اخوي انا اجاوب على بعض اسئلتك فقط اللي اعرفها والباقي الاعضاء يكملون معاك ان شاء الله
اول شي الديره امان لاتخاف من شي نهائيا تستانسون ان شاء الله اللي قالك هالكلام بعد الساعه 9 بالليل لاتطلع هذا مايعرف شي يمكن هو قصده لانه فيها فساد مراقص ديسكوات وهالسوالف هذي لكن انت مالك شغل فيهم ابعد عن المناطق والاماكن اللي تشوف فيها فساد وانت بخير عادي والحجز من الانترنت امن وارخص بكثير من الحجز المباشر وانا مجرب بنفسي اشهر وامن موقعين هم
http://www.asiarooms.com
مافي ارخص منهم وامن منهم اخوي
بس قرر اي فندق تبي وادخل شوفه وللعلم ممكن يكون فيه اختلاف بسيط في السعر بينهم وانت مالك الا تدور الارخص ولاتحجز من مواقع اخرى غيرهم واعذرني ماقدرت اجاوبك على باقي اسئلتك انتظر باقي الاخوان يفيدونك ان شاء الله

مرحبا ياخوي .
بتكون مع زوجتك فالاحسن انك تلغي زيارة بتايا لانها شبابية .
وتشوفلك منطقة ثانية وممكن تروح ( اودون تاني) منطقة جبلية جميلة وبها فنادق حلوه واسعارها مناسبة ويمكن الحجز اليها عن طريق مطار بانكوك او اي مكتب حجز وتبعد 45 دقيقة بالطائرة وهي منطقة جبليه جميله ايضا للعوائل او تطلع من جزيرة بوكت وتتجه لجزيرة كوسوماي.
بعدين الي قالك لاتطلع بعد الساعة تسع مايقصد بسرقونك يمكن يقصد شىء ثاني ماتحب تشوفه ومعاك زوجتك .
بالنسبة لبانكوك اسكن فى الانتركونتنتل وسط الاسواق يعني دقائق .ابعد عن الماريوت واماري بولفرد الى في نانا .
واذا كنت ملزم تروح بتايا اسكن فى الماريوت الصيف الماضي حجزته فيه من مكتب فى باتايا 100 دولار شامل الافطار .
بخصوص بوكت فندق هوريزون بيج وهو فندق حلو وعائلي ولايوجد به اي ازعاج او اشايء مخلة للادب وينصح به للعائلات ...
http://www.thai2arab.com/
هذا الموقع تايلندي لكن باللغة العربية وتقدر تلف فيه علي كيفك .
انشاالله ماكون خربت جدولك .

اخوي deshe1 يعطيك العافيه وماقصرت وشورك وهدايه الله وبحجز عن طريق الانترنت

حبيبنا Albuain على راسي ولاخربت جدولنا ولاشي بالعكس رايك يهمني ولانستغني عنه وياريت تتحفني زياده بخبرتك عن الفنادق إلي تكون قريبه من الاسواق

برنامجك تقريبا زي برنامجي وبتتعب من كثرة التنقلات وبتايا حذروني منها كثير وقالو ما تصلح للعوائل لكنها بصراحه طلعت من أفضل الأماكن الي زرتها. وكل هذا يعتمد على مكان الفندق ونوع الأماكن الي تروح لها وأنا سكنت في بتايا في رويال بيتش وهو عبارة عن ثلاث فنادق مستقلة بشاطئ ولا أروع مستقل على عكس كثير من الفنادق الأخرى وعلشان تروح لبتايا بيتش تحتاج ركوب الطقطق بمية بات خمس دقايق وانت هناك
بخصوص الحجز شف ردي على أحد الأخوان بهذا الموضوع

حتى الطيران انصحك تحجز من الانترنت
أما الأمان فأنا رحت مع زوجتي وولدي الصغير وفيه أوقات نجلس برا الين الساعة 12 ولا أحلى من كذا الا انه اذا كان المكان الي بتروح له فيه بارات بتلقى لحوم معروضه وبالإمكان تجنب هذه الأماكن..
بخصوص التورز لا تستعجل ترا بتروح هناك تلقى المكاتب السياحية من كثرها فاتحين بسطات مر عليهم وكاسرهم وبتلقى اسعار عجيبه.
وان شاء الله بنزل موضوعي الاسبوع القادم عن تفاصيل رحلتي وان شاء الله تستفيد منه

ابوزياد شكرا على ردك الحلو لاكن إذا ماعليك امر لوتقدر تعطيني اسماء الفنادق إلي سكنتها ومميزاتها؟
وبالنسبه للتورز انا سمعت إن فيه مكاتب نصب كثيره والاضمن هو الفندق واكيد السعر اغلى!!!
وفي الاخير ياترى اقدر احجز بالنت وانا في تايلندللفنادق ولا اروح المكاتب السياحيه وحجز؟

لا ما عليك ما هنا نصب بالشكل الي انت تتخيله والفنادق الحجز منها قريب من الدبل بعض المرات وبالاخير انت والي دافع مبلغ في نفس السيارة
وانتبه لا تحجز تورز لكل الأيام علشان ما تتوهق. فربما يحصل لك عائق او ما تعجبك طريقة الرحلات مثلا انا كنت ناوي اروح بي بي و جيمس بوند في بوكيت يوم جربت الاوله ما طلعت لأي رحلة جزر.
والفنادق ابنزلها بحاول انزل موضوعها خلال يومين او ثلاثه بموضوع مستقل والمعذره لان عندي حوالي 200 صورة اذا مو اكثر.
وتقبل تحياتي

alameer777
04935
43 - -


.