انا انصحك بجهاز ( القارمن - Garmin)
اشتره وفك راسك من العوار
واصلا راح ينفعك داخل دبي
اما بخصوص الخرايط ما تتوفر عندي والله

فعلا الجارمن الحل الامثل وزمن الخرائط ولى وراح

تفضل ياطويل العمر ..بس تري الموضوع قديم يعني تغيرت الاشياء للافضل
الاساسيات لم تتغير اقصد الطريق والمسافات ورحلة سعيده
https://artravelers.com/p/re/70039

وهذا واحد ثاني ....ليتك كلفت روحك بالبحث قبل ماتسال ...
https://artravelers.com/p/re/245757

ما يحتاج خرائط يا عزيزي ..
أطلع من الرياض على طريق الشرقية تجيك لوحة الهفوف يمين ادخل معها أول ما تصل الهفوف تجيك لوحة الإمارات إمش معها الى الحدود ومن الحدود لوحات دبي ..
المحطات منتشرة وما فيه خوف من الناحية هذي أما الهاي وي كل الطريق هاي وي من الرياض الى دبي لكن فيه حفريات عند الأحساء يمكن تتعبك شوي ..
إذا كان جوّالك او جوّال المدام نوكيا جديد اذهب لأقرب محل جوالات وركّب جهاز قارمن MobileXt وراح يقوم بالمهمّة على أكمل وجه و راح يخدمك داخل دبي مطاعم و فنادق و منتزهات و محطات وكل شيىء ..

أكسير
كلام جميل بالنسبة للبرنامج فيه برنامج اسمه روت 66
route 66
ارى انه افضل من برنامج الجارمن والخرائط فيه عربي 100%
وموفق خير يابو الشباب

captin999
جرّبت الأثنين واتّضح لي أن قارمن بخرائطه العربية التفصيلية أفضل من66 Rout ..
يكفيك أنه من شركة Garmin وخرائط العالم بمافيها الخليج من الصرّاف و الفندق الى الوادي و الجبل متوفّرة و في كل مكان ..
عيب Garmin الوحيد هو تأخره النسبي بالمقارنة مع Rout في الاستجابة الأوّلية لإشارة الأقمار الصناعية فهو بتأخّر من دقيقتين الى خمس دقائق أحياناً في التقاط الإشارة ..

بسم الله الرحمن الرحيم
أخوي أنا حالياً بدبي وصلت يوم السبت .. مشيت من الرياض للهفوف عن طريق خريص ..( المفرق 90 كيلو عن الرياض مخرج سعد) و كان الطريق جداً ممتاز و سايدين فيما عدا حوالي 35 كيلو أول ما تمسك خط حريص فيه تحويلة و بعدين يرجع الخط سايدين و ممتاز بس لاحظت فيه شئ واحد و أنت متجه للهفوف على اليمين ما تجيك محطات بنزين .. كلها على يسارك يعني على الخط الراجع للرياض .. بس ما فيه مشكلة الخط حلو ... و إذا تبي مخرج الهفوف اللى على طريق الدمام كمل طريقك مسافة حوالي 200 كيلو لين تجيك لوحة مكتوب عليها الإمارات قطر عمان ... أفرق معاها و هذا طريق الهفوف
طبعاً إن كنت ما تبي تدخل الهفوف .. بيجيك مخرج على اليمين يمسكك الطريق اللى يطلعك على الطريق لين يجيك مفرق البطحاء - سلوى و منه لين الحدود طريق ممتاز و سايدين لين تقول سلام يا دبي ... أنا مجرب .. من بيتي بالرياض مخرج 7 لين موقف الشقة بالجميرا 1045 كيلو متر ... توكل على الله ...و رحلة سعيدة .بس تأكد يا خوك من سيارتك و لا تخلي المفاجأت تنكد عليك ... و بالسلامة

مرحبا أخواني
الله يعطيكم العافية كفيتوا ووفيتوا أنا طلبت خريطة لاني ماعرف الخط أبدا أبدا يعني اشوفة واتعرف علية ههه حلوه
والقارمن مسجل علية احداثيات الاسواق والمطاعم وغيرة بس الخط مااعرف احد جربه علشان كذا سألت
أخوي فهد زعلان لية ماتبي دعوة حلوة مني بس الله يوفقك ماقصرت
AKTD-.captin99-أكسير-فهد -أكسير- الراهي
الله يعافيكم ويبلغكم رمضان
تحياتي