السلام عليكم
وقت السفر ان شالله بيكون نهاية april وبداية may تقريبا 12 يوم
الذهاب دمام - الدوحه - برشلونه
والعوده باريس - الدوحه - الدمام
الخطه اللي حطيتها مبدئيا بتكون تقريبا 4 ايام في برشلونه
بعدين نستأجر سياره الى جنوب فرنسا ( نيس - كان - موناكو ) 5 او 6 ايام
بعدين نسلم السياره وبالقطار الى باريس
فالبدايه
- الطريق بالسياره من برشلونه الى نيس مرورا بمرسيليا للراحه
في موقع طلع لي المسافه بس ابي اعرف التول واذا في طريق افضل من الثاني ؟
- جنوب فرنسا هل الافضل اسكن بمكان واحد مدة 5 ايام تقريبا او اغير ؟
- من وين احجز للقطار من نيس او كان الى باريس ؟
- باريس يمكن مدة الاقامة يومين لاني متخوفه منها بس دامي وصلت فرنسا لازم ازورها
وين افضل مكان للسكن ؟(شخصين)
- السؤال اللي كل مكان ألقى جواب غير
الفيزا
اطلعها من الاسبانيه لاني بدخل منها او الفرنسيه لان الاقامة فيها اكثر ؟
وشكرا مقدما
طلعها من الاسبانيه لأنها ما تدقق مثل الدول الاخري هولندا والمانيا
الشانز او حول ايفل حلو للسكن
نيس فيها قطار وكذلك كان
فيه موضعين مثبتين بالقسم العام الفرنسي عن نيس وكان للاخوات د معماريه وهداوه
أنصحك بقرائتهم