ماشاء الله مرتب وهذا نتاج قرائتك
موفق يارب بس على كذا بيكون تقريرك توب
ننتظر منك تقرير تنورنا فيه لاهنت

أقرب محطه لك wagram
ورير pereire
الباص روح للقوس واول الشارع بتشوفه اركب معه
ولا تمش عند القوس واذا بتركب الي فوق ترى الدرج حقه يتعب وتقريبا تدفع 8 يورو ومن ثم اركب الباص
وراح يرجعك للقوس مرة أخرى انزل وطقها تمشيه بالشانز وارجع لفندقك
أنت حا بتعرف مكان المحطات من الي ولا ايش بالضبط مو فاهم عليك

ابشري ياشموخ من عيوني
بس عندي استفسار الحي اللاتيني ومتحف الشمع وش اسمهم على الخريطة مني محلصهم ؟؟
تحياتي

murshiaf
مرحبآ ...
انا حاب اعدل على برنامجك شوي لو تسمح
اليوم الاول:
اول مآ توصل للفندق نزل عفشك و رح لقوس النصر اطلع فوق و الله يعينك بتتعب من الدرج :/
ثمن انزل و اركب الباص الاحمر و رآح يمشيك و يفرر كل الاماكن السيآحيه و ان اعجبك مكان انزل و تمش فيه شوي و عادي لو تركب باص ثاني بس اهم شي تذكرتك تكون معآك .. الباصات هناك كثيره و كل شوي يمرك قرووب ..
الباص بيمر القاليري لافييت و ايفل و كاتدرآئيه نوتردآم و الحي اللاتيني و آماكن كثيره ،، و بيوفر عليك كثير لانو بيمر كل شي بيوم وآحد ،،
اليوم الثاني:
خله بقصر فرسآي لانو بعييد شوي آخر باغيي و بيآخذ منك وقت لان حدآيقه مجنونه و بتنبسط هناك ،،
و اذا امداك ترجع و تمر نهر السين و تآخذ رحله بالكروز بالنهار ،،
و قبل المغيب بساعه او ساعتين روح لايفل عشآن تكون بالبرج وقت الغروب و تشوف ايفل بالليل زي العرووس ^^
اليوم الثالث :
متحف اللوفر و سآحه الكونكورد ،، جمب بعض خله بيوم واحد ..
اللآذيفآنس ،،
متحف الشمع ،، مآ راح يآخذ وقت كثير متحف صغير و يكفيه ساعه ..
اليوم الرابع:
مونمارت ،، حآول تروح بيوم ويك اند ،، بيكون نشاط و زحمه و فله ...
ونت رآجع مرر القآليري لآفييت ..
اليوم الخامس:
يوم كامل لديزني لآند و الآوت لت ..جمب بعض ...
و اذا انت ناوي تتسوق كثير مر ديزني لاند اول عشان ما تتورط بالاكياس و اغراضك ،،،
ان شآء الله يعجبك البرنامج ،، و رحله موفقه ..

الله يعطيكم العافيه جميعا
انا وصلت ارض الوطن الحمدلله وكانت رحلة ولا احلى واستمتعت فيها جدا وسووف ابدا في التقرير غدا وان شاء الله يعجبكم لانو عندي كلام كثير
تحياتي لكل من ساعدني واتمنى المعلومات الي راح اقلكم عليها تفيدكم

ماشاء الله الحمد لله عالسلامه
ننتظرك ياخوي

حمدلله علي سلامتك وبانتظار الكلام الكبير شكله نصائح ومواقف

في هذا اليوم ابتدينا مبكرا واتجهنا الى متحف اللوفر وكانت رحلة رائعة بشكل رائع جدا وسعر دخول اللوفر بجميع مناطقه هو 14 يورو للشخص وكان يوم مشمس شوي ومن سوء حظنا كانت مدارس باريس الظاهر كلها عندها رحلة لمتحف اللوفر

صورة اللوفر من الخارج

احدى قاعات اللوفر ياجماعه يركزون على ادق التفاصي في جميع الامور

صورة طاولة طعام الشيخ نابليون وربي ياهي شقة جنان
بعدها اتجهنا الى حديقة الكونكورد والمفاجاءة انه حن لابسين شوي ثقيل وهم قاعدين يتشمسون ياجماعه
وقعدنا وانبسطنا مع الناس واتصورنا

مسلة الكونكورد
وبعدها رجعنا للفندق وبدلنا وقلت للفندق ابي اروح اتفرج على عرض حلو وقالتلي في عرض مرة حلو انا وديت عيالي عليه كا اسمه الليدو والله ياجماعه العرض كان جدا حلو بس لو انهم لابسين ملابسهم كان بيطلع احلى
هذي صورة المدخل

نتوقف هنا وبكرة ان شاء الله نكمل التقرير وان شاء الله يعجبكم التقرير
تحياتي