عطور
18-11-2022 - 07:44 pm
مراحب لأعضاء المنتدى ولعشاق السياحة في الرياض ...طلعت اليوم اتمشى في مدينتي الجميلة
احترت وين اروح مالي مزاج اروح سوق بس ودي اطلع اخذنا الطريق انا وبنت اختي من خريص على طريق الملك عبدالعزيز في محل اسمه ميني مول ذاكرته لي صاحبتي قلنا نروح نتفرج عليه محل قهوة شعبية نسائية فقط حلو مرة جلسات شعبية وشاي وقهوة عربي ومراصيع ومراهيف وبوفيه جريش وكبسة وبيبسي قوارير كل شي فيه شغل اول حتى لباس العاملات و طق سامري ( استريو) المكان حلو بس الاسعار شوي غالية اخذنا ابريق الشاي صغنون مرة يالله فيه 4 بيالات ومراهيف وحدة جبن ووحدة لبنة ب 40 ريال شدعوة ( انصح بزيارة المكان من باب التغيير )*
