- بسم الله الرحمن الرحيم
بسم الله الرحمن الرحيم
ياهلا والله وسهلا بكل من دخل يقرا موضوعي ارحبو وجايتكم اخبار ماليزيا بالتفصيل
طبعا انا وزوجي قررنا نروح لماليزيا لاننا نسمع عن جمالها وخضارها ورقيها وودنا نسوي شهر عسل جديد المهم سوينا حجوزات الفنادق من الرياض واستعدينا للرحلة استعداد مثل وجيهنا ههه(يعني بالله احد يروح يتقضى ملابس قبل يسافر والله المخفات ) خبري بالناس تشتري من البلد الي مسافرتن لة وحنا عكسنا الموجة يعني يقالك استقلال بالذات =(الحين وش دخل ذي بذي )
المهم ياجماعة الخير تجهزنا وحطينا ولدنا واللي توه بادي يمشي عند اهلي ورحنا للمطار قبل بساعتين من الرحلة وركبنا الطيارة واحنا قلوبنا على كف عفريت لايكون انا بمحل وزوجي مكرفسينة بمحل:112: عاد هذي عوايد ربيعنا بس يلة هانت المهم زبطت وركبنا جنب بعض و طارت الطيارة وهاتك ياسوالف بالطيارة وخيالات عن شكلك ياماليزيا وتعبنا من التلفت للخريطة ومتى بنوصل وقرينا كلبو الجرايد و7 ساعات مضت ووصلنا :x1:
واو الحمد لله وصلنا المطار ابهرني روعة بصراحة يضيع الواحد فية المهم حنا نزلنا مطار كوالا لمبور وركبنا طائرة ثانية الى لنكاوي ويوم وصلنا كانو شركات السياحة بوجيهنا ومعهم نشرات عن رحلاتهم تخيرنا واحد من برامجهم وخذنا رقمهم وركبنا معهم علشان يوصلونا للفندق بس اه اه اه يالنكاوي مدينة الجمال والسحر والهدوء بصراحة حسيت اني هايدي ورجلي بيتر (قولي والله ) بس من غير غنم !!
والي زاد عندي هالشعور اننا سكنا بشيراتون لنكاوي يابعد هالدنيا ذاك الكوخ ازين من بيتنا والله
طبعا الفندق هناك فخم واول ماوصلنا قدمو لنا عصير اسود وحبيبي علطول نغزني وقالي بلا شفاحة ذا العصير اسود اخاف حاطين فية خمر ولا شي قلت اقول خل عنا الوسوسة طعمة حلو شاربتة شاربتة الله لايعوق بشر ضحك حبيبي وقال ترى لي شفتك خربطتي صكيت عليك الغرفة ورحت اتمشى بلحالي ههه طبعا هو يمزح لانه سألهم وقالو مافية شي لاخمر ولا خنزير وهذا الاخير ملاحقنا في كل مكان المهم الفندق عبارة عن غرف واكواخ فخمة فيها 2حمام وجاكوزي وغرفة نوم تجيب الصياح لاننا حسينا اول مرة بالترف وجلسة ماجلسنا فيها بس نصورها من زينن فيها وذيك الشرفة المطلة على الحديقة الي تشوف القردة وهي تنطط فوق الاشجار مناظر تجيب العافية المهم نزلنا تحت وتفرجنا على الفندق وللوبي والبحر وكنا نغني انا ويا ابو الشباب اكثر من اول احبك بس ماابغى اقول اخاف لو قلت تتغلى علي مرة
يلة عاد شجعوني علشان اقولكم وين رحنا وين جينا
شكلي ماعاد نيب مكملة تقريري