وعليكم السلام
المفروض تنزل الموضوع في الاستفسارات عشان الكل يشوفه ويرد عليك
اي يوم بكون وصولكم
شنو اهتماماتكم وشنو تحبون تشوفون
تبون ديزني ؟!

شكرا
يوم الاربعاء صباحا
صحيح دزني يوم كامل وبرج ايفل وما ادري ايش فيه اماكن نروح لها
اهتماماتنا اهمها ترفيه تسوق زيارة اماكن سياحيه
ويعطيك العافيه

سوري كمان حبيت اسال
احجز لدزني لاند من هنا (اذا فيه موقع ) او بتكون هناك متوفره

ممكن يوم الي توصلون تاخدون الباص السياحي الأحمر بمر بيكم اهم الاماكن السياحيه (9 اماكن) المكان الي يعجبكم تقدرون تنزلون فيه تتمشون وتتصورون
ديزني لها يوم كامل واستخدموا الفاست باس توفرون الوقت والأفضل تروحون الخميس لانه جمعه والسبت يكون زحمه
يوم خليه لفرساي اذا تحبون القصور والعصر مونمارت والحي اللاتيني
يوم خله للتسوق

الاماكن الحلوه وانتم رتوبها ع هواكم
برج ايفل
الشانز وقوس النصر
لاديفانس
ساحه الفاندوم
الاوبرا
متحف اللوفر .. وفيها المونليزا
متحف الشمع
هضبه مونامارت
قالري لافيت
لا تنسانا من الهديا خ لا امزح والله واتمنى اني ما نسيت مكان
صحيح فيه الباص السياحي من الشانز خذو الاحمر وفيه مسارين .. خذ المسار الاقصر كون رحلتكم 4 ايام واي مكان يعجبكم انزلو فيه وبس تخلصون ارجعو لنفس المكان وروحو للي بعده
موفقين خير وانتبهو من الحراميه ومن حركه الخاتم اللي يوقف واحد قدامك ويلقطه من الارض كنه طاح منك ويسأل وغيره لا تعطي وجه> من ابسط حقوقك
تحيتي لك

اطلع ع الجدول المثبت بقسم الاستفسارات
عندكم اول يوم .. الفطور بالشانز ومن الشانز تروحون لشارع مهم اسمه جورج سانك هالشارع بين بوتيك لوي فيتون ومقهى الفوكيت واخر الشارع نزولا شارع الماركات الشهير افينو مونتين التمشيه متعه جدا واذا انتم من محبي الماركات بتستانسون طبعا موب رخيص وتالي اليوم السهر عند ايفل والنهر وساحاته وحدايقه
ثاني يوم الكنكود وحديقه تويلري واللوفر جنب بعض برجولكم والفتره المسائيه الحي اللاتيني وهضبه مونمارت
ثالث يوم ديزني لاند يوكامل والاوت لت
اخو يوم الاوبرا والغاليري لافييت للتسوق

الله يعطيكم العافيه جميعا ما قصرتوا وفيتو واستوفيتو
بس احد يقدر يفيدني فيه موقع ثقه لحجز تذاكر دزني لاند
شكرا

..
التذاكر تقدر تاخذها من محلات دزني بالشانزليه

واذا مش ويكند خذها من نفس ديزني
او من موقعهم بتلقي عروض مرات موقع ديزني لاندالرسمي باريس