هلا ركو
أجل هذي السالفة من 5 سنين اذا ما ني ناسي

والله موضوع الذكريات حلو جداً
واكيد كلنا لنا ذكريات
انا صار لي موقف من بعدة حرمت اشيل فلوس كاش في جيبي
القصة حصلت في عام 2000 ان ما كنت غلطان كنت راجع من بناقندران ومافية الا السواق وانا في السيارة
وفي الطريق وبعد ما مشيت حوالي الساعة وقفت عند "وارونق" ابشتري لي حاجة ما وادور المحفظة يا ولد عدل بدل وين الدراهم
فتشت في السيارة ما فية شي ابد ، واجيك راجع للفندق واسأل وافتش في الغرفة ما فية اثر، المهم السواق طق على صدرة وقال يا ولد يا باقوس مالك هم تجي عندي في البيت وتنام عندي وبكرة او بعدة اوديك للمطار وادفع لك ضريبة المطار، قلت كفو والله مالي بعد الله الا هالاجودي واتحمد الله ان الجواز ما ضاع بعد قلت الفلوس تهون
والمشكلة مالي الا اسبوع وصعبة احد يرجع بعد اسبوع وافكر وافكر واتذكر الفيزا قلت يا ولد ما لك الا الفيزا
المهم مشتني الفيزا كم يوم الا ان وصلت الامدادات والرز والجبن والعلوم الطيبة، المهم وتدور الايام والليالي والاشهر والسنين وصادفت ذاك اليوم اللي قال لي السواق ابمر البيت اخذ ملابسي قلت لة ابشر ومرينا البيت وادخل واشوف بعض اشرطتي اللي قد فقدتها حاطها على المسجل وبعض الملابس ومن زين ذا الوجه لابستها زوجتة والمفاجاءة حصلت المحفظة حقتي بعد ما اثرت عليها عوامل التعرية و البئية ، شكيت ان هذي محفظتي بس والله تأكدت انه هو اللي سارقني، ومن عقب ذاك اليوم وانا قاطع علاقتي به بعد ما علمته السبب والقصة تفاصيلها طويلة لكن اعذروني على الاطاله لاني حبيت افضفض واطلع اللي في قلبي عشان ما احد يثق في هالسواقين

هلا معشر القنيطين،،
الذكريات في اندونيسيا كثيره ومنها الحلو ومنها المر لكن الحلو غطى على المر،،ولاتسالوني كيف كتبت هالكلمتين ترى لو تقول عيد كلامك غيب مااقدر،،
اتذكر لكم هالموقف الي صارلي في السفره الأولى وهو اصعب موقف مر علي هناك،،
كنا في الجبل انا ومعي اثنين اخوياي وخبركم بالليل الجبل احيانا يكون ممل لأننا انحشرنا طول النهار امطار قويه حشرتنا بالفله،،يوم ضلم الوقت طلعت مع واحد من اخوياي نتمشى على رجولنا وفي الطريق لقينا داعوس طويل وفي نور بعيد لبيوت الأندو في الجبل،،ومن اللقافه قلت لخويي خلنا نروح لهالنور نشوف وش عندهم هناك،،واحنا رايحين كنت اوصي خويي اي احد يلمسك من خلفك عطه بوكس والعطه يابطه،،
فجاءه!!والا واحد تلني مع رقبتي وانا ماشي والله البلشه وانا التفت باصفقه بواحد احسبه ناوي يسرقني ههه الا الحبيب ياشرلي على الطريق واثرني كنت باطيح بحفره الله لايوريكم اياها وانا مدرعم ماادري عنها،،وادور خويي والقاه منسدح يضحك علي يقول عاش الي يوصيني بقى يطيح ههه،،
تصدقون كملت الطريق مع صديقي الأندونيسي (إيدي) وخذني وفرجني على البيوت،،
بس في الأخير المفاجاءه الكبرى ان هالبيوت مهجوره وتستخدم لسكن اصحاب القول الماثور (مابي قنيط ياهنيئ)...
يمكن السالفه غريبه شوي بس هذا الي صار بكل صراحه وامانه،،
وهذه السالفه رغم ان خويي الى يومكم يضحك علي بسببها الا اني اعتبرها من اجمل ذكريات القنيط هناك..

