اتمنى ان تزود المدة لانها فعلا قصيره ولاتستحق تعب الطائرة او قيمة التذاكر
بالنسبة للسكن في جاكرتا فندق كمنبسكي جميل جدا وتستطيع حجزه من كاها
البنشاك الافضل السكن في فندق سيروني والحجز من هناك واذا لم تجد حجز بتحصل فلل صغيره ومناسبة لكم
7 ايام هل هي من غير الذهاب والعودة ؟

الله يحييك ويبقيك يابو ريما .. والعشر عليك مباركة الله يجعلك فيها من عتقاء النار أنت ومن تحب ومن يقرأ ..
إسبوع في العمة طال عمرك إم !! مدري وش أقول لك .. جدا قليل يالغالي .. آسف فهذي وجهة نظر ..
لكن حتى ولو ياخوي .. فالعمة تستقبل بجمالها وسحرها كل سائح .. لديك إسبوع 7 أيام .. عسى الله يكتب لك فيه السعادة والوناسة يارب أنت وعائلتك الكريمة ..
لو أنا في موقفك سلمك الله ومجبور على إسبوع .. راح أقضيه في منطقة واحدة .. وأخلي جاكرتا يوم وصول وأفتك منه في نفس اليوم .. حتى يوم الإقلاع راح أجيها مقلع ولن أجلس بها .. شخصيا لابد أعيش الطبيعة بعيدا عن غابات الإسمنت المعروفة في المدن الكبيرة ..
الله يوفقكم .. وراح يفيدونك الأعضاء والمشرفين إن قالها الله بجدول عائلي ذرب لمدة أسبوع ..
بالتوفيق والسلامة ..

يعطيكم العاافيه على الردود
والله لا يهينكم لاكن سفري راح يكون اسبوع من غير الذهاب والعوده وبصرااحه على الله راايح وابي اعرف هل اندنوسيا احلى من ماليزيا لأني زرت ماليزيا وانبهرت بطبعيتها وجمالها ؟
وبصراحه انا والله ما ادري وين اروح هناك ؟ ولاكن في النهايه ابي استجمام وطبيعه وجو حلو
والله يحلي ايامكم ويجزيكم خير ومشكورين على ردودكم واامل في المزيد

آمين يارب .. وضعك طيب يابو ريما دام السالفة إسبوع من غير يومي الوصول والإقلاع ..
عاد أنت برفقتك عائلة .. وأقدر أفيدك نوعا ما لاكن أخاف من المسؤولية .. لاكن مشرفينا الكرام خبراء برحلات العائلات وأعضائنا الكرام ماراح يقصّرون .. بجدول تحبه وترضاه بحول الله ..

سيدوارجو
بيض الله وجهك وماقصرت على تفاعلك معااي ولاكن اتمنى منك ومن الأخوه المشرفين افادتي بشكل وااضح بالنسبه للسكن في كمنسكي وهل مكتب كاها الي في المطار عنده حجز فلل في بونشاك وماهي افضل الفلل ومع السعر ؟ وتكلفة السفر بخبرة الأعضاء لمدة اسبوع لشخصين وهل تستحق اندنوسيا السفر لها 7 ايام ام اغير وجهتي ؟

m alghamdi
مشكور اخوي على ردك ويعطيك العاافيه

يقولون لارحت باندونيسيا بدون بالي ماكأنك رحت ...

1. المطاعم افضلها كامننا وريندو علم

في البداية حاول انك تتمشى وتنبسط ولا تقعد كل مارحت مكان تقارنه بماليزيا
الطبيعة حول بعض
الاسعار ماليزيا اغلى
الترتيب والتنظيم ماليزيا متقدمة
بالنسبة لموعد ذهابكم راح يكون يوم الثلاثاء 14-9 وبتوصلون ان شاء الله الاربعاء 15-9
اندنوسيا بتكون اجازة الى يوم الاحد 19-9 يعني جاكرتا ما تنفع لكم في البداية لان زحمتها غير شكل
الافضل لكم تبحث لك عن سائق يستقبلكم في المطار وعلى البنشاك مباشرة وخل التعب مره وحدة
وتجلس الى يوم الاحد 19-9 وتنزل لجاكرتا ( مع ملاحظة ان الجميع سيغادر البنشاك معكم لانتهاء الاجازة فالافضل الذهاب بدري قبل الساعه 8 والا الله يعينك على الزحمه )
تقضي هاليومين في جاكرتا الى موعد العودة
في البنشاك
تخلي يوم لحديقة سفاري وبعدها الاماكن القريبة تسأل السواق وراح يخيرك بالافضل
ويوم لحديقة الزهور ومجمع كوتا بونقا ( فيه حديقة الشجر قريبة منها اذا فيه وقت واردت الذهاب لها )
يوم لحديقة حديقة سيبوداس وبعدها زيارة غابات و شلالات شليمبر وبعدها التوجه لحديقة الشمس
يوم لبحيرة الليدو ومدينة بوقور
طبعا هذي 4 برامج وانت جلوسك ثلاث ايام من غير يوم الوصول للبنشاك والذهاب منه فاختر اللي يناسبك

المطاعم افضلها كامننا وريندو علم

في جاكرتا ماعندك وقت يوم تخصصه لانشول من الصباح وفي المساء احد المولات للتمشية مثل تمان انقريك - باسفيك بلاس مول - سنيان سيتي - FX SWDIRMAN Mall - ومول قراند اندنوسيا ( طبعا هو موجود في نفس فندق الكمبسكي لو سكنت فيه )
اليوم الثاني الى تمان ميني وفي المساء يامول او سوق لشراء الهدايا كا منقا دوا - بازار بارو - سنين جايا
افضل المطاعم في اندنوسيا فيه موضوع في البوابة العامة لاندنوسيا للمشرف المصباح بافضل المطاعم وعناوينهم

يوم وصولك توجه على الجبل مباشرة وخذ هناك
اربعه ايام وآخر ثلاثه ايام بجاكرتا