1. فاسألتي في نقاط موجزه بالترتيب :

السلام عليكم اخواني
بصراحه اول موضوع لي فالمنتدي وشايف انه ممتاز ومفيد جدا وبارك الله فالشباب
انا اخوكم احمد من مصر
وكنت عاوز نصائحكم في نقاط سريعه بالنسبه للسفر لاسبانيا
انا ان شاء الله هسافر في شهر 11 مدريد في زيارة خاطفه جدا تقريبا يومين او 3 بالكتير - عندي انترفيو في شركة هناك ونظرا لظروف عملي هنا مش هاقدر أطول هناك

فاسألتي في نقاط موجزه بالترتيب :

• بالنسبة للسفارة الأسبانية ملهاش موقع علي النت هل لازم اروح اجيب نموذج شنجن من هناك ولا ممكن أملا النسخه الانجليزيه من موقع اي سفارة تانيه اوربيه ؟
• بالنسبه للتأشيره انا ان شاء الله هاحجز بكره موعد السفاره عن طريق التليفون - هي خطوات التأشيرة هتكون سهله وسريعه فالوقت دا من السنه ؟
• بالنسبه لضمانات السفارة وحساب البنك - هل تفرق في خطاب البنك اذا كنت واضع المبلغ من فتره قريبه قبل التقديم ؟ وهل الأفضل اقدم خطاب بنكي بحساب ولا اقدم visa statements لاخر 6 شهور ؟ مع العلم انها مظبوطه ومنتظم فالسداد
• بالنسبة لخطاب مفردات الراتب فالشركة هل هو ضروري ؟ ولا استعيض عنه بصورة الID بتاعتي فالشركة - مع العلم انها الحمد لله شركة كبيرة ووطنية
• أهم نقطه بقي هي ان ان شاء الله الشركة هناك وهي شركة كبيرة هتبعت لي خطاب للسفاره زي دعوه او زيارة - يا تري دا هيساعد كتير ويوفر علي اوراق ووقت ؟ وهل يا تري اقدم علي فيزا زيارة ولا فيزا خاصه للظرف دا ؟
• أخر نقطه هي حجز الطيران والفندق - هل هم ضروريين جدا ولا عادي ؟

وبالنسبة للفنادق في مدريد هل في حد من الأخوه عنده فكره عن فنادق مناسبه في مدريد باسعار كويسه فالفتره دي ؟ انا شفت اسعار مناسبه علي النت وكنت هحجز خلاص بس قلت اتأكد الأول هل حجز النت دي أمان ولا ايه
شكرا جزيلا ليكم مقدماو اسف علي الأطاله بس معلش عاوز اغطي كل استفساراتي
شكرا