وينكم يااهل الامارات ؟بنوتة الامارات...
في انتظاركم.........

1. طبعا عندك برج العرب بس ب 3000 الليلة اقل شي ههه


2. السفر للبحرين بالسيارة ما تستاهل ابدا في رأيي

5 نجوم لشخص من الف وفوق, احيانا تحصل ب 800... طبعا خبري من أكثر من سنة يمكن الحين من الف وطالع ( يعني الف اقل شي للخمس نجوم )
لكن بما اننا في الصيف كل شي وارد... اهم شي تحجز من الرياض عن طريق الانترنت او اللي هو...
اما مرة سويت تشيك آوت من فندق خمس نجوم ب 800, وقلت اروح فندق ثاني في منطقة ثانية ودي اصير حولها.. المهم ما لقيت شي, رجعت لفندقي بالسيارة ( كنت شاحن سيارتي من الرياض ) قالوا معليش بس فللنا... والآن حتى لو فيه ترى ب 1300 لانه فيه كان عيد ايراني مدري دورة جولف المهم يعني فيه شي يزيد الطلب على الفنادق وهم ما يصدقون يشمون ريحة مناسبة لو ماحد داري عنها عشان يرفعون الاسعار...
رجعت ادور اي فندق كلها فل, تأخر الوقت واروح لمكاتب سياحية يقولون لي فل... لين طحت في في واحدة مغربية رحمتني يوم قلتها شكلي بانوم في السيارة ههه... ولا لقت, وتلفونات يمين يسار جزاها الله خير آخرتها لقيت فندق 3 نجوم اسكن فيه لين ما دبرت عمري اليوم الثاني...
بالنسبة للفنادق اللي ما فيها بارات..
انا اذكر مرة سكنت في فندق اسمه الكونكورد ليلة واحدة
كان 4 نجوم ونظيف... ما فيه بار ولا خمور ولا شي...
الغرف حليوة ما هي فخمة جدا, لكن في نفس الوقت نظيفة وكويسة
ايضا فيه شيراتون في ديرة دبي اعتقد, بس فيه فندقين في نفس المنطقة... واحد فيه ملهى ليلي تحت والثاني لا.... ولا ادري عن غرفهم لكن ما شفت نايت كلوب... الا كان فيه بار صغير ماحد داري عنه ههه
وفيه شيراتون ثالث في الجميرا بس غالي جدا... وناسي اذا فيه بارات ولا لا, لكن اذا فيه فهي صادة شوي لانه فندق فعلا فخم وكلاس
لكن الاول اللي قلت لك اربع نجوم ( الكونكورد ) هو اللي تقدر تسميه "فندق اسلامي" ان صح التعبير...
الهيلتون في ديرة دبي اعتقد؟ ( فيه اثنين واحد في الجميرا والثاني في المدينة نفسها بس نسيت اسم المنطقة هي تعتبر من ديرة دبي او بر دبي بس يسمونه هيلتون كريك )..
غرفة وخدمته حلوة مرة.. واحيانا تحصل اسعار حلوة ( حاول تشوف الاسعار على موقعهم في الانترنت )
بس هيلتون كريك فخم وحلو صراحة والغرف روعة... والبار اللي فيه صغير ولا يجيه احد الا قليلين جايين "يروقون" ويقفل الساعة 1... ان خربوها حطوا موسيقى هادية من النوع اللي يجيب النوم... يعني بالعربي ما تلقى جو هيصة الشباب...وازعاج....
اللي في الجميرا اغلى... والبارات اللي فيها في اماكن اشبه بالمغلقة يعني "صادة" شوي.. ومغلقة... الا من جهة البحر قدام المسبح بار على مطعم ...
ونفس الشي ما فيها هيصة وتشوف شباب داخلين طالعين... احتمال تسكن فيه وتطلع وانت ما انتبهت لها اصلا... ( الا لو رحت من جهة البحر لانه فيه اللي قلت لك بار على مطعم, بس ما فيه شباب ابدا ) و اغلى من الفندق الاول لانه على البحر ومسوين لي فخمين بزيادة... يعني من ال 1200 وطالع حسب الموسم

