طبعا تقارير الاعضاء خصوصا تقرير ابو عزيز الاخير وموضوعه المثبت فادتني بشكل كبير بس السؤال للفائده اكثر ولتفادي الوقوع بمتاهات وللنصيحه التي تصب في مكانها .
وشكرا .
طبعا الحجز بيكون عن طريق الامارات للعطلات صح ؟ ياليت احد يعطيني وصفه المكتب بالرياض .

الإمارات مكتبهم على طريق التخصصي تقاطع العروبة وأنت وجهك شمال بعد ماتتعدى شارع العروبة تلقاه على يدك اليمين
طبعاً فيه مدة محددة على أساس تقص التذكرة ..
الفنادق كثيرة وتختلف مستوياتها من 6 نجوم إلى 3 نجوم ..
أفضلها :
الأوبيروي
السانت جيران
التاج
البارادايس
البيل مار
الهيلتون
الفنادق كثيرة مرة وتختلف أسعارها .. ودي تمر الأمارات أفضلك ..
وهذا موقع يفيدك فيه صور للفنادق
http://www.mauritius.com/Index.shtml?Link=Home&PageF=CurrentOffer

السلام عليكم
تروحون وترجعون با لسلامة
انا توني جاية من اسبوع والحمد للة
اولا ما انصحك بالسفر بالبيبي اذا فية امكانية انة مايروح لانك رايح هني مون وراح تتنقل بين الفنادق غير الطيارة ما راح يرتاح والسن هذا ما يستوعب السفر (راي شخصي)
الفنادق انا سكنت في الغرب الابرواي 6 نجوم حلو جدا وهادي جدا
وفي الشرق برنس موريس 6نجوم مرة حلو جو ثاني فية حياة اكثر وبرضوة استجمام
باقي الفنادق مارحت الاسان جيران تغديت فية وشفت الفلة الملكية حلوة الفندق كمان حلو كان مصنف 6 نجوم بس هذي السنة نزل وصار 5 نجوم
كل شي حلو با الجزيرة
لك خصم من طيران الامارت اذا حجزت قبل 21 يوم
خليهم يرتبون لكم كيكة بالطيارة حق عيد الزواج
رحلة موفقة واحنا بالخدمة

اخوي عبدالاله يعطيك العافيه على مرورك وردك على موضوعي .
رايقه نجد دام الدعوة فيها كيكه بروح احجز من الحين خ
يعيطك العافيه على المرور وابداء الرائي .
طيب بالنسبه للاماكن كيف تنسيقها ؟

abaade_kk
تنسيق الاماكن عندك اكثر من طريقة
1-عن طريق شركة سياحية في الاوتيل او من برا الاوتيل مع قروب او بدون
2-تكون عارف وش تبي من النت ومرتب نفسك من قبل ماتوصل وتاخذ تاكسي ويوديك وهذي الطريقة يمكن ارخص وفيها خصوصية
واذا اخترت الطريقة الثانية فية عدة امور لازم لها حجز مسبق بيومين فخلي مكتب الكونسرج في الاوتيل يحجزلك كل شي مع انة ابوعزيز ماقصر في تقريرة حاط كل الارقام والعناوين
وسلامتك

يعطيك العافيه اختي راايقه نجد
طيب سؤالين زود بالنسبه للمسافه بين دبي والجزيرة كم بالطياره ؟
غير كذا هل طيران الامارات مريح ( درجة رجال الاعمال ) ؟
هل وسيعه وتصلح للنوم او لا ؟

اخي الرحلة من الامارات 5 ساعات
وعلى ما اظن مافية الا اولى وسياحي بس مو اكيد او بين الامارات و الرياض
رحلة موفقة

يعطيك العافيه اختي بس سؤال اخير

محد رد علي
وش الفرق بين الغرب والشرق
وافضل موقع للفندق؟