الفيزا من السفاره الصينية في الرياض 450 ريال لمده ثلاثة اشهر وممكن من بعض المكاتب يخلصها له مثل الفيفا 120 ريال يعني المجموع 570 ريال حق الفيزا،، تاخذ تقريبا عشره ايام وتحصل على الفيزا، انا اليوم استلمت الفيزا بعد تقريبا عشره ايام من اول يوم سلمتها.
الحجز من اي مكتب سياحي او عن طريق النت يقدر يحجز

الفيزا تطول ؟؟؟؟؟
إذا كانت الرحله الشهر الحاي في جمادى ثاني متى أحجز الفيزا ومافيه مكان أقرب من الرياض ؟

وبكم تقريبا سعر الحجز لمدة 15 يوم ذهاب و آياب

انا اليوم حجزت على شهر شعبان عن طريق الدوحه لي انا وزوجتي كلفت 8100 التذاكر رايح جاي
والسكن ما راح يتعدى 5000 ريال لمدة 15 يوم هذا وانا رايح ان شاء الله غير كوينزو مكاو و شنغهاي و شنجن
والله البلد مره حلوه للتسوق والسياحه انا رحت قبل سنتين مع واحد من اخوياي والمره دي مع زوجتي
لا اوصيك روحي معاه والله ما تكلفكم الشي الكثير حتى الصرف على التمشيه والاكل مو شي

الحين أنت تحرشني طيب فهمني كم تقريبا تكفي فلوس 20 ألف ريال من حجوزات سكن وطيران وكل شيء منهم كافيه مثلا ؟ عطني بالريال السعودي

مرحبا الساع
بالنسبة لمصروفات الصين
حسب الفندق مثلا عندج فندق نيومينلاند بجوانزو مدة 10 ايام ب 3800 درهم وفندق نظيف وراقي وقريب من الاسواق
الاكل اذا انتم من النوع اللي لازم تاكلون يوميا من المطاعم العربية ولو على الاقل وجبة وحدة تقريبا 100 ريال *10 ايام =1000 ريال
التذاكر كل ماحجزتي من وقت اتكون اوفر لج
انا اليوم مشيك على الطيران الصيني سعره 1860درهم تقريبا من دبي لجوانز مباشرة
الحين الحساب لمدة 10 ايام لشخصين تقريبا 10 الاف درهم من مصروفات اساسية
يبقى لج المشتريات وهاي انت تحددين
وذاكر الاماكن السياحية من 100 الى 200 ريال تقريبا
مثال انا لسة راجع انا وزوجتي من شهر من الصين وكلفتنا الرحلة تقريبا 20 الف درهم

طيب اخ رحال كم جلست انت وحرمتك هناك ؟
عطني السعر التقريبي بالريال السععودي لأنه انتو الامارات عملتكم اغلى من عملتنا
يعني انت تشوف 20 الف ريال كافيه من كل شيء بدون السياحه

اختي ان شاء الله تكفيكم بالراحه 20 الف ريال والله يوفقكم بس من غير مشترياتكم
يعني المبلغ هذا بيكفيكم تذاكر وسكن وتمشيه و اكل وانتوا مبسوطين وراح يزود معاكم مبلغ
الله يوفقكم ويسعدكم
واعذريني على التحريش بس من باب اضافة الفكاهه في الموضوع وبالتوفيق

مشكور مستر ميدو بس بدون مشتريات =(
انا ابي 20 الف من كل شيء اهم شيء المشتريات