abosaad45
04-09-2022 - 07:20 am
طبعا انا بحول الله هذا الشهر متجه للمغرب وهي المرة الأولى اسافر للمغرب
بس يقولون ان فيه بعض الخطورة خصوصا على السعوديين والخليجيين يعني مثلا النصب والأحتيال والسطو على الشقة مثلا وربما الضرب من ناس يرتدون ملابس عسكرية وهم قطاع طرق يبون ياخذون الفلوس
ومن هذه السوالف .
السؤال : لخبراء المغرب هل هذا الشىء موجود فعلا ام لا ؟
وماهي افضل المدن واسواء المدن من ناحية الامان على الممتللكات والحياة .
والأمان في وسائل المواصلات والأفضل من ناحية الأسعار
والله عندة معلومات زيادة لايكتفي بالأسئلة يعطينا كل مايعرف عن هذه البلد
انا مخطط على 12 يوم والميزانية التقديرية 15000 ريال بدون التذاكر هذا هذا كويس وناوي اغادير .
ملاحظة أنا مسافر لوحدي
أنا ما أدري من فين حصلت على المعلومات الى ذكرتها لكن الامان هناك ممتاز وأنا ما واجهت أي مشاكل أطلاقا حتى أني رحت لقرى وركبت وسائل المواصلات لديهم من تكاسي وباصات وقطارات ولا واجهت أي مشاكل والشعب طيب جدا أهم شئ أبعد عن الاماكن المشبوه أكيد عرفت قصدي وأنا ما انصح أن تروح لوحدك لان البلد يحتاج معك ونيس وانت بكيفك واحرص على الشقق المعروفة وخلك طيب ومبتسم مع رجال الامن بالذات وان كنت لوحدك ارشح انك تاخذ فندق أفضل واحسن لك وقسم الرحلة ما بين كازا وأقادير ومراكش وترا أقادير حلوه من حيث الاجواء وحاول تسكن بفندق هناك أسمه كتزي أوربا مرة حلو وقريب من البحر والمحلات هناك والمطاعم والمقاهي وميزانيتك حلوه وتكفي وزود بعد لان السكن الزين والنظيف بيكلف عليك بالسعودي حوالي500ريال والتمشية حوالي 300ريال وأبعد عن الاماكن المشبوه أو الناس الى راح تشوفهم وتلاحظ تصرفاتهم غير طبيعية أكيد عرفت قصدي وأحرص اذا تبي تشوف حياة شعب المغرب انك تركب الباصات او القطارات وباصاتهم نظيفة جدا وتوفر بعد فلوس ورحلة موفقه وترجع بالسلامه ونتظر تقريركم والسلام ياحلو؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