السلام عليكم أخواني
وصلتني بعض الملاحظات من زملائي الأعضاء إنهم شوي يستصعبون يلاقون الطرق فالسفر للمدن وهم مش من اللي يعرفون يقرأون الخرائط ويلاقون طريقهم بسرعة
عشان هالسبب حبيت اشارككم هالتطبيق على الموبايل.. واللي يساعدكم فالوصول للمكان اللي تبونه فمدينة أبوظبي
وهو تطبيق http://.ae/ar/mobile.apps.aspx للهواتف الذكية

انا جربت هالتطبيق ولقيته مفيد جدا وحلو، وفيه كل اللي ممكن تحتاجونه إذا إنتو متواجدين ف أبوظبي https://artravelers.com/s/311
في هالتطبيق تقدرون تقرأون وتتعرفون أكثر عن مدينة أبوظبي https://artravelers.com/s/311 وتلاقون معلومات عن الفنادق والمطاعم والسبا والمراكز التجارية وغيرها

وبسهولة عن طريقه تقدرون تعرفون كيف توصلون لهالأماكن وطرق المواصلات والتنقل لأنه يبين لكم موقعكم والأماكن القريبة منكم ومعلومات ثانية بعد.
وتعرفون منه النشاطات الحلوة اللي في المدينة من نشاطات بحرية وبرية وحتى تجربة نشاطات الصحراء.

والحلو إن التطبيق فيه وايد لغات مثل (العربية، الانجليزية، الفرنسية، الألمانية، الايطالية، الروسية، البرتغالية، اليابانية والصينية)
مجهود جبار الصراحة
الصراحة بعد ما تصفحته واستعملته حسيت إنه من أجمل واسهل التطبيقات السياحية باللغة العربية
وخاصة انه يحتوي على خريطة اون لاين وخريطة ما تحتاج لاتصال انترنت

نصيحة يا مسافرينا إذا حابين تزورونا ف أبوظبي قريبا ..
إنكم تنزلون هالتطبيق
وهو موجود للأيفون والأيباد والأندرويد وويندوز
وهذا الرابط اذا تحبون تتعرفون عليه أكثر
تطبيق للهواتف الذكية - VisitAbuDhabi.ae
والسلام عليكم ورحمة الله وبركاته