ديزي
30-11-2022 - 10:57 pm
السلام عليكم جميعا...... وكل عام وانتم بخير.....
اخواني اعضاء المنتدى ...يمكن اني جديدة فالمشاركة بالمنتدى ولكني كنت من محبين الاطلاع على ماهو جديد من اراء المسافرين من قبل ولكن من دون مشاركه.
المهم اخواني . جا اليوم اللي صج بغيت رايكم وياريت لو تفيدوني .
راح اسافر انا وزوجي فرنسا واسبانيا في 23 يوم شهر العسل ان شالله
زوجي قسم الرحله 4 ايام برشلونه -2 يوم فلنسيا -2 يوم ملقا - 2 يوم ماربيا -2 يوم مدريد
وبعدها 5 ايام فرنسا ( 3 ايام باريس و2 يوم ديزني)
عقب 2 يوم كان و2 موناكو و2 نيس
سؤالي الحين واللي ماعرفت وين اعرضه بالضبط في اي بوابه لانه احسه سؤال جامع دولتين
بس ياريت لو تفيدوني: انا الصراحه سبق لي زيارة باريس 10 ايام مع الاهل وشفت كل المعالم اللي فيها
بس زوجي بتكون اول زياره له في باريس .. ف هل 5 ايام تكفي الواحد يشوفها في شهر العسل ؟ ولا انزيد عدد الايام في فرنسا؟ والاولويه انشوف شنو ؟لاني احس في اماكن وايد حلوه بس مابيكون في مجال؟
انا احس فلنسيا مب لين هناك لانه محد مدحها ؟ مازرتها وماعندي فكره بس زوجي حاول يدخل مدن جنوب اوروبا عشان الجو بيكون حلو في يناير ...
في حد زار المدن اللي ذكرتها ؟ وهل فرنسا تكفي 5 ايام ؟ ياريت لو تعطوني رايكم بليز
وشكرا
تعب عليكم ك معاريس جداد على هذي التنقلات .. لازم يكون في استقرار في دولة او دولتين وتتمشون ف الأسواق
هذي وجهة نظري ...وعسى الله يوفقكم لما فيه الخير واستقرار حياتكم الزوجية