الموضوع اهداء لاخوي ملبورن لرد جزء من جميلك ،،،
و اتمنى انكم تعذروني اذا تأخرت في تكملة الموضوع ،،، لان راح اكون مشغول ان هالسنة رابعة ثانوي و بعد العيد فيه امتحانات
و ياريت اخوي ملبورن انك تذكر الاشياء اللي تبيني اكتب عنها ،،
لان هذي اول مرة اكتب مواضيع من هالنوع و مو عارف شكتب صراحة

و هذي صور لغرفتي :

هذي الغرفة اللي فيها الغسالة و النشافة و ثلاجة صغيرة حقي و مايكرويف ،،، هذي الغرفة العادة ماغريت الhost mother و دانيل الhost father ما يدشونها ابد ،، اللهم وقت اللي يغسلون الملابس و وقتها انا ما اكون في البيت ،،،

و الثلاجة اهم ما يستخدمونها ،، بس هالصورة انا صورتها آخر يوم لي و كانوا حاطين فيها شوية اغراض على اساس اني راح اطلع ،،،

هذا الحمام –كرمكم الله- و هو يفتح على الغرفة

و هذي صور الغرفة و سوري على العفسة عاد انتوا لا تدققون :tongue: :

و هذي صور للبيت من داخل :

هذا المطبخ ،،،، الله ياني كليت عيوش من هالمطبخ الله يخليلي مارغريت بس ;) :tongue:

الله يهديهم مارغريت و دانيل فاتحين لهم بار في البيت :tongue: ،،،، بصراحة يشربون وايد ،،، يعني عادي عندهم يشربون بطل في اليوم ،،،، و في آخر 3 اسابيع لي بدا اييون طلبة 18+ ،، و دانيل ما يقصر في ضيافتهم يلكونه 247 :tongue: بس طبعا ما يسكرون

هذي صورة للصالة

طاولة الطعام ،، و هالصور انا ماخذهم من آخر يوم لي في يورك علشان جذي البيت شوي معفوس لان الطالب اليديد كان توه ياي و لو تلاحظون جنطته على اليمين

تلفزيونهم روعة ،،، لا و آخر اسبوع حطوا القنوات الرياضية اللي تطلع الدوري الانجليزي "sky sport"

الحديقة الداخلية ،،، لكن للاسف في اغلب الايام الجو كان ما يشجع على القعدة فيها ،،،
و على فكرة دريشة غرفتي تطل على الحديقة

ترى الصالة العادة ما تكون معفوسة جذي ،، لكن اليوم اللي صورت فيه كان حالة استثنائية

الصالة و خلفها الحديقة ،،

ياسلام عليك أخوي Kuwaiti Londoner
يعطيك ألف عافية على المعلومات التي ذكرتها والصور الاكثر من رائعة
بصراحة السكن ألي سكنت فيه عجبني كثير
جزاك الله كل خير
والله يوفقك في دراستك أن شاء الله

Kuwaiti Londoner
حمستني أغير المعهد ومكان دراستي . من ويمبلدون ل ميلتون كوليج
تصدق إن السكن ماشاءالله تبارك الله حلو , مو حلو الا قليله عليه كلمة حلو ماشاءالله ,
خلني أوصل بالسلامه وأشوف سكني كيف إذا مو حلو بغيره

ميسون محمد
الله يعافيج اختي
و فعلا انا ما توقعت انه بيتهم يكون جذي حلو ،،،

مشكور اخي الحبيب
موضوع جميل
وجزاك الله خير

Mr.STING
ان شاء الله يطلع سكنك حلو
و اذا ما عجبك لازم ما تتردد انك تقول للمعهد يغيرلك العايلة "خصوصا اذا كانت فترة اقامتك طويلة"،،،
موفق بدراستك

1. اليوم الاول في يورك :


2. "العايلة و الطلبة اللي في البيت"


3. اما بالنسبة للطلبة الثانيين اللي ساكنين في البيت :


4. لكن الكوليج خارج اسوار يورك ،،،

اليوم الاول في يورك :

"العايلة و الطلبة اللي في البيت"

