السلام عليكم ورحمة الله وبركاته
دخت وانا ادور وداخ راسي احترت وتقريبا قررت وين بيكون اتجاهي بس ابي شوية مساعدات منكم لو سمحتوا
رحلتي يوم الثلاثاء 12 يونيو 10 ونص مساء على قطر ومن قطر لجاكرتا الساعه 8 ونص الصباح
والعوده بتاريخ 28 يونيو مساء
الظاهر الرحله بتكون متعبه شوي بس الله يكون بالعون
الجدول كالتالي
جاكرتا ________ بالي _________ باندونق __________ بونشاك _______ جاكرتا
1 ___________ 5 ___________3 ______________ 3 _________ 3
الارقام هذي هي مدة الاقامه
جاكرتا : فندق مارلين بارك
بالي : احترت فيها كثير
باندونق : فندق sensa
بونشاك : محتاره بين سيروني 2 او 3 وبين منتجع نوفوس
راح نوصل جاكرتا يوم الاربعاء مساء بتاريخ 13 وبنروح الفندق نريًح وبعدها طياره وعلى بالي
هل مجموع الأيام صحيح والا الدوخه مأثره بحساباتي ؟
ممكن تساعدوني بأي شي
هل هو مناسب هالجدول والأيام مضبوطه على التواريخ والا فيها حوسه
وتقريبا الميزانيه لهالفنادق كم راح تكلفني
ساعدوني في جزيرة بالي
ودي تكون احلى شي بالرحله
ابي فله قريبه من البحر والمطاعم على الشاطئ واهم شي مسبح خاص وجاكوزي
هل فلل aria luxury مناسبه او منتجع دريم لاند ؟
هل الشواطئ في الجزيره زحمه ؟
مساعدتكم جزاكم الله كل خير