اهلا وسهلا عزيزتي
انا حاجز على لوفتهانزا بزنس لزوجتي وانا تذكرتي من الشركة لاني طالع بزنس
حجزنا بحرين فوانكفورت لوس انجلوس فرانكفورت دمام
التذكرة اساسا 34000 ريال بس في خصم خاص للشركة اللي اشتغل فيها وطلعت علي 21700 تقريبا
على اي حال اعتقد ارخص خطوط البريطانية
راجعي تقريري لمزيد من المعلومات
https://artravelers.com/p/re/219394

محتار في النمسا
هلا فيك اخوى محتار وينك ادورك انا نسيت اى تقرير رديت فيه وكنت ابى اسالك الحمد لله انك رديت اها يعنى التخفيض اللى انت حصلت عليه من شركتك ماشاء الله عليك بالعافيه اخوى وتروح وترد بالسلامه ان شاء الله طيب ممكن اعرف اى قطاعات ياخذون خصم وبعدين سعر 34000 زين وين القاه انا لقيته اغلى بكثير ومشكور للرد

سافرت على اللوفتهانزا من البحرين الى امريكا عام 2005 بيزنس كلاس
الرحلة كانت مخططة على ان يكون الذهاب من البحرين والعودة من الدمام لكن قمت بتغيير العودة الى الرياض لضروف خاصة ولاحظت التالي
الذهاب والعودة تكون عن طريق فرانكفورت شمال المانيا وهي مدينة اعمال في الأساس (فيها ثالث اكبر بورصة بعد نيويورك وطوكيو) وليست سياحية كميونخ مثلا التي يميرها موقعها في جنوب المانيا بالقرب من النمسا وسويسرا
مكثت يوم في الذهاب في فرانكفورت ولم اجد مايشد الأهتمام فيها
الخدمة على الطائرة ممتازه علما بأن الطائرات على خط فرانكفورت الرياض كانت طائرات ايرباص حديثة ومقاعدها مجهزة بأجهزة مساج بعكس الطائرات على خط امريكا وكانت بوينج 747 وهذا مما استغربتة
اذا كان ولابد فأنصح بالأشتراك في برنامج عضوية اللوفتهانزا للأستفادة من اميال الرحلة

قبل شهر راجع عن طريق اللوفتهانزا وكانت البحرين-فرنكفورت-لوس انجلوس على البزنس وكانت الرحله الحمدلله موفقه والكراسي (اهم شي انها تصير سرير بعكس بعض طيارات ال كي ال ام التعيسه) والخدمه ممتازه جدا في البزنس بعكس ال كي ال ام
خدمة البريطانيه وطيرانها واللونج افضل لكن السعر كان اغلى كما هو معروف عن البريطانيه (تقريبا الف) واللوفتهانزا كانت اونلاين تقريبا ب الف
غريبه لكن سعرك عالي, اذا وصلتوا هالسعر روحوا على البريطانيه, لكن البريطانيه فيها عيب لأن طيارة لوس انجلوس بعد الرحله اللي تطلع من البحرين بيوم الا شوي..
فكره الترانزيت ممتازه جدا خصوصا للي عنده اطفال عشان يستفيد من خدمات اللونج اللي كان مره ممتاز في البحرين, عادي في المانيا (غريبه مع انها مقر لوفتهانزا) وجيد في امريكا
بالنسبه للترانزيت حاولي انكم تخلونه لايقل عن ساعات, احتسابا لأي طاريء
توكلي على الله وشوفي الحجوزات اونلاين, وبالنسبه لل مايلز انا استخدمت أميال من طيران ثاني, عشان اجمع اميالي في برنامج واحد ..

seds
الف شكر للتوضيح واكيد لوحجزنا عن طريقها بنشترك بالبرنامج والاستفاده مااتوقع بالرحله الاولى بتكون برحلات ثانيه

hopamp
هلا اخوى واشكر ردك واهتمامك انا اخوى من الرياض وما ودى اطلع ترانزيت للبحرين افضل يكون دايركت الرياض فرانكفورت وانا باقعد اربع ايام اريح من السفر واتمشى بالبلد وبعدين اطلع نيويورك او لوس انجلوس حسب التخطيط والسعر فعلا غالى علشان كذا انا ابى اعرف شلون اقدر احصل سعر زين والبريطانيه لو مابقى الا هى مافكرت لحظه اطلع عليها لو ببلاش لسوء معاملتهم ولكرهى الشديد لنظرتهم لنا مشكور على اقتراحك لكن افضل لوفتهانزا اخوى انت تقصد اشوف الحجوزات اون لاين من موقعهم والا شلون؟ لانى دخلت على الموقع واعطونى اسعار غاليه جدا وشلون اقدر استفيد من اميال طيران ثانى لان عندى فرسان السعوديه وايضا عضويه بالفرنسيه سورى ثقلت بالاسئله لكن طمعانه بكرمك وسؤال اخير تقصد 21000 ريال للشخص والا شخصين وشكرا لك

21000 للشخص طبعا
انتي شوفي موقعهم وكم يعطيك سعر
ترا يفرق حسب اليوم وموعد الحجز

1. مسافره بلا سفر

مسافره بلا سفر

هلا ومرحبا, فعلا كلامك سليم مع ان البريطانيه ممتازه لكن فيهم نظره عنصريه للعرب خصوصا للي طالع ومعه اطفال, مثلها مثل ال كي ال ام, وفوق كذا ماتطلع من الرياض والترانزيت طويل والسعر الغالي, مع ان عندهم حركه حلوه وهي الدرجه الوسط بين الأكونمي وال بزنس اسمها اكونمي بلس وهي ارخص من البزنس بكثير.
لو انها مش امريكا كان قلت لك روحي طيران عربي بس المشكله انك راح تحتاجين الى طيران امريكي داخلي, فمالك الا الوفتهانزا اذا حذفنا البريطانيه والكي ال ام (مع ان الكي ال ام عادة تكون اسعارها ارخص, بس ما انصحك فيها)
الأماراتيه اضافوا او راح يضيفون رحله دايركت للوس انجلوس, بس انتي قلتي تبين ترنزيت.
فأذا كان ولا بد تطلعين من الرياض شيكي اون لاين وغيري التواريخ زي ماذكر لك "محتار في النمسا" ترى ممكن يفرق كثير, وانتي وحظك والله يوفقك..
بعض الأحيان تكون فيه عروض مشتركه بين طيرانين, مثل الخليج مع ينايتد, يعني وحده توديك اوروبا وطيران امريكي ينزلك امريكا, ويكون سعرها مناسب, هذي يفيدك فيها مكاتب السفريات.
بالنسبه لبرامج الأميال شيكي مع "Partners Airline
انا مالقيت الفرسان وحتى لو كانت الفرسان مشتركه لا تضيعين اميالك معاهم
هذا الموقع بشركات الطيران اللي مشتركين مع لوفتهانزا
http://www.lufthansa.com/online/portal/lh/us/miles_and_more/earn_miles?nodeid=1803623&l=en&cid=1000390
مثلا لقيت القطريه موجوده, ممكن تكون افضل لك, لو بتستخدمين القطريه مستقبلا

مسافره بلا سفر
مرحبا, جلست افكر في السعر, والظاهر انه مش غالي مره لأن شكلهم حسبو كرسي لطفلك لأنه مش رضيع (فوق سنتين), والطفل عادة 75 من سعر التذكره, يعني لو قلنا 21+21+ 15 = 59 الف
يعني ماخذين التذكره بنفس السعر اللي قلت لك عليه