هلا بك أخوي الغالي ( الناصح )
1) في سلانجور ... البيراميد مميز جدآ ورائع جدآ ... وبأذن الله إختيارك موفق
2) في لنكاوي ... أرشح لك ( لنكاوي لاقون ) لأنه يقع على البحر مباشرة ... والباي فيو يقع وسط الجزيرة وبعيد عن البحر
3) في كوالالمبور ... ( القراند سيزون ) ماأعرفه
والسمرسيت ( ممتاز ونظيف ) وسعره رائع
وافي بزمن جافي

بالنسبه لفنادق سيلانجور ولنكاوي : نفس كلام اخونا وافي
اما كوالالمبور :
سمرست : اللي اعرفه انه شقق والله اعلم .. معلوماتي عنه قليله جدا ..
قراند سيزون : موقعه يمكن ما يعجبك .. بعيد شوي عن البرجين وعن شارع العرب ...
ام شايفك تحوم حول سعر 350 ريال بفندق بكوالالمبور ..
طيب عندك ميليا
وعندك بيكلو
مواقعها مناسبه ان شاء الله .... واسعارها ان شاء الله اقل من 400 ريال ..
اما سمرسيت بصراحه ما اقدر افيدك ..

وافي بزمن جافي
هلا أخوي وافي ..
أنا كنت مرشح بلنكاوي ( لنكاوي لاقون ) بس أمس عرض علي المكتب فندق بي فيو
يقول يفرقه عن البحر الشارع بس .
ويبدوا إني برجع للنكاوي لاقون إذا ماشفت أحد جربه .
لك شكري

النهر الجاري
هلا بمشرفنا الغالي
صحيح سمر ست نظام شقق
طيب فندق ميليا وبيكلو
هل يوجد من جربه ويعطينا تقييم من 10
أو هل له تغطية في أي تقرير نازل .؟؟

الناصح77
هلا بأخونا الحبيب ( الناصح )
فندق بيكولو ... من أروع وأجمل الفنادق الأربعة نجوم بكوالا ...
ويتميز الفندق بموقعه ( الأسترتيجي ) بقلب شارع العرب ... وقربه من جميع الأسواق والمجمعات والمطاعم
وسعره مقارنة بموقعه ونظافته يعتبر ( مناسب جدآ ) للرحلة الإقتصادية ...
وأنا يالغالي حجزت فيه لرحلتي إلى ماليزيا يوم الأربعاء بأذن الله ...
وطبعآ ماأخترت الفندق إلا بعد ( دراسة وبحث وقناعة ) ...
وتفضل يالغالي هذا التقرير عن فندق بيكولو بقلم حبيبنا الغالي ( بدر بوناصر )
https://artravelers.com/p/re/389823
وافي بزمن جافي

كلام سليم ..
بس الظاهر إن الفندق مافيه حوض سباحة على حسب ماقرأت في مواقع أخرى

الناصح77
هذا عيب الفندق الوحيد
وافي بزمن جافي

وش رايك انتظر ما أأكد الحجز لين تعطينا رأيك بالفندق دام رحلتك الأربعاء القادم

الناصح77
هلا بك أخوي الحبيب ( الناصح )
فكرة جميلة جدآ ... وأبشر ( بعزك ) راح أعطيك رأيئ فيه بعد عودتي إن شاء الله ..
بس أخاف ... رأيئ مايعجبك وتقول ( كله من وافي )
وافي بزمن جافي