1. طبعاً ونناديه ماس ماس سني ماس


2. انقا ماو و


3. قلت طيب يالله وهاذي نزلة ,, ويوم فتحت الباب وخويي يصرخ ذيك الصرخة

هاي ماسات خصوصاً ركو وباقوس ولا يهون حبيبنا القنيط اللي شايل بخاطره علينا ;)
حلو جدا هالموضوع وتشكر عليه ياماس ركو بس تصدقون الذكريات كثيرة بالعمة على ماقال الزعيم ابو مضاوي فيها الحلو وفيها المؤلم
أذكر مرة انا وخويي طالعين من الفندق ورايحين لسوق اتريوم وبعد ماخلصنا من السوق العصر وبعد تكية حلوة في الكوفي شوب المشهور;) طلعنا نبي نروح نتغداء في مطعم حضرموت ,, طبعاً نزلنا للمواقف اللي تحت وندور تاكسي ونشوف ذاك الماس ( طبعاً انتم عارفين الذكاء الخارق للماسات حقين التكاسي )

طبعاً ونناديه ماس ماس سني ماس

ونركب مع ذاك الماس التحفة ونقوله مطعم حضرموت معلوم ماس قال ايا يعني اعرفة ,, والله ويقلع الماس ومن بين الزحمة والسيارات والدبابات مسويبة عبدالله باخشب ,, ويوقف عند مطعم ثاني ويقول هاذا المطعم انزلوا .. قلت قاضين من صدقك ياماس ,, هاذا ماهو مطعمنا اللي نبية قال اي مطعم قلنا حضرموت قال ماأعرفة
والله وتاصل الحرار اتش عندي وعند خويي قلنا اجل رجعنا لسوق اتريوم طبعا تعرفون لا صار الواحد جوعان وطاح بواحد ذكي خصوصا لاكان تحفة وماس
طبعاً الماس قفلت معه ورجع من دون نفس والله ويرد مرة ثانية ويسويبها شوماخر هالمرة ;) فورملا 1
المهم ويجي من عند تقاطع الشخاميط طبعاً تعرفونه ( اللي قدام اتريوم ;) )
المهم انا وخويي بصراحة دخلنا الماء وقلنا يالله السلامة ونصوت علية وقف يامجنون ياماس وقف !!
طبعاً من زود الذكاء الخارق ويوقف بنفس التقاطع والسيارات تضرب رايحة جاية
المهم خويي نزل بسرعة كان راكب يمين وراء السواق وانا راكب يسار ,, طبعاً خويي نزل لأنه خلاص ماعاد يتحمل لو جلس دقيقة كان ذبح الماس خصوصاً انه عصبي
انا كنت جالس بالسيارة واقول لخويي تعال خله اقل شيء يوصلنا الى السوق ,, قال خويي لالالالالالالالالالا

انقا ماو و

قلت طيب يالله وهاذي نزلة ,, ويوم فتحت الباب وخويي يصرخ ذيك الصرخة

وانا ارفع رجلي وانقز للسيارة مرة ثانية زي الغزال ,, وعينك ماتشوف الا الباب حق التاكسي طاير من الفرحة طاير ويصبخ بالباب اللي قدام اثرفيه سيارة جت مسرعة وطبعاً ماس ثاني ذكي من النوع اياه سواق تاكسي بعد وصدم الباب اللي انا فتحتة واشوا اللي ماطيرني مع الباب ,,
المهم خويي يحسبني طرت مع الباب وجلس شوي ساكت والله ويجي يناظر بالتاكسي ويشوفني ويسألني جاك شيء يدك معك تأكد قلت ايه قال طيب رجلك قلت الحمدالله قال تحس بشيء شكلك ماتحس الحين قلت لا الحمدالله ماجاني شيء انا نقزت للسيارة ,,
والله وننزل على السواق تخيلوا وش راح بتسونله لو صار هالموقف مع احد ثاني ,, لا وشين وقوي عين تتوقعون وش قال قال ابي قيمة الباب اللي طار
قلنا اصلاً ماراح نكلمك انت راح نكلم البوليس ,, وامحق من بوليس ونجلس نصف ساعة نتحرى البوليس ولا حد جانا ويتجمهرون الماسات علينا ,, اللي سواق دباب واللي سواق تاكسي واللي يبيع بكشك ,, والله ولا واحد منهم يتكلم عربي ولا انقلش ,, والله ويجي ذاك السنافي الماس ويتكلم عربي بطلاقة اثارية قد اشتغل سواق بالسعودية والله ويشتغل مترجم بيننا ,, وتنتهي المفاوضات بيننا ,, اتفقنا نعطيه 100000 الف ماغيرها ,, والله وياخذها من دون نفس الماس ونروح من القهر على رجولنا للسوق وندور تاكسي ثاني يفهمنا ;)
وتوتة توتة انتهت الحتوتة

