- أول شئ اشكركم على المجهود الرائع
أول شئ اشكركم على المجهود الرائع
والله يا اخوان ان المواضيع من حلاوتها سببت لي أزمه والله ماني قادره احدد وين بروح خصوصا ان سفرتي لازم ماتعدى 13 يوم بالكثير وتعبت كل يوم أدخل المنتدى واغوص بالمواضيع وتزيد حيرتي انا بالبدايه كنت بالبوابه الفرنسيه وتايهه وزاد توهاني بالسويسريه
وابو الشباب معتمد علي بكل شئ طبعا
طبعا اغلب الاعضاء مومفعلين الخاص عشان اسألهم صرت انسى انا حاطه أسألتي بأي موضوع والله
بس طبعا اللي راسلته على الخاص ابو الفزعات بو عبد العزيز ماقصر والله بس اهو مشغول هاليومين بعد
انا بروح سويسرا وفرنسا
سويسرا ابي اروح انترلاكن ومنها اطلع لرحلات
سؤالي وجهتي اول شئ كطيران وين اقرب زيورخ والا جنيف ؟
انا ما ودي اروح جنيف ابي اماكن راحه وريلاكس فأعتقد زيورخ اقرب صح؟ وأنا سألت وفي طيران مناسب على الاماراتيه كويت زيورخ
انزن اروح انترلاكن وبعدين انا ودي اورح آنسي وشوميه ينفع اروح لها رحلات وارجع بنفس اليوم والا لازم بيات؟
وبعدين بروح باريس كمحطه أخيره؟
ابي ترتيب الرحله مو متخيلتها منو اقرب والمسافات ووسيله النقل القطار والا الباص والا سياره أحسن واحنا عمرنا ما اجرنا سياره بس بالنمسا استخدمنا الباص والقطار كانت رحلاتنا مريحه ؟
زوجي ماقط جرب السياقه اشلون استخدم الجارمن او النفيجيتر ساعدوني يا اخوان
اي اقتراح بتغغير المناطق انا اتقبله بصدر رحب بس انتر لاكن ما اعتقد بطوفها
انا محتاجه اماكن للراحه والريلاكس مريت بظروف صعبه هالسنه اب اريح وانساها ياليت لو احصل فندق على فيو حلو وتقترحون لي فنادق للأقامه ومايتعدى سعرها 130 يورو
وآخر سؤال شنو سالفه السويس باس اللي الكل يتكلم عنها ومن وين احصلها وش بتفيدني في
بس صعب شوي
المده قليله
لازم تختار فرنسا و لا سويسرا أولا
لأن تبغي ريلاكس
أي ريلاكس
و كل يوم مرتب الشنطه
أقترح انك تخليها سويسرا
باريس زحمه و فله وناسه
و انت ما بدك هيك هذا اللي فهمته