طبعا عندك برج العرب بس ب 3000 الليلة اقل شي ههه

ايضا جميرا بيتش هوتيل بالف وخمس مائة او 1600 اظن سكنت فيه ( الاسعار دائما متغيرة فلا تعتمد كلام اي احد الى ان يتم الدفع بشكل نهائي ممكن في يوم وليلة تتغير ) ما اذكر اني شفت بار فيه بس كلامي قديم شوي والذاكرة لك عليها ههه
ايضا مرة سكنت في فندق الواحة في الجميرا ( اربع نجوم ويسمونه Oasis Beach Hotel ) وبصراحة سعره معقول جدا ( حول الست مائة ) لكن ما فيه خدمات لانه معتمد بشكل اساسي على الالعاب المائية اللي عندهم على البحر.. من تأجير قوارب الخ... فيه بار صغير جنب البحر لكن أكثر المرتادين شياب غربيين وحريمهم...
وفيه بار لكن ايضا ما هي من البارات الهيصة المؤذية كثير....
ابعد تمام البعد عن الحياة ريجنسي.....
اذا تبي اسلامي اسلامي ما اعرف غير الكونكورد..... وممكن الشباب المتزوجين واللي راحوا مع عوايل يفيدونك أكثر مني
وكذلك فيه شقق الماريوت, شقق فخمة ولا فيها بارات ولا حتى مطاعم
شقق فندقية وحلوة.... بس حتى الاكل اللي ممكن يجيبونه لك خدمة الغرف يقفلون اظن الساعة 6 المساء
ابحث في جوجل عن Dubai Marriott Apartments وشف الاسعار او اتصل واسأل عنها ما اتوقع تزيد عن الف في الليلة لكن كل شي جايز انا علمي قديم شوي
ارخص خطوط طيران معروف, بدون منازع طيران العربية ( طيران اقتصادي ) , بس تنزلك في الشارقة..

السفر للبحرين بالسيارة ما تستاهل ابدا في رأيي

اما المبلغ المتوقع صرفة, ومعك عائلة, الله اعلم, ممكن تصرف بلاوي رزقاء على قولتهم , وممكن مبالغ معقولة اهم شي خطط للرحلة صح... اما تودي المدام لاسواق كلها ماركات ومطاعم فخمة... فاله يعينك الف هنا والف هناك ههه

مرحبا فيك اخوي مشوارك للبحرين في ظل التكدس والازدحام في الجسر يعتبر سفر لحاله وطفش
تقدر تسافر من الدمام على طيران العربية ب 500 ريال فقط ذهاب وعوده للشارقه , او على الخطوط السعودية من الدمام ب 1000 ريال فقط الى دبي, وممكن من مكتب سفريات تاخذها ب 900 ريال

السلام عليكم
الإخوان ماقصرو ماشاء الله
5* وبدون بارات بصراحه ينعدون عالأصابع مثل تاج بالاس(إسلامي) أبداً مافيه خمور
ومثل ماقال اخوي عبدالفتاح أفندي ... تدخل الفندق وتطلع ماتدري وين طريج البار :112: يعني في أماكن صاده
مش لهالدرجه علني لأن اكيد فنادق ال5* ينزلون فيها عوايل .
وإذا ماتمانع عندك فنادق مدينة جميرا(القصر +ميناء السلام) 5* رائع بمعنى الكلمه
وحالياً عندهم عرض الصيف الغرفه =1100 ، سعره الأصلي 2500 وطالع
ونزلاء الفندق يقدرون يدخلون برج العرب فري والتوصيل عن طريق الفندق نفسه
وتذكره فري للألعاب المائيه الوايلد وادي... ولو إني ما انصح فيها للمناظر إلي فيها، الاجانب ماخلولنا مكان:112:
صور للفندق في رابط الفنادق

• فندق جراند حياة أيضاً فخم وحلو 5* جنب جسر القرهود عالخور

حالياً عندهم عرض الصيف الغرفه=780درهم ، مع عرض ليالي مجانيه.
ومن شهر 10 بيرتفع السعر
وانا نزلت فالفندق دخلت وطلعت ومادريت وين البار

• فندق قمر الدين =500درهم ،قريب من شارع زايد

4* بس مستواه يستاهل 5*
وإذا تريد أقل بعد بنحدد لك الفنادق
فالرابط معلومات اكثر بأسعار الفنادق
https://artravelers.com/p/re/122110
وارخص طيران، طيران العربيه (اقتصادي)... تنزل في مطار الشارقه

هلا اخوي انصحك بفندق قمر الدين مره راقي وهادئ ولا فيه ازعاج