الدهمشي 11
علماً بأن الميزانية حدود 40 الف وسفرتي بتكون بشهر ابريل بإذن الله ..
انا في البداية كنت مخطط للنمسا والمانيا .. ولكن لاحظت من الأخوه الاعزاء مدحهم لسويسرا .. وش رأيكم؟؟
وهل الميزانية تكفي ؟؟ وكم احدد يوم للسفرتي ككل ؟؟
ادري اسألتي واجد .. بس محتار وابي منكم النصح والمشورة .. اتمنى من له خبره ان لا يبخل علي ..
والله يسهل امورنا واموركم .. ويرزقنا مانبي
ألف مبروك والله يسعدك ويهنييك
المهم أخوي أولا ما أدري شكثر الأيام اللي محددها للسفرة حدد الأيام تقريبا علشان أحاول أقترح لك خط سير
ثانيا ما أدري شنهي وسيلة تنقلك
ثالثا 40 ألف شنو؟
رابعا هل حجزت طيران ؟ ووين راح تطب
أنا بانتظارك يالحبيب

اشكرك من قلبي اخي وسع صدرك على تفاعلك السريع .. الله يحقق لك ماتبي يارب
انا في البداية قبل لا ادخل سويسرا كنت محدد 15 يوم .. مقسمه كالتالي :
فيينا 3 ايام - سالزبورغ 3 ايام - زيلامسي 5 ايام - ميونخ 4 ايام
لكن ان كنت بدخل سويسرا اكيد راح ازيد عدد الأيام .
0الف عزيزي هذا المبلغ المخصص للسفره ككل.
وسيله التنقل افضل السيارة .. هي الأرخص والأوفر . صحيح؟؟
والحجر للآن بس الي فالبال .. الإماراتية ..
اتمنى تعطيني برنامج سياحي وخط سير الله ييسر لك امورك ياحي ياقيوم

أولاً 40 ألف كثيرة على المدة خاصة رحلتك في ابريل بيكون الطيران رخيص
أنا أقترح عليك تكون الرحلة
الذهاب إلى ميونخ وبنفس اليوم تطلع إلى زيلامسي 5 أيام بالسيارة
وتطلع إلى إنترلاكن 7 أيام و 3 أيام جنيف
وأحسن شي تكون مستاجر سيارة من ميونخ وتسلمها بمطار فيينا يعني أنت اللي تسوفها

اشكرك ابوتميم 2 على رأيك واقتراحك .. ولكن انت ماذكرت بخط السير عن مدينه سالزبورغ ولا انترلاكن .. عزيزي انا ابي خط سير مفصل مع عدد الأيام هذا اولاً
ثانيا : هل المبلغ كافي لو كنت بقعد 20 يوم مقسمه على جنيف وانترلاكن وفيينا وسالزبورغ وزيلامسي وميونخ ؟؟ وكم يوم احدد لكل مدينه ؟؟ وافضل استأجر السيارة من وين ,, واسلمها وين ؟؟
اعتذر عن كثرة الأسأله ولكن وانا اخوك اول سفره لي لاوروبا من غير شر ياآآآرب .. وابي سفرتي تكون منظمه ومنسقه .. اشكر تفاعلك .. وبادره المساعده لديك .. الله يجزاك على قد نيتك يارب

1. معرسنا الحبيب أمس انتظرت بس لما تأخر الوقت ، طلعت من النت

معرسنا الحبيب أمس انتظرت بس لما تأخر الوقت ، طلعت من النت

الحبيب ، لا زم تعرف انك إذا بتجمع كل هالدول راح تسوق وايد ومسافر كبيرة ، يعني فيها إرهاق وشوي تعب ، هذي شغله وبالنسبة للأيام حق هالفرة قليلة لأنه حسافة انت بشهر عسل كل منطقة من هالمناطق فيها أماكن تونس وحلوة وايد ، أنا بقولك خطة سيري الصيف اللي فات وأكلمك عن تجربة ، طرت من الكويت على القطرية ترانزيت ونزلت ميونخ ، ومن ميونخ قارمش ومن قارمش ، إلى ولنسي (سويسرا) ومنها إلى ليزن في سويسرا أيضا ، ومنها إلى تي تي سي بالغابة السوداء بألمانيا ، ومنها إلى فلاخو بالنمسا ، ةختمتها بميونخ ، كانت مدة رحلتي 23 يوم أحس إنها على هالخطة زينة ، بس إن في أماكن كان تستاهل أقعد أكثر ، وفي أماكن ما مداني أفرها ، الزبده أخوي :
أقترح إذا ترغب بسويسرا إنها تكون إحدى محطاتك (مع إني أقولك على هذي الفترة ما أنصحك النمسا وألمانيا حلوين وفيهم أماكن ما تخلص ) يكون خط سيرك الآتي (تحجز من ديرتك إلى جنيف تنزل الجانب الفرنسي لأن أجار السيارة أرخص ، وأحرص على الديزل ، وجنيف بوجهة نظري ما تستحق إنك تنام فيها ليلة إذا بتريح كافيه تفر أهم معالمها ، ومن اليوم الثاني تتوجه إلى انترلاكن ( حلوة وفيها أماكن حلوة تستاهل حق شهر عسل ، ومن انتر لاكن - حسب اختيارك طبعا- تزور المناطق القريبة ممنها تقعد فيه من3-4 ليالي ، وبعدها علشان الطريج ما يصير عليك طويل لأن من انترلاكن إلى زلمسي مرورا بأليخشنتاين الطريج 6ساعات ونص ، فاختر منطقة بنص الطريج علشان تستغل وقتك ما يضيع عليك بالطرج ، ونام فيها ليلة ، وبعدها روح زلمسي ، ومنها إلى فيننا إذا كنت ترغب فيها لأنها بعيدة ، وأما سالزبورغ ، بوجهة نظري ما تسوى إنك تنام فيها تقدر تزورها يوم وتجول فيها ، وتختم خط رحلتك بميونخ ، هذي خطة مقترحة وأما على عدد الأيام انت اختارها حسب ما يناسبك توزعها على كل منطقة ، والأنشطة والرحلات الأعضاء في هالمنتدى ماشاء الله مريحينك ، وأكرر الطريج راح يصير طويل انتبه أما إذا بتكتفي بخطتك دون سويسرا على عدد الأيام اللي حددتها انت كافية ، والمبلغ وايد أنا برحلتي 23 يوم تقريبا قطيت عليها أنا واسرتي من أ حتى الياء كل شي بزود تقريبا مثل هالمبلغ ، وأتمنى لك سفرة سعيدة وأيام العمر كلها مع أهلك والله يبارك فيكم ، نسيت لا أنبهك وقتك الجو راح يكون بارد!!
تروح وترجع سالم

