عليكم السلام ورحمة الله وبركاته
حياك الله بين أهلك وربعك بالدوحه
والطريق اخوي واضح وسلس
تطلع من الخبر على طريق الأحساء ومن هناك تتبع الأرشادات الى قطر
ومن تطلع من الاحساء تلاحظ لوحات قطر وعمان والامارات
انت لا تلف لا يمين ولا يسار على طول سيده الى ماتدخل سلوى الحدودي
وبعد سلوى ابو سمره حدود قطر وتدخل الدوحه
وهذي خريطة توضح الطريق
http://www.athagafy.com/maps/Fig-06.jpg
وان شاء الله تستمتعون بالدوحه
ولي نصيحه بعد خروجك من ابو سمره لاتسرع لكثرة الرادارات وايضا الطريق تحت الانشاء وبها تحويلات
كثيرة
فالك طيب

مشكور اخوي الرايق ماقصرت والله

ممكن اخواني تقولون لي الاماكن السياحيه الي ممكن اروح لها ومواقعها اهم شي الموقع لاني لقيت
بالمنتدى اسماء للمولات ولكن لم اجد مواقعها يعني باي شارع وباي حي وانا مثل ماقلت لكم اول مرة لي بقطر وماادل فيها شي

zaad2006
مرحبا من جديد
الستي سنتر وهو اكبر المجمعات بالدوحه يقع بنهاية الكورنيش بعد دوار فندق الشيراتون
ومجمع اللاندمارك بالقرب من جسر الشمال مابين منطقة الدفنه ومدينة خليفة الشمالية
ومجمعي حياة بلازا وفيلاجيو بمدينة الريان بالقرب من استاد خليفة الاولمبي (بجانب بعض)
ومجمع المول التجاري بمنطقة المطار عند النادي الاهلي الرياضي
وهناك مجمع الاصمخ ورويال بلازا بمنطقة السد
بالأضافة الى سوق واقف الشعبي الجميل (بقلب المدينة)
وأيضاً هناك أسواق تجارية مث سوق الجبر (خلف سوق واقف) وبجانبة سوق الديرة
طبعا هالسوقين به بضائع جيدة خصوصا للنساء0
=============================
وبالنسبة للأماكن السياحية هناك مكان جميل وهو ساحلي ذات كثبان رملية ناعمة
تسمى السيلين بجنوب مدينة الدوحه بمنطقه اسمها أمسعيد وبها شاليهات السيلين
تستطيع اخذ ليلة هناك والأستمتاع بشواطئ السيلين0
وأيضاً هناك مدينة الالعاب (الملاهي) وهي مملكة علاء الدين تقع بمنطقة الدفنة بالقرب من فندق
الأنتركونتينتال مباشرة0
=============================
وفالك طيب

الله يعطيك العافيه حليت لي مشكلة الطريق والاماكن السياحيه ومواقع المولات
باقي طلب اخير وانا عارف اني ازعجتك بس اتحملني
عندي مشكله السكن انا اخذت ارقام الشقق الي بالمنتدى واتصلت على بعضها ولقيت الاسعار جدا غاليه
فهل يوجد عندكم شقق عاديه مولازم تكون فخمة يعني بمستوى الشقق الي بالخبر الي مليان المنتدى منها واسعارها جدا مناسبه ب150 و200 و250يعني الدوحه مافيها شقق بهذا السعر اواكثر شوي مافيه مشكله ويكون شكلها جيدومناسب للعوائل يعني غرفه لشخصين اوغرفه وصاله

ماعليش نسيت احدد السعر بالريال يعتي 150 ريال او200ريال او 250ريال
وشكرا

وشدعوه مافيه رد
ياليت تساعدوني ياابناء قطر ويااعضاء المنتدى

zaad2006
هلا أخوي
بالعكس لا في أزعاج ولا شي
وانت تامر طال عمرك وأحنا نطامر
بس أحب أنوه لك أن الأسعار بالدووحه مولعة بصرااحه
لا من سكن ولا من غيرة00!!
وبما أنك حدت الأسعار راح أذكر لك بعض الشقق الموجوده عندنا
ولكن لا أعلم عنه شيئاً فلم أجربه سابقاً
1/ لي ميراج ................. اربع نجوم
التليفون: 4440111
2/ جنة الخليج ..................... ثلاث نجوم
التليفون: 4322212
3/ الجزيرة للشقق الفندقية..................... ثلاث نجوم
التّليفون 4354222
4/ المنتزة بلازا..................... ثلاث نجوم
التّليفون 4355677
5/ الاجنحه الملكيه للشقق ..................... ثلاث نجوم
التّليفون : 4211333
6/ فندق رويال بلازا للشقق الفندقيه..................... ثلاث نجوم
التّليفون : 4425179
7/ برج ريجنسي للشقق المفروشه ..................... ثلاث نجوم
التّليفون : 4326244
8/ السراج للشقق الفندقيه ....................... نجمتين ( تم الافتتاح في سنة 2005 ) سعره في الايام العاديه 250 والاعياد 350 ريال قطري
التلفون: 4582809
وأن شاء الله أفدتك
وأي خدمة لايردك الا الكيبورد

مشكور اخوي على الشقق والارقام
بس عندي استفسار عن شقق السراج عندك فكرة عنها جيدة؟ووش رايك فيها مناسبه؟
وانشالله ابتصل عليهم واشوف الي يناسب
وشكرا مرة اخرى