتها شهرين او ثلاثة حتى شهر ممتاز
لان المطار بس 15 يوم
بالتوفيق لك اخي الكريم

lucky 1
مشكور اخوي على وقتك وعلى نصايحك