1/ السكن اذا تهمك الاطلاله بقولك من الفنادق الي شفتهم ودخلتهم عندك الموفنبيك بالروشه عالبحر على طول من غرفتك تطلع عالشاطئ وتسبح فيه لو حبيت بعد ,,وعندك فندق ثاني لي رويال ضبيّه بمنطقه ضبيه جاي على جبل صغير ومطل عالبحر يعني جامع ال2 وفيه العاب مائيه وفخم وحلو والسويت فيه مطبخ والخ ,,يقولون السفير مطل وحلو بس ماشفته ,,واذا تبي سويتات فيه الني سويت مطل وحلو

خيتؤؤؤؤؤ هيفاء الله يعطيج العافيه علي المعلومات جعلها الله في ميزان حسناتج

انا بصراحة سجلت بالمنتدى عشان اجاوب على اسئلتك وانا اعتقد انك تسكن في بحمدون بفندق شيراتون بحمدون سعره 75 دينار لليلة فندق روعه ومطل على الوادي وموقعه بالمحطه يعني بالسنتر وفي بعد فندق سفير بحمدون سعر الغرفة بالليلة 100 دينار كويتي وموقعه هم بعد حلو بس مو نفس الشيراتون وطبعا كلهم خمس نجوم وفي فنادق بعد اربع نجوم مثل كارلتون وفندق الشيخ وعلى فكره كل الفنادق قريبه من بعض يعني ماكو فرق .
بحمدون منطقه جبليه في جبل لبنان ومصيف للسياح واكثر السياح اللي في بحمودن كويتيين وفيها مقاهي ومطاعم وسوقه وطبعا انت من هالمنطقه تروح رحلات للمناطق الجبلية الثانية مثل برمانة وعاليه وحمانه وفالوغه وتنزل بيروت وجونية على البحر يعني مثلا :
تخصص يوم تروح فيه مغاره جعيته والتلفريك بجونية ومنها اذا خلصتم تروحون الروشه تتمشون .
يوم تروحون حق قلعة موسى ونبع الصفا
يوم تروحون حق الارز وفاريا طبعا هذي تخصص لها يوم كامل لانها تاخذ وقت
يوم تروحون حق متحف الشمع وبعدها التسوق في بيروت
وفي اماكن بعد لو تسأل التكاسي هناك يعلمونك بالاماكن السياحية
واتمنى اني قدمت شي ولو انه شي بسيط وشاكرلك ورحله موفقة.

bird-q8
شكرا على مساعدتك للاخ وانك سجلت عشانه ,,بس عندي ملاحظه مغارة جعيتا جنب متحف الشمع للمشاهير بينهم دقيقتين بس فاحسن لو يخليهم سوا لان كلهم ماراح ياخذون ساعه ويخلص منهم ,,وفاريا ماتاخذ يوم كامل حنا رحنا الظهر يمكن تاخذ الروحه والرجعه والجلسه هناك 3 ونص بالكثير 4 الا اذا كنت بتجلس بمطعم هناك فزد ساعتين ,,بس يمدي الواحد يرجع ويروح كم مشوار مثل ماعملنا ..والتسوق مافيه تسوق ماانصحك فيه خصص له نص يوم عشان تاخذ فكره بس لانه غالي وبضاعه رديئه ,,,بالتوفيق

bird-q8
الله يعطيك العافيه ويرحم والديك ماقصرت علي المعلومات اللى يات بوقتها واشكرك مره ثانيه علي تسجيلك لاضافتك لي بمعلومات جعلها الله في ميزان حسناتك
خيتؤؤؤؤ هيفاء
مشكوره خيتؤؤؤؤ علي الاضافه والتعديلات علي المعلومات لا عدمناك

الاخت هيفاء
اول شي اشكرج على الملاحظه المفيده بس بصراحه اذا بتروحين مكان بلبنان وبيوم واحد بخلص الاماكن السياحيه مو حلو جذي انا اقصد يعني يكفي يوم تروح حق مكانين اما اذا بتطلع من مكان لي مكان اهمه صج قراب من بعض اصلا لبنان اكثر اماكنها قريبه من بعض فانصح ان يكون في تغير بالروتين يوم عن يوم احسن .
بالنسبه لفاريه اقصد انها تاخذ يوم لانها مو بس تروح فاريا لا بعد تكمل لي الارز هذا قصدي واشكرج مره ثانيه .
اخوي كويتي حبيبي والله لاشكر على واجب شوف اخوي والله انا لبنان رحتلها سبع مرات بس خبري بالرحلات من زمان في اماكن واجد حلوه عندك بعد السوليدير وفي منتجعات على البحر وفي منتجع فوق بالجبل اذكر رحتله مره وفي عندك بعد تروح بعلبك اما بالنسبه للسوق اعتقد الاخت هيفاء تفيدك اكثر .

يابعد جبدي والله ماقصرت
والسوق ما يهم كثر الاماكن والاستمتاع عندي اكثر
الله لايرحمني منك ولا من ملاحظاتك

انا بفيدك اخوي بتالكسي
افضل شي اتاجر سياره وتتصل في شركة التاجير قبل لا توصل لبنان باسبوع
0دولار غالي ونصب واحتيال
بعطيك رقم شركة تاجير سيارات انا استاجرت من عنده 3 ليال بس الصراحة شخص جدا محترم وما يستغل الخليجين ابدا اسعاره وحده لكل الناس ويعطيك من الاخر ما يزيد عليك
اتخيل استاجرنا من عنده سياره ميني موديل 2008 او 2009 بس يديده وكاله ب50 دولار ومع السايق
استاجر من عنده وماراح تندم بس عشان يعطيك بهذا السعر علطول ويدلعك قوله انك من طرف (طه الهاشمي الاماراتي)
وعنده سواق اسمه احمد اغا لو حصلته بيكون حظك
وهذا رقم ايمن صاحب شركة تاجير السيارات
009613062099

تسلم حبيب قلبي روح زايد
بس بسالك يعني اتصل علي الشركه واقولهم ابي سياره مع السائق وبيكون باليوم ب 50 دولار
والوقت اللى يكون معاي من الساعه كم للساعه كم
ويعطيك العافيه وحمدلله علي السلامه