1 : الف مبروك وان شاء الله يكون شهر عسل جميل وخصوصا انك اخترت الدول الاوربيه يعني مراح تتحسف
2 : كلام اخواني الاعضاء جميل وكله نصائح ماقصرو عطوك الشي اللي يرحك
3 : اذا تبي تستأجر سياره لا تنسي الجارمن او الجي بي ار اس
4 : افضل وسيله نقل طبعا السياره عشان ماتحاتي شي وتروح لكل ماكن تبيه بأستخدام الاحداثيات الموجوده في المنتدي من قبل الاعضاء اللي منزلينهم
5 : طبعا الجو بيكون بارد وجميل وانصحك بالمناطق الغير جبليه تكون اقامتك فيهم اكثر
6 : المبلغ اللي ذكرته 40 الف اذا كان ريال سعودي بيطلع حوالي 8000 يورو بحسب خبرتي وتجاربي بتغطي السكن والمصاريف من غير التذاكر ولو تقسمها باليوم راح يطلع مصروفك 400 يورو طبعا تقدر تحجز الفندق بالمصرف اللي طالعلك او تقسم المبلغ وتحجز الفنادق وافضل وسيله انك انت تحجز الفنادق عبر موقع بوكنغ http://www.bookig.com
7 : افضل خط سير وانصحك فيه الوصول الي ميونخ ( تاخذ السياره ) والاقامه يوم وبعدها الي زلامسي والاقامه فيها خمس ايام لكي تزور اهم الاماكن السياحيه فيها ومنها تزور سالزبورغ مو بعيده من زلامسي حوالي 55 كيلو ومن زلامسي الي زيورخ ومن زيورخ الي انترلاكن ومن انترلاكن الي جنيف وانسي الفرنسيه او اذا في مناطق في بالك تستطيع ان تظيفها على حسب اختيارك بس المهم انك توصل لمنطقه والعوده تكون من اخر منطقه توصل لها مثل جنيف او زيورخ او فيينا او ميونخ تستطيع ان تكون تذكرتك مثلا الوصول الي ميونخ والعوده من جنيف ماتفرق شي يمكن على التذكره شي بسيط وهم السياره ماتفرق شي
هناك مناطق ذكرها اخوي وسع صدرك في المانيا بصراحه مازرتهم بس قريت عنهم وبصراحه الكل يمدحهم وتقدر تاخذ لفه من ميونخ والعوده الي ميونخ تروح الي زلامسي وزيورخ وانترلاكن والعوده الي المناطق اللي ذكرهم اخوي وسع صدرك وتقسم الايام عليهم راح تطلع معاك 20 يوم

يارب تسهل امورهم وتجزاهم على قد نيتهم .. طيب ممتاز كلامكم .. لو قلت ابي احد يقسم لي الأيام على هالمدن .. كيف تجي .. انسوا ال20 يوم الي انا محددها .. ابي من واقع خبرتكم .. كم يوم ؟؟ وكيف تقسيمها ؟؟
الشي الثاني رأيكم ادخل سويسرا ؟؟ تستاهل ولا اكتفي بالدول الي محددها سابقاً الي هي المانيا والنمسا ؟؟
لان والله اني احترت بقوة .. يالله يارب بس ..
احيان اجي اقول ليه مااشوف مكتب سياحي ويسنعني بمرشد وافك نفسي من الهم .. واحيان اقول والله ماتستاهل انا ارتبها بنفسي .. المعلومات الي ابيها كلها القاها بالمنتديات .. لان فيها كل شي ابيه من جد ..

لا تفكر ولا تحتار غير منتدي عرب المسافرون مراح تلاقي
اخوي والله الامور كلها سهله ومافيها اي تعقيد ومايحتاج مكتب سياحي او مرشد سياحي
كل اللي يبيلك استأجار سياره وجارمن تحط الاحداثيات ومراح تسأل ولا راح تضيع
انصحك في سويسرا وبشده وضروري تحطها في المخطط
الوصول ميونخ وبعدها زلامسي 5 ايام انترلاكن 5 ايام زيورخ 5 ايام ميونخ باقي المده وترجع ولا تعور راسك اختصر ولا تكون مثل اللي كل يومين بمنطقه مايمدي يرتاح اله وشايل اغراضه وطالع من المنطقه خل اقامتك طويله

هلا ومرحبا .. يعني افهم من كلامك اني احذف جنيف من المخطط ؟؟
وانا ماودي ارجع لنفس المدينه الي وصلت لها بالبداية .. الي هي ميونخ .. فهمت عليى اخوي كويتي ؟؟
ولا تخطيطك حلو واعجبني !!