انا مسرور اني اصبحت عضو في هذا المنتدى ويشرفني أن أشارك ببعض ماعندي والله يقدرني...وحبيت أطرح ها الموضوع اللي اكتشفته يوم كنت اتجول في إحدى مراكز التسوق في دبي لاحظت رقم هاتف مجاني 8004438 على لافته ومكتوب عليها إدارة الأمن السياحي ومن فضولي رحت اتصل فيهم واتعرفت على بعض المعلومات المهمه اللي يمكن يستفيد منها أخوانا الزوار السواح إلى إمارة دبي سواء الخليجيين أو الجنسيات العربية أو جنسيات اخرى إذا واجهتكم أي صعوبة أو مشكلة أو سوء تفاهم لا سمح الله ومحد عندهم من الاقارب او حد يستعينون فيه لحل امورهم يتصلون على الرقم الذي ذكرته وهاي خدمة تقدمها شرطة دبي مالها مثيل حتى انه يصلون لين عندك ويحلون مشكلتك... شو ها الاهتمام شو هالدلع اللي وفرتها شرطة دبي حق زوار الامارة ...حتى قالو لو عندك استفسار لو مايخصهم يحولونك إلى الجهة المختصة اللي بتحل أمورك ...يعني توصل إلى بر الأمان ... صراحة أقول الحمدلله على هاي النعمة بعد .. ..وإن شاء الله ما اتشوفون مشاكل يوم تزورون دبي.... والحمدلله الأمور سهلة ومتيسرة فيها .... وازيدكم من الشعر بيت حتى خبروني أن عندهم إيميل [email protected] إذا ماقدرت تتواصل وياهم بالتيلفون تقدر إطرشلهم رسالة على ها الايميل إذا عندك أي ملاحظة أو شكوى يستقبلونها بكل راحبة صدر ويردون عليك في أقرب وقت .... وأتمنى لكم رحلة سعيده في دبي ... وأنتوا إخوانا وإكرام الضيف واجب ...
مع تحيات رحال دبي .......