وعليكم السلام ورحمه الله وبركاته
اذا تبي الريف الفرنسي والشلالات والقمم خلي عودتك من جنيف وروح انترلاكن
باريس 10 ايام انا اشوفها كثيره مره يا اغالي
سعر 600 ريال لعله يكون في لاديفانس يا غالي وبالمترو الي الشانز قريب منه تقريبا 7 دقائق
نوفتيل
https://www.booking.com/hotel/fr/novotelparisladefense.ar.html?aid=1300939
مايو الاسعار مرتفعه لأنه افضل شهور السياحه لأوربا
او هذا خلف القوس
https://www.booking.com/hotel/fr/royalmagdaetoile.ar.html?aid=1300939
خلنا نحسب حسبه بسيطه
التذاكر 4000 ريال
الفيزا 1000 ريال
السكن 1000 ريال كل ليله مثلا يطلع 10 الاف ريال
مصروف يومي الف ريال
طلعت معنا حسابها 25 الف ريال
طبعا بالراحه هالاشياء طانخ نفسك نصف طنخه مهوب تخربها مره يا غالي وكل وقت بالسوق او مطعم عربي
لو تزيد ايامك اقولك سويسرا ميه ميه معاك
تسوق ما فيه
تقول ايامي ما اقدر اغيرها انصحك تروح بروج وتمر امستردام
فكر وشاور واستخير

اليوم الخامس : قريه بيرسي ماتسوى والمجمع خلي بداله الاوبرا الاوبرا منطقه تسوق فيها شوارع مهمه مثل سانت اونوغي وهوسمان كلها محلات عالميه وفخمه ويبي لها وقت لو انتم من عشاق التسوق
الهضبه الصباح اعتقد ساعتين تكفي لها
متحف اللوفر جنبه حديقه تويلري والكنكورد
حديقه لكسمبورغ جميله جدا وتفتح النفس

وعليكم السلام ورحمة الله وبركاتة
التذاكر حلوة وسعرها مره ممتاز جده باريس ذهاب وعودة مباشر علا الخطوط السعوديه لشخصين 2866 مع الظرائب في شهر مايو
لاتفوتك ما راح تحصل افضل من هذا العرض
ورحلة سعيدة ان شاء الله
Your trip
Your departure flight
Jeddah - Paris
Your return flight
Paris - Jeddah
Passengers : 1 2 3 4 5 6 7 8 9
Adult(25 - 100 years) Child(2 - 11 years) Student Major(18 - 26 years) Student Minor(12 - 17 years) Senior(60 or older) Young(18 - 24 years) Young(12 - 17 years)
Adult(25 - 100 years) Child(2 - 11 years) Infant(0 - 1 years) Student Major(18 - 26 years) Student Minor(12 - 17 years) Senior(60 or older) Young(18 - 24 years) Young(12 - 17 years)
Refresh
Total :
SAR 2,866

يعطيك العافيه اخوي فيصل وماقصرت والله الشلالات .. معقولة ما في بفرنسا ..؟
اوكي دامك تقول 10 ايام كثيرة .. طيب وش رايك نخليها 8 أيام باريس ..؟ و نزيد يومين .. وتصير سويسرا 4 ايام ..؟ وش رايك ..؟ و من خلال لفّه سريعة على بعض تقارير واسئلة الاعضاء .. لاحظت انالاغلب واذا مو الكل .. يطلع إلى سويسرا ثم إلى فرنسا ..!!! شنو السر ..؟ مع إني أُفضل بدايتي تكون من فرنسا لأنها وجهتي الاساسيه ^^ و ماقصرت على الفنادق و الله يعطيك الف الف عافيه وتعبتك معي يالغالي.. اول فندق .. نوفتيل .. سيكون ان شاء الله من ضمن القائمة .. ونشوف باقي آراءالاخوان وبخصوص الحسبة .. انا حسبتها مثلك كذا على السريع ^^ .. و مثل ماذكرتفي بداية الأمر .. انا ما احب التسوق انا طالع استجمام وتغيير جو .. وش لي بالأسواق وعوار الراس .. بسعشان الماركات العالميه .. لازم نشوفها ونمر عليها ك جزء من الرحلة ...... يعطيك العافيه اختي لندنيه ماقصرتي يابعدي .. وبخصوص التسوق .. انا ذكرت في البداية إنه آخر اهتماماتي .. بس بروح لها ك جزء من الرحلة وإلقاء نظرة فقط لاغير وفكرة الهضبة لمدة ساعتين .. تم تسجيلها في الجدول ^^ ماقصرتي والله ومتحف اللوفر ان شاء الله ماراح يضيع اليوم كله عليه .. يعني لازم منزيارة شيء قريب منه .. ومثل ماتفضلتي حديقة تويلري وكونكورد .. وتم تسجيلهمبالجدول ^^ حديقة لكسمبورغ .. اذا كان ان شاء الله في وقت .. راح ازورها بإذنالله مشكورة اختي الغاليه وماقصرتي والله .. ........ مشكور اخوي سياحي .. والسعر منافس جداً .. ولكن انا بالشرقية ^^ دخلت على الخطوط السعوديه .. لقيت التذكرة الواحدة من الدمام .. ب2175 شامل الضرائب ماقصرت اخوي و الله يعطيك العافيه وبخصوص حجز الطيران و الفنادق .. ان شاء الله على نهاية الشهر الجاري.. راح احجزها كلها مرة وحدة
بس الآن جالس ارتب الجدول .. و المدة .. و الاماكن .. وافضل الفنادق .. و وقت الطيران اذا اول الشهر ولا بالمنتصف ولا بنهايته ..!
ومن الممكن مثل ماتفضل اخوي فيصل .. ان الرحلة تكون الى باريس والعودةمن جنيف ^^ و الله يسعدكم جميعاً .. وبإنتظار البقية والمزيد من الإجابات التيتسعد القلب3>

استجمام كثر سويسرا
خل باريس 5 ايام اذا كثرتها 6 ايام مره كثيره بنظري

هي حلوة 5 إلى 6 ايام باريس .. بس انا ودي اروح كل شي فيها ^^
ف اتوقع ماتقل عن 7 الى 8 ايام علشان الواحد يروح أكثر واذا مو كل الامكان اللي يقدر يمرها خلال هالفتره
وبيني وبينك ) .. اللي اعرفه إن سويسرا غاليه .. ف اذا بكثر ايام سويسرا .. يبي لي ارفع الميزانيه إلى 30 ويمكن أكثر :/
ماقصرت حبيب قلبي 3>

زين حبيبي اقرا تقارير وحط الاماكنم اللي تبي بباريس وابشر ارتبها لك

https://artravelers.com/p/re/694189 هالجدول شامل لباريس كلها وخفيف جدا

باي ذا وي لكسمبورغ اجمل من تويلري جدا رايقه مره