هالمدة تكفي و اكثر. توكلي على الله

تكفي ان شاءالله وتوكلي على الله ماراح تندمين
لو حابة اي معلومات واهم الاماكن السياحية انا حاضره
رحله موفقه

ممكن ليش لأ ولكن تكون نيويورك وفلوريدا فقط أما " كم ولاية" ممكن تخلونها لرحلة قادمة في المستقبل لأن كثرة التنقلات متعبة ومضيعة للوقت وفلوريدا بروحها بتكفيكم بإذن الله.
ممكن اقتراح جدول الرحلة بالوصول إلى نيويورك وتقضون 3 - 5 ايام بالكثير فيها ثم تسافرون رحلة داخلية إلى فلوريدا وتمضون باقي الرحلة فيها و عشان الأختصار ترتبون الحجز على اساس تكون مغادرة الولايات المتحدة من مطار اورلاندو أو ميامي في فوريدا

مافي شئ بالدنيا مستحيل أو ما تقدرون عليه كل شئ بالتخطتط والتفكير يصير يبه انا اعطيج الحين مخطط لمدة وان شاء الله يعجبج وتقدرين تغطين أهم المناطق بالجزء الشرقي من الولايات المتحدة الأمريكية :
4 ليالي نيويورك ومن هالخمس أيام تروحون يوم شلالات نياجرا
3ليله أورلاندو ومنها تقدرون تقضون يوم في تامبا
2 ليله ميامي
مجموع الليالي 19 ليله يعني 20 يوم بالمده هذي تقدرين تغطين أهم المناطق السياحيه بالجزء الشرقي وتكون كافيه وتستانسين فيها أتمنى لج التوفيق يارب

الله يعطيكم الف الف الف ميلون عافيه
عز الله ماقصرتو
ومع ان هالمنتدى اهم شي عندي بالنت كله الا ان هالترحيب والحفاوه ماقد شفت مثلها من بد كل البوابات
حمستوني مره والصراحه قمت افكر ب15 الى 18 يوم بين نيويورك وفلوريدا
بشتغل على الجدول وبحدد كل شي وماراح اخطي خطوه بدون شوركم
راجعه لكم باستفساراتي ومتأمله فيكم كل خير
شكرا للمره الالف

عندي مجموعة اسئله مبدئيه
1- احنا بنات مع امهم وبنروح مع اخونا 19 سنه - هل الوضع بيكون مناسب علما باني رحت لاوروبا واكثر من مره واحنا بدون اخوي-هل وجود رجال معانا ضروري؟؟
2-هل امريكا رخيصه مثل مايقولون لان دايم دايم من عمر الدنيا اسمع ان المصروف بامريكا مايكلف شي فما ادري عن صحة الكلام هذا والمجرب اخبر وادرى؟؟
3-الطيران الداخلي لو بنتقل من نيويورك لاورلندو هل هو غالي ولا اسعاره مقبوله ومعقوله؟؟
4-في حالة اني بعتمد بالتنقل على تكاسي او ميترو او اي وسيله المهم غير استأجار سياره هل هذا ممكن؟؟لان اشوف الكل يعتمد على السياره-وهل التكاسي تقبل تشيل 6 اشخاص مع ان السادسه 12سنه
5-هل الحصول على الفيزا امر مستحيل وصعب المنال؟؟
اسفه جدا على الاطاله بس طمعانه بكرم اخلاقكم وطيبة قلوبكم
افيدوني افادكم الله ووسع عليكم كل ضيق

14 يوم قليله
اقل شيء 20 يوم
5 أيام نيو يورك
5يوم أورلاندو

طبشوره
حبيبتي موضوع الايام انتهينا منه لاني ذكرت ان ظروف عملي ماراح تسمحلي باكثر من 15 يوم ولو حصللي بمدد ل20 يوم
ولا لو علي كان ياسلام
اتمنى تفيدووني وتساعدوني باستفساراتي الثانيه واكون لكم من الشاكرين

1. 5-هل الحصول على الفيزا امر مستحيل وصعب المنال؟؟

عندي مجموعة اسئله مبدئيه
1- احنا بنات مع امهم وبنروح مع اخونا 19 سنه - هل الوضع بيكون مناسب علما باني رحت لاوروبا واكثر من مره واحنا بدون اخوي-هل وجود رجال معانا ضروري؟؟
نعم ضروري . وخاصة انكم رايحين أول مرة وماتدلون المكان. ترى أمريكا قارة ومترامية الأطراف وليست مثل لندن أو باريس أو جنيف اللي تحصلون فيها جاليات عربية مستعمرين أحياء وشوارع بأكلمها
2-هل امريكا رخيصه مثل مايقولون لان دايم دايم من عمر الدنيا اسمع ان المصروف بامريكا مايكلف شي فما ادري عن صحة الكلام هذا والمجرب اخبر وادرى؟؟
المدن الرئيسية نيويورك وسان فرانسيسكو ولوس أنجلس وميامي وغيرها غالية طبعا ويمكن مقارنتها بأوربا . وكل شي يعتمد عليكم مستوى السكن الي تبغونه ؟ المطاعم اللي بتاكلون فيها ؟ الخلاصة أمريكا ارخص بعض الشي من أوربا ولكن ليست بمستوى الرخص في تايلند وماليزيا والهند مثلا
3-الطيران الداخلي لو بنتقل من نيويورك لاورلندو هل هو غالي ولا اسعاره مقبوله ومعقوله؟؟
ممكن يكلفكم من 200 حتى 1000 دولار للشخص الواحد. يعتمد متى وكيف ونوعية التذاكر ودرجة السفر الي تحجزونها
4-في حالة اني بعتمد بالتنقل على تكاسي او ميترو او اي وسيله المهم غير استأجار سياره هل هذا ممكن؟؟لان اشوف الكل يعتمد على السياره-وهل التكاسي تقبل تشيل 6 اشخاص مع ان السادسه 12سنه
نيويورك ينصح فيها بعدم تأجير سيارة والأعتماد على المواصلات العامة لأن الشوارع زحمة والمواقف غالية جدا . المترو subway ممكن استخدامه في النهار وتجنبه في الليل مع انه بالنسبة لكم عددكم 6 اشخاص أفضل تاخذون تاكسي باص صغير mini van
في أورلاندو ممكن تدبرون حالكم بالتاكسي بشرط تسكنون قريب من الحدائق الترفيهية وتسكنون في فندق لديه باص يوصل لتلك الأماكن ولكن لو بتطلعون من أورلاندو لازم سيارة

5-هل الحصول على الفيزا امر مستحيل وصعب المنال؟؟

لو بنتكلم عن الفرص لرعايا دول الخليج فحصولهم على الفيزا ليس صعب والسبب عدم وجود الدافع للهجرة للأغلبية لأن الدولة تقدم الخدمات والتعليم بالمجان وحتى فرص العمل والرواتب متوفرة وأفضل من الأماكن الأخرى ولكن ايضا يشترط أن يكون الوضع المادي و الأجتماعي للمتقدم للتأشيرة مقنع لهم يعني واحد عاطل عن العمل أو راتبه ضعيف أو كذب او زور في المقابلة او الاستمارة اكيد راح يرفضوه.
اسفه جدا على الاطاله بس طمعانه بكرم اخلاقكم وطيبة قلوبكم
افيدوني افادكم الله ووسع عليكم كل ضيق