والله حلو الموضع إخوي ركو وخاصه تخلينا نعرف الجو هناك ونعرف طبيعتهم والأحلى نعرف شي عن الشباب وكلكم ذوق ;)

واللة المواقف كثيرة شى حلو وشى مولم
كل يوم يصادوني البوليس على نفس الشارع
اخرة شى غيرت الطريق اسوي نفسي ذكي
المهم صاودني عند باب الفندق وبخشيش و
وهدية ومن وين جاي ومن وين رايح 22 يوما
على ها الحال انا والشباب

الغريب اخوي دنيا فنتاسي
أن نقاط التفتيش أن اغلبها في مداخل تشكيني وخاصه وانت جاي من طريق أتريوم من الساعه 11 وفوق
أخوي عاشق المندي مشكلة الماسات حقين التاكسي ان مايقول لا بس انت أهون انا مره سواق تاكسي تعاندت أنا وياه طلع السكين ولا تشوف الا غباري يافكيك
بس نصيحه الي يبي ناس محترمه لا يروح الا مع بلو بيرد لو اقعد ساعه أحتريه ....

بصراحه موضوع حلو وشيق ويشكر عليه اخونا ركو...
اخوي بااقوس النوعيه اللي ذكرتها من السواقين نادره هناك بس حظك الردي طيحك في واحد من (نادره)...
اخوي القنيط بصراحه دخلتك في الموضوع (متعوب عليها) بس شاك انك ناقلها من مجله..بس باين عليك
المستوى العالي في الزحفان وانتبه من الدواعيس!! لاتقربها مره ثانيه ...
اخوي عاشق المندي احمد ربك ان الماس الثاني ماطيرك وخلاك تطب في سطح شقق السون...
اخوي دب بس سريع ياخي احس اني شايفك... بس جملة (كلكم ذوق) شي !!
اخوي دنيافنتاسي افضل حل تخلي صورة جوازك معك مختوم من الفندق وما احد يقدر يصيد عليك شي
واذا استعوم الشرطي سو مثلي ووقف قدام لوحة الدوريه كنك تكتبها والله ماتشوفهم الا راكبين الدوريه
ومنحاشين..

معليش نسيت اكتب احدى الذكريات والمواقف اللي صارت معي انا وخويي..كنا مسافرين لديرة الانس وفي
اخر ايامنا كنا في سورابايا انتهت فلوسنا الكاش وصرنا نعتمد على بطاقتي الصراف لان خويي الذهين
ماجاب بطاقته الصراف يقول خايف تضيع منه المهم سكنا في فندق هناك وقعدنا كم يوم
ماحاسبنا الفندق ويوم طلبو حساب كم يوم طلعت انا وخويي والسواق لمكينة الصراف ودخلت بطاقتي
عشان اسحب وبلعتها المكينه واقعد (اقردن) المكينه واللي يرحم والديك طلعيها وبعطيك
بخشيش !! وجلست خمس دقايق ما ادري ويني فيه الفندق يبي فلوسه والسواق يبي حق كم يوم..
والبطاقه راحت الله يخلف ..والله قعدت كني طرار عند المكينه من الصدمه وتخيلت السكرتيه حقين
الفندق حاجريني في زاويه ويلفخوني عشان مامعي دراهم ..وتخيلت اني ماسك صفيره وقاعد امشي
السير عشان نسدد حقوق الناس وشوي الا وخويي (الذهين) يدبج المكينه من القفله بيده الا وهي
تطلع البطاقه يومها بغيت انهبل ....وقلت توبه اعتمد على بطاقة صراف ...تحياتي للجميع