العايلة مكونة من ريال "دانيل" و مرة "مارغريت" عمرهم 61 اسكوتلنديين ،، و عندهم احفاد لكن ما يعيشون معاهم بس يزورونهم ،، و العايلة ما عندهم كلب لكن حفيدهم عنه و الكلب العادة ما اييبونه انا طول فترة اقامتي عندم صادفته مرة واحدة ،، لان وقت اللي ايي اكون في الكوليج ،،،
بصراحة دانيل و مارغريت ناس روعة و يدخلون القلب بسرعة ،، انا قبل ما اروح ليورك كان اكثر شي متخوف منه اهم العايلة ،، لكن بعد ما قعدت معاهم حبيتهم بسرعة ،، و من ثاني يوم حسيتهم مثل اهلي ،،، ناس متفهمين و يتغشمرون مع الواحد ،،، و الواحد ما يمل من سوالفهم ،،،
طبعا استقبلتني مارغريت ،، و ورتني البيت ،، قعدنا بعدها نسولف و هي سألتني عن الاكل ،، الاشياء اللي احبها و اللي ما احبها ،، و بصراحة عذبتها بالنسبة للأكل :tongue: لان ماكو شي يعجبني اذا المسألة فيها اكل :tongue:،، لكنهم متفهمين جدا ،،
مارغريت و دانيل متقاعدين ،، لكن دانيل يشتغل مرات في ال"race course" لسباقات الخيول ،، و هو العادة مرة او مرتين بالاسبوع على حسب ،، و على فكرة المضمار قريب جدا ،،، لكنهم متواجدين على طول في البيت على الاقل واحد منهم ،،، فقط صار مرة انهم بروحون اشوفون مباراة "سلتيك" في الpub و فضى البيت ،،، لدرجة اني ما احتجت اني آخذ مفتاح للبيت ،،،
و في اول يوم لي اهو كان يشتغل فما شفته الا بالليل ،،، و هو بصراحة رائع و دمه واايد خفيف ،،، و ياما دشينا في نقاشات سواء رياضية ولا سياسية و غيرها من النقاشات ،، الشي الراائع في دانيل و مارغريت انهم دائما يسولفون مع الطلبة و نقعد نسولف معاهم عن المدرسة و حياتنا الاجتماعية في المدرسة

اما بالنسبة للطلبة الثانيين اللي ساكنين في البيت :

بأول اسبوع لي في البيت كان فيه طالب ايطالي عمره 17 و في الاسبوع الثاني ييه طالب ثاني اسباني عمره 14 فصار فيه طالبين،، بعدها في الاسبوع الثالث و الرابع الطالب الايطالي راح و بقيت مع الاسباني ،، في الاسبوع الخامس الاسباني راح و يي بداله "مدرس انجليزي" بعد من اسبانيا كان يَدْرس في مدرسة english in york و معاه مرة اسبانية و هم مو صغار في نهاية العشرينات على ما اذكر ،، قعدوا اسبوع فقط لان قبلها كانوا ساكنين مع عايلة ثانية ،،، في الاسبوع السادس قعدت بروحي ،،، اما في اسبوعي الاخير سكن معانا طالب بلجيكي عمره 18 ،،، و على نهاية الاسبوع وقت اللي انتهت فترة اقامتي في يورك جاء طالب ايطالي بعد في العشرينات "صحفي" يدرس في English in york ،،
و عموما في البيت ما يقعد اكثر من 3 طلاب "اثنين بالاضافة لي" ،، لان بيتهم يتكون من 5 غرف ،،، 3 للطلاب ،، وحدة حقهم و غرفة خامسة ما يستخدمونها ،،،
و كانوا جميعهم شباب ما عدا الطالبة الاسباني اللي قعدت اسبوع و كان هالاستثناء لانها صديقة العايلة ،،،
غير جذي اهم يستضيفون شباب فقط ،،، و السبب انه الطلبة الثانيين "غيري انا" ما عندهم حمام خاص فيهم ،،، ف مارغريت ما حبت انه يكون في طالب و طالبة لهم حمام مشترك
حيث انه انا الوحيد اللي لي حمام خاص في البيت ،، حتى اهل البيت ما عندهم حمام خاص بهم :tongue:
و للمعلومة ال"مدرس" الاسباني ،، و الايطالي الصحافي ،، سبق لهم انهم قعدوا مع دانيل و مارغريت السنة اللي طافت ،، و ردوا قعدوا معاهم هالسنة ،،، و بعد في طلبة نرويجيين يقعدون معاهم كل سنة بعد الصيف لانهم يدرسون في الجامعة ،،، لان بصراحة هالعايلة ما في منها ;)

• * * * * * * * * * * * * * * * * * * * * * * * * * * * * *

في اول يوم قررت اني اروح للكوليج و اشوف الطريج المؤدي لها ،،، و انا كنت طابع خريطة تبين الطريج من البيت الى الكوليج ،، لكن للاسف و قت اللي طلعت نسيت اني اخذها معاي ،، و المشكلة انه مارغريت طلعت من البيت بعدي فما قدرت ارد و آخذها
فما كان فيه حل الا اني احاول اني اروح لها و اعتمد على ذاكرتي ،،، الطريج الى الكوليج سهل وايد لان اغلب الطريق عبارة عن شارع رئيسي مقابل لمضمار السباق ،،، و طريج الكوليج هو نفسه الطريج الى سنتر المدينة ،،، لكن ما عرفت اي لفة ادخلها علشان توديني الى الكوليج ،،

لكن الكوليج خارج اسوار يورك ،،،

و وقت اللي كملت مشي شفت محطة القطار و بما انه يوجد information centre في المحطة قررت اني اروح لها ،،، و هناك عطوني خريطة و دلوني على الطريج ،،، و بالفعل كان وايد سهل الطريج للكوليج ،،، و بعد ما دليتها رديت البيت ،،، و العادة انه الطريج اللي الكوليج ياخذ مني تقريبا 13 دقيقة