السلام عليكم ورحمة الله وبركاته
في البداية اتشرف اني اكون احد اعضاء هذا المنتدى وفي الحقيقة هادي اول مشاركة لي معاكم
ليا فترة طويلة ومتابع لتقارير الاعضاء والصور واغلب المواضيع الخاصة بجزر المالديف...
وبصراحة مرة دوخت !!!
لاني ابغا اعمل برنامج لكن الخيارات كثيرة جدا ومتنوعة لكن راح اذكر الشي اللي احتاجه واتمنى انكم تساعدوني وتعطوني ابسط واسهل الخيارات الممتازة
طبعا راح اذكرها في نقاط وهي :
1- موعد السفر : من 1 ديسمبر إلى 6 ديسمبر. وممكن اقل من 2-6 ديسمبر
2- الميزانية اللي حاططها للسفرة كاملة تشمل التذاكر : 20 ألف - 25 ألف.
3- بخصوص المنتجع او الشاليه:
طلبي انه يكون فيلا عالبحر بمسبح خاص
وحقيقة هذا الشي اكثر شي دوخني لاني شفت منتجعات مرة حلوة ولكن الشي اللي مهو واضح بالنسبة لي في الصور
(الجوانب او الحوائط الخاصة بالفيلا هل هي معزولة عن الفلل المجاورة؟)
اتمنى من الاعضاء اللي لهم تجربة يفيدوني فيها
طبعا اهم شي عندي انه:

• يكون عالبحر
• مسبح خاص
• خصوصية (( وهادي اهم نقطة عندي !!! ))

يعني حتى الاهل لو انهم يبغوا يسبحوا يقدروا ياخدوا راحتهم من غير اي مضايقات او شي زي كده.
طبعا الاغلب حيقول خد فيلا بمسبح خاص عالشاطئ او شي من كده وفي الحقيقة وحسب المواضيع والتقارير اللي شفتها تقول اللي يروح المالديف ومايسكن في فيلا عالبحر ماكانه راح المالديف.
ياليت تعطوني كذا اقتراح لاسم شاليه او منتجع حتى يكون عندي كذا اختيار.
أتمنى فزعتكم يااخوان وسامحوني طولت عليكم لكن هادي الدوخة وعمايلها ..
وشكرا لكم