Um_Wa2l
26-08-2022 - 01:36 pm
السلام عليكم ..
أول شيء حبيت اشكر كل الأعضاء اللي كتبوا عن موريشيوس ...و بالأخص ابو عزيز .
خليتوني ما أنام الليل من كثر ما أحلم عن موريشيوس ..
ظليت ازن على راس زوجي وهو داخل و هو طالع..
يقول لي : خل نروح ماليزيا..
اقول له : رحناها ابي موريشيوس ..
يقول لي تركيا ..
اقول له : موريشيوس..
أخيراً الحلم بتحقق و ان شاء الله طالعين موريشيوس بتاريخ 24 /7 حتى 29 /7
حبيت أخذ رأيكم في حجوزات الفندق ..
2أيام - ليلتين Constance Belle Mare Plage البيل مار
4 أيام -3 ليللي Sofitel Imperial Resort & Spa
بصراحة الفندق الثاني السوفوتيل حصلنا عرض الليلة الثالثة مجاناً فهل الفندق يستاهل أو لا ؟هل الهيلتون أحسن منه ؟؟
ياريت تقولون لي اذا في أختيار احسن ..
بعدين شنو الأماكن السياحية اللي اقرب حق الفندق الاول ؟ و الأماكن الأقرب حق الفندق الثاني؟ عشان أقدر أخطط حق البرنامج خصوصأ أن الفترة قصيرة لأني با ترك بنتي الصغيرة فما أقدر أطول عنها و انا ما أبغي أضيع و لا دقيقة هناك ..
و أكون لكم ممنونة ..
و ان شاء الله لما أرجع أحط التقرير السنع ..
هلا بك أم .(عجزت اقراها)
والحمدلله ان ربي بيحقق لك الشيء اللي تمنيتيه
بتروحين على جو يجنن (بيعئد عن جد)
اختيارك للفنادق مش مره ممتاز لكن يعتبر حلو
البيل مار حلو خاصة اذا كانت الغرف جونيور سويت
البرستيج روم برضه حلوه وعلى المسبح مباشره (محتاجه تربطين عيون زوجك وتمشي الأمور)
السوفيتيل حلو كش بطال
لكن انتي سالتي اذا فيه احلى وانا اقترح عليك الشوقر بيتش عنده نفس العرض ليله مجانية مع كل 3 ايام
البرنامج على اساس 2 في الشرق و 4 في الغرب
في الشرق ممكن تزورون
الوصول اول يوم راحة + مساج + عشاء
اليوم الثاني جزيرة إيل او سريف مع زيارة الشلال اللي على البحر
اليوم الثالث الإنتقال للغرب
عمل شيك ان والتوجه للشمال - قراند باي ورحلة على قارب الكاتامرين الشراعي ومشاهدة الغروب (اعملي الحجز قبلها بكم يوم) ارقام الهاتف موجودة في الموضوع المثبتاليوم الرابع رحلة للجنوب الغربي وزيارة الحوض المقدس للهندوسيين - الوادي الملونة مع ثلاث شلالات - البركان الخامد - البحر المخيف - النهر الأسود و المناظر الخلابة - زراعة الاناناس- شلال الإسكندرية - الغداء في مطعم فاران سيور الموند
اليوم الخامس التوجه للعاصمة بورت لويس وزيارة مجمع كودان اللي على البحر في العاصمة مع سوق الشعبي - القلعة - حديقة بامبليموس - القرية السياحية - الغداء في مطعم بوتانيق او لي كابتين
اليوم السادس رحلة الى الشمال زيارة منطقة القراند باي والمشي تحت الماء أو الفواصة
أو
رحلة الى محمية إيتوال جدا رائعة وفيها دبابات
طبعا عدد ايامك مره قصير وعندي برنامج يغطي الى 12 يوم لكني اخترت لك الزبدة والأحسن
لاتنسين تمرين على موضوعي وتقراين بعض التعليمات والنصائح الهامة والشغلات اللي تاخذينها معك من جدة
دمتي بودي