حياك ومرحبا
بادن من ميونخ ( هوينه) ممكن تروحون لها ,,, لكن السؤال وش وسيلة التنقل اللي تستخدمونها؟
بالنسبة لكولن من ميونخ 5 ساعات شاقة ومرهقه وتاخذ وقت

بأذن الله تنقلاتنا حتكون بالقطار والباص
ومشكور حيل اخوي

طيب يا اختي شرايك
تجلسون ثلاث ايام في ميونخ ويومين في بادن
عموما فيه قطار يطلع من ميونخ الى بادن وصله وحده ويستغرق 4 ساعات
انتظر رأيك

مو مشكله بس اهم شي نكون يوم المغادره في ميونخ او منطقه قريبه من المطار او في قطار دايركت في المنطقه اللي نكون فيها يعني زي السنه الماضيه كانت محطتنا الاخيره في لوزيرن ومغادرتنا كانت من زيورخ وكان القطار دايركت من لوزيرن للمطار
وكمان خاطرنا في قارمش ياليت تحطها لي في الجدول الله يعطيك العافيه اخوي

ولا يهمك ,,,, يعني توصلون لميونخ بعد سالزبورغ وتريحون ليله
مجرد وصولكم لميونخ تزورون الاماكن المهمه في ميونخ (الاكثر شعبيه) المارين بلاتز - الكارل بلاتز - الماكسميليان-الحديقة الاولمبيه
وترجعون الفندق .
اليوم اللي بعده على قطار الساعه 8 تتوجهون الى بادن توصلون على الساعه 12 الظهر .
من الساعه 12 الى 7 مساء تقدرون تزورن الاماكن المميزه في بادن .
ثم المبيت ليله في احد فنادق بادن ... من الصباح تتوجهون الى اليوروب بارك وتقضون يومكم فيها
بعدها ترجعون للفندق وتشيك اوت وبقطار الساعه 7 مساء تتوجهون لميونخ ..
عموما الجدول احترافي نوعا ما .....(مضغوط)
انتظر رأيك

والله عاجزه عن شكرك اخوي
بالنسبه لميونخ انا جيتها قبل سنتين وزرت كل الاماكن اللي قلت عليها والسنه دي حبيت تكون مغادرتنا منها عشان خاطرنا في الريف الالماني وممكن الغي سالزبورغ ومن زيلامسي ع ميونخ فياليت لو فيه امكانيه نروح ع بادن بادن ع طول او قارمش واخلي اخر يومين في ميونخ لزوم التسوق وبالنسبه لليوروب بارك ما اعتقد نروح لها لان مافي احد متحمس لها من اولادي

اختي تبديل القطارات عندكم خبره فيه ؟
يعني الطريق من ميونخ الى بادن فيه تبديل قطار واحد ,,,, هل عندكم مشاكل؟ِ

لا الحمدلله مافي اي مشاكل عندنا في تبديل القطارات
ايش تنصحني بالنسبه للسكن في بادن بادن فندق والا بيت ريفي والا شقه وانا ماافضل الفندق بس اذا مافيه غيره مو مشكله وايش ابرز الاماكن اللي ماتفوت في بادن بادن وحواليها وبالنسبه لقامش اروح لها من بادن بادن والا من ميونخ اقرب واذا ممكن تدلني ع فندق اوشقه في ميونخ تكون في المارين بلاتز
وسامحني اخوي كثرت عليك ومااقول غير الله يجزاك الجنه وفردوسها

بستشيرك اخوي في جدولي
قدومنا ان شاء الله ع جنيف ومنها بروح ل الريف الفرنسي ومنها لزيلامسي وبعدين لميونخ عشان المغادره منها بس احد الاخوان قال انه مشوار من فرنسا لزيلامسي ولافيه قطار دايركت للنمسا وشكلي باألغي النمسا واخلي رحلتي فرنسا والمانيا فقط ايش رايك مع العلم ان مدة جلوسنا في اوروبا 22يوم كيف اوزعها بين فرنسا والمانيا
والف الف شكر لك معليش تعبتك معايا