أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
دبى لاتضيع وقتك فيها انصحك تروح تاخذلك شاليه فى الشارقة ويكون على البحر لان فيه فنادق وشاليهات رخيصة احسن من وسط الشارقة وهى على ميناء خالد انت اسال ويدلونك على الميناء يوم وبعدين تروح العين تسبحون فى مسابح العيون روعة للنساء والرجال كل وقسم له خصوصيته ومحافظين ماشاء الله عليهم وتصعد فوق منتجع جبل حفيت خيال خيال وفيه تحت فى الحديقة قطار يدوربك كل الحديقة وتشوف كيف الحجر قالبينه اخضر ناس فنانة وبعدين تسكن فى دبى فيه شقق لندن مرة روعة ونظيفه خلف برجمان وحى نظيف وتروح الامارت مول للعب فى الثلج ويفضل كل شى من الصباح لان كل شى يقفل بدرى وبعدها تعشى فى حديقة الخور فى السفينة وهى تجول بك وممكن تركب التلفريك وفقطب20 ريال يابلاش والعشاء للشخص الواحد 95بعد الساعة العاشرة وقبل بوفيه مفتوح 120ريال بس اكلهم لذيذ وبعدين خذ الاولاد زيارة لمطاعم اطلنتس وهواضخم فندق عرفه العالم وخل عنك اللف فى الاسواق اللى ما من وراها الا الخسارة والناس ماعليهم قاصر اسواق وبالتوفيق
أخوي الفارس-99 الله يعطيك العافية...
وردوفل...يابعد راسي والله..طيب أستاجر سيارة والا بالليموزين..لان السفر بالطيارة وترى أخوك مايعرف شي أضيع بطاسة..
شقق لندن كم تقريبا سعرها(عدد أفراد الأسرة 6 ) مع الشغالة طبعا..
ولد أهله الليموزين مشوار واحد رايح جاي احيانن يكلفك 120 ريال اقترح تستأجرلك سياره من المطار وخاصه محل اسمه باتريوت او شي حول ذا الإسم لأن تعاملهم في غايه الروعه وقد صارلي معهم موقف اثبتولي فيه مدى تقديرهم للزبون والأحلى من كذا كل مكاتب التأجير تأجرك باليوم دون النظر على عدد الكيلوات المقطوعه يعني ان شاء الله تمشيها في اليوم 3 ألاف كيلو ماراح احد يقولك شي عليهم من الأجار اليومي فقط وممكن تحصلك اكورد هوندا بحول 200 ريال تزيد تنقص على حسب شطارتك في المكاسر بس حط في بالك انهم مايأجرون الا واحد عنده فيزا او ماستر كارد ولا راح تدفع تامين جامد شوي ويرجعونه بعد ماترجع السياره بشهر كيف ؟؟؟ طبعا ياخذون بيانات حسابك البنكي في السعوديه ويحولون لك الدراهم عليه واحيانن يكتفون ب 500 ريال تكون عندهم في حال رجعت السياره وطلع عليها مخالفات يقصون منها او يحولونها لك ايضا بعد شهر واذكر مره اتصلو علي في العمل وقالو معك المكتب الفلاني من الإمارات حولنا لحسابك كذا وكذا لو سمحت تأكد ان المبلغ وصلك وبنتصل فيك بعد عشر دقايق ( والله رايقين ويفتحون نفسك ) وبالنسبه للشوارع والخطوط في مكتب لإداره السياحه والإرشاد ( شغله زي كذا ) المكتب هذا محل ماتروح في دبي تلقاه قدامك في المطار في سوق في مجمع في كل محل عندهم خرايط لدبي تاخذلك خريطه تمخمخ عليها حق ابو نص ساعه وتصير فلته في دبي الخريطه مدون عليها الأسواق والمتاحف والمناطق السياحيه كلها وان ماخاب ضني الفنادق بعد وفيها ارقام اتصل ويردون على طول والمحل الي تبيه بيوصفونه لك اذا ماقدرت تطلعه من الخريطه وتلقى في نفس المكتب بروشورات لقروبات ورحلات سفاري تطعيس وفله وعروض ومطاعم يعني انت اوصل دبي وكلش بتحصله قدامك
Ghamdi.ab
والله والنعم اثاريك منت بهين الحين انا شايل هم القيادة في دبي ومنزل موضوع اسال فيه عن صعوبة القيادة في دبي وانت ماخذ الأمور سهالة اقلك الله يعين العايلة على المطامرة بالسيارة في دبي واللف والدوران. مشكور
ولد أهله
جبناه لك ياطويل العمر
اسمه على اسم صواريخ السعوديه الي استخدمت في حرب الخليج
(((( باتريوت )))))
وهذا السايت تبعهم https://www.patriotuae.com/index.asp
آمل اني اكون قد افدتك
وبالسلامه ان شاء الله
هلا اخوي
ممكن تكون كافيه - دبي مو كبيره مره
بالنسبه للاماكن ممكن تشوف ها الرابط بيفيدك كثير
https://artravelers.com/p/re/279407