اهلين
كل اللي قلتيهم ماعندي فكرة عنهم
بس بقولك اللي اعرفة في بانكوك بخصوص التسوق
خذي توك توك الى مركز باراجون سنتر
من براجون اطلعي الى سيام سنتر بينهم بوابة بس
بعد سيام سنتر اطلعي الى ديسكفري سنتر بينهم بوابة بس
بعد ديسكفري سنتر اعبري الشارع من خلال جسر المشاة
الى المركز النابض والحلو والرخيص نوعا ما (( M B K ))
و طوكيو سنتر الملاصق له ,,,,,,,,,,,,,,,
ونصيحتي لك خليك في ام بي كي وطوكيو سنتر
لانها رخيصة واللي يقولون لك ب 1000 بات قولي لهم ب 200 بات
وراح يوافقون لك على السعر !!!!!!!!!!!!
بعد التسوق في ام بي كي اطلعي للسكاي ترين من طوكيو سنتر
وكلها 20 بات سعر التكت واركبي السكاي ترين الى منطقة نانا اذا انتي ساكنة هناك
المحطة الاولى انزلي واركبي القطار المقابل بعدها محطة لا تنزلين بعدها محطة انزلي في منطقة نانا
وسلامتك
مع اطيب الاماني بتسوق ممتع
اخوك / خالد

احسن حل
توقف التكاسي و تقولهم ع المكان بس لازم يشغل الميتر و اذا ما رضا خله و دور غيره انا كنت اسوي جي
او انك تستخدم القطارات

مرحبا اختي
بنسبه لترتيب مراكز التسوق انا مع الاخ c dior
اما بنسبه للتكاسي كلام اخي uaecat صح اول ما توقفين تاكسي اركبي وقولي له شغل ((الميتر)) او العداد ومن ثم المكان ال ناويه اتروحين له
مثلا من منطقة العرب ببانكوك (نانا) الى مركز التسوق MBK السعر لا يتجاوز 65 بات
اما اصحاب اتكتك نصابين اقل شي عندهم 100بات كاسريهم من 30بات الى 50بات وروحي بتلقينه يناديك مره اخري ولكني لا احبذ الذهاب بالتكتك الان الجو هذه الايام ممطر وثانيا الاختناقات المروريه ودخان السيارات راح تضر بالركاب .

والله يااخوانى اصحاب ا لتاكسي فى بانكوك ما يعرفون مكان الاسبوع الماضى قلنا للتاكسى روح سفارى وورالد قال اعرفها والله يااخوان جلسين فى السياره 3 ساعات حتى وصلنا وكل شويه يتصل بحد ويقول باقى شويه والعيال ناموا فى السياره
واسعارهم غاليه ما يرضون اقل من شى 10 دراهم ومرات يوصل 20 درهم معن المكان قريب جدا بس يقولون الزحمه . انا تسوقت من mbk الصراحه الشنط والنعل 199بات يعنى 19 درهم ومن الباتنوم هناك فيه بسطات ومحلات واسعارهم نفس mbk والساعات طبعا عند فريدة فى شارع نانا .