لاتلومونه
20-10-2022 - 01:13 am
السلام عليكم
انا اليوم مسافر باذن الله الى بانكوك مع الاهل
بغيت برنامج صغير لمدة 6 ايام فقط داخل بانكوك
وين احسن الاماكن للاطفال يعني حديقة العاب ومنتزهات واحسن اماكن للتسوق
معاي 3 اطفال وانا اول مره اروح تايلند .. حجزت في فندق ( اماري بوليفارد ) هل الفندق مناسب ونظيف وهل فعلاً هو قريب على الحي العربي ؟
بغيت مساعده منكم ياخوان .هل في مكتب سياحي يعملي برنامج للسياحه الداخليه
يكون عندهم باص صغير . لان ماشاء الله كل الي وياي عيايز واطفال . ابلتشت فيهم ههه
وانا يالله يالله اشل عمري ولا فوق هذا كله انجليزي ماعرف كيف بنوصل بانكوك انا مادري ههه
اذكر قبل فتره شفت الكرت الي يعطونا ياه بالطياره او الفورم الي لازم نعبيه وكان مترجم . بس اختفى ماعرفت وين سار
ياريت حد يطلعلي ياه ويكسب اجر فيني .
بليز لو احصل رد سريع . لان طيارتي الساعه 11 بتوقيت الامارات
والله يوفق الجميع
وادعولنا ياجماعه عن نضيع .. مادري ليش احس اني بتغربل من المطار قبل مانوصل بانكوك ههه
اخوي هذا اهو الكرت اللي تعبيه بالطياره مترجم
https://artravelers.com/p/re/268586
وانشالله مراح يقصرون معاك الاعضاء
وانشالله تروح وترجع بالسلامه