nka
مرحبا اخي الكريم الموضوع بسيط بل ابسط مما تتصور وما يحتاج خرائط ولا شيئ سوف اسهل عليك الذهاب للاماكن التي حدتها بسهوله :
1 - بنسبة للمجمعات والحي العربي في نانا وطبعا في بانكوك اسكن في اي فندق قريب من القطار السماوي تمام وادخل المحطة واشتري تذكرة ليوم كامل 120 بات وانتا في المحطة يوجد خريطة معلقة في الحائط موضح فيها محطات القطار حدد المحطة الا انتا فيها على الخريطة وابحث عن المحطة التي تريد الذهاب لها وسوف ارفق لك خريطة محطات بانكوك ادخل عليها واضغط على اسم المحطة تظهر لك صفحة تحدد لك اهم الاماكن الموجودة قرب هذه المحطة من مراكز وفنادق وما شابه ذلك .
http://www.bts.co.th/en/map.asp
بنسبة للفندق في شانق ماي baan dave montra فهو بعيد عن النايت بازار ويكفيك ان تخبر سائق التاكسي انك تريد النايت بازار وهو يوديك وممكن تركب توكتك . ما راح تحتاج للخريطة وممكن تطلب من الفندق يكتبون لك العنوان بالتايلندي .
اما في فوكيت قبل ما تحجز اي رحله اعرف سعرها ومر على اكثر من محل وكشك للرحلات السياحية وخذ اقل سعر يعرض عليك منهم وهو منتشرين في كل شارع وزقاق في فوكيت .
اخوك ابو بدر تحت امرك في اي استفسار

الله يعطيك العافيه
ودمتم لنا يابو بدر

اخي العزيز بما ان ابو بدر خبيرنا موجود في موضوعك لاتخاف
عموماً لاتخاف وتفكر ان الوضع صعب بالعكس الوضع عادي جداً ومايحتاج خرائط وغيرها وراح تحصل تايلندين راح تتفاهم معهم بالأنجليزي والتايلندي وبلغة الإشارة بعد
ومايميز تايلند حقيقه تنوع وكثرة المواصلات فيها كذلك كثرة المكاتب السياحية
سفره موفقه أن شاء الله وترجعون بالسلامه

اخوي بكل بساطه اول ما تنزل مطار بانكوك في منطقة سير الحقائب راح تحصل خرائط بالهبل وكلها مجانيه خذ اللي تبيه وخذ جناطك وروح لأي تكسي تشوفه اول ما تطلع من المطار او ممكن تاخذ لوموزين (كامري ) يوصلك لفندق جريس العنوان تقوله للسائق سوكومفيت سايو 3 ناناي فندق جريس اللموزين ياخذ 500 بات التكسي اللي بره ياخذ 300 المهم اول ما توصل نزل جناطك بالفندق ونصيحه لا تسكن فيه خل الجناط بس عند الامن واطلع خطوتين تنزل للشارع واتجه عكس اتجاه سير السياره تمشي 50 متر او اقل راح تلقى تقاطع في دخله على ايدك اليسار بالضبط عندها فندق ممتاز وليلته ب1600 بات اسكن فيه وادعيلي نظافه وغرف وسيعه وخدمات 5 نجوم ومافيه مناظر بايخه ;)
ارتاح لك يوم احجز تذكره من اي مكتب على خطوط نوك اير تروح شانق ماي سعر التذكره ما يتجاوز 2000 بات ما اتذكر بالضبط جم المهم تروح شنق ماي احجز فندق من المطار وانصحك بفندق Raming Lodge يم النايت بازار اذا انت تبي المنطقه هذيج سكنت فيه جدا جدا جدا ممتاز وشرح بس عيبه مافيه مسبح ومكانه هادي سعر الليله 1900 اذا ما خانتني الذاكره لاني سكنت فيه من سنتين المهم شنق ماي لازم سياره تأجرها ب 600 بات سوزوكي ومعاك الخريطه واللي يسأل ما يتوهش ( عيش حياتك وسط الغابات )
شنق ماي من اجمل الاماكن اللي زرتها في تايلند والناس اهناك حيل طيبين وفيها مسلمين وايد وفي مسيد يم الفندق اللي قلت لك عليه وما راح ينقطع عن اذنك صوت الاذان ان شاء الله
بعدها احجز تذكره على الخطوط التايلنديه دايركت لبوكيت سعرها شويه غالي 3500 تقريبا ولكن اهي الوحيده اللي دايركت باجي الخطوط لازم ترانزيت في بانكوك فما تسوى الترانزيت على مقابل 400 بات او اقل توفرهم توكل على الله وقصها وروح بوكيت احجز فندق من المطار انصحك بفندق tony resort بالباتونق بيتش جدا ممتاز وسعره رخيص 800 بات بدون وجبة فطور وطبعا اجر سياره والخريطه معاك واطلع رحلات بحريه على كيف كيفك حداق وغوص وتجديف والله يحفظك بالتوفيق