شباب بالنسبة للعملة في دبي
يحتاج أحول فلوسي من الريال إلى الدولار، خصوصا أني باخد معاي فلوس كثيرة
أرجوكم ساعدوني
هلا اخوي ليش تحول .. وليش تاخذ فلوس كاش..
الوضع جدا سهل ... ببطاقه الصراف تسحب الي تبي .. اعتقد ع كل عمليه 40 اذا مش اقل.. لاضيع فلوسك بجيبك ..
تقبل تحياتي

لا ما يحتاج.
تقدر تحول الى درهم من السعودية او من مطار دبي عند الوصول.
وتقدر تسحب من حساابك البنكي بواسطة يطاقة الصراف من اي ماكينة صرافة وتقدر تدفع بالبطاقة الائتمانية
انا ارووح لدبي 4 الى 6 مراات سنوياا وبحياتي ما حولت اكثر من 1000 ريال الى درهم وذلك لاني استخدم البطاقة الائتمانية في دفع ايجار الفنادق والمطاعم.
يمكن التكاسي بس الي لدفع لهم كاش

يا إخوان ممكن الرجال محتاج يحمل مبلغ كاش لشراء بيت أو سيارات
أخوي خذها قاعدة عامة بالسفر انه عملة اي بلد تكون اقوى شي داخل بلدها. ريالاتك بالسعودية تجيب لك دراهم أكثر لو لقيت بنك عنده كل المبلغ. و لا انصحك بالصرافين الا إذا كانوا ملتزمين بتسعيرة مؤسسة النقد.
و لو كنت محتاج تحمل معك مبلغ كبير لشراء سيارة أو بيت أو .... فأوفر و اسلم طريقة انك تحول المبلغ باسمك على صراف في دبي و تستلمهم من دبي. أو تحولهم الى شيك باسمك مسحوب على بنك إماراتي و تصرف الشيك لما توصل الإمارات.
لو حولت لدولارات بتخسر بالسعودية و ترجع تخسر بالإمارات لمن ترجع دولاراتك الى دراهم. و لو جبتها بالريال معك للإمارات فبيكون الدرهم قوي لأنه في بلده و ريالك اضعف. و نسبة التوفير في هذه الحالة حوالي 5 بالألف أو خمسة آلاف بالمليون.
أشهر صراف في الإمارات هو الأنصاري للصرافة و له فروع في معظم المولات. وهذا موقعهم http://www.alansariuae.com/