فيدوو
طيب عندك في كوالالمبور فندق Crown Princess سعره في حدود 280 ريال نوع الغرفه ديلوكس مع الافطار لشخصين وعندك ايضا فندق ميليا Melia hotel سعر الغرفه لشخصين 330 ريال مع الفطور غرفه ديلوكس
في الصن وي لاجون فندق Sunway Resort Hotel and Spa سعر الغرفه حدود 430 ريال العادية
في بيناينغ عندك Bayview Beach ممتاز فندق كبير سعره 370 ريال غرفه عادية و الفندق يقع على البحر
في لنكاوي عندك فندق Frangipani Langkawi Resort سعر الغرفه العادية حدود 400 ريال في اليوم والفندق على البحر
ترتيب الليالي ليلتين صن وي لاجون وثلاث ليالي بينانيغ وثلاث ليالي لانكاوي وخمس ليالي كوالالمبور مع زيارة جيبنتج من كوالالمبور والرجوع في نفس اليوم مسافه ساعه وربع بالسياره اخوك ابو بدر

ابي اروح كوالا...والسن لاقون..وبيننق ولنكاوي
فايش رايكم بالترتيب المناسب وعدد الايام 14 يوم.
ام 14يوم يعني 13 ليله
سيلانجور فندق صن واي لاقون غرفه ديلوكس: ليلتين
لنكاوي فندق بلانجي بيتش غرفه على مطله البحر: 3 ليالي
بينانج فندق باي فيو غرفه مطله على البحر: ليلتين
كوالا لمبور فندق ( وستن او ماريوت او ... ) غرفه ديلوكس: ليلتين
مرتفعات جنتنج فندق فيرست وورد غرفه كلوب: ليلتين
كوالالمبور فندق تريدز غرفه ديلوكس بارك فيو: ليلتين
اما الاسعار فلا اعلم بالضبط ولكن مبلغ 6000 ريال كافي جدا.
بالكثير ابيها ماتزيد عن 6 الاف حق الفنادق
ويمكن ان تطلع على الاسعار عن طريق موقع اسيا ترفل لحجز الفنادق على هذا الرابط:
http://www.asiatravel.com/
كما يوجد شرح لعمليه الحجز عن طريق هذا الموقع لاخونا مهند يشرح فيه كل صغيره وكبيره وباسلوب واضح لعمليه الحجز
على هذا الرابط:
https://artravelers.com/p/re/116223
يمكنك ان تستفيد منه سواء حجزت عن طريقه او لم تحجز.
ولاتقولون
احجز من النت ماني خبير فيه وما عندي فيزا لان عليهاكلام من الناحيه الشرعيه...
بالنسبه لعدم خبرتك بالحجز عن طريق النت: فموضوع طريقه الحجز لموقع اسيا ترفل لاخونا مهند كافي ووافي لو تقراه بتصير خبير.
اما بالنسبه لمشروعية الفيزا: يوجد بطاقات مسبقه الدفع لدى البنك الاهلي الله اعلم انها شرعيه ،، حاول تسئل عنها مع العلم انه لا يشترط فتح حساب.

وعليكم السلام ورحمة الله وبركاته
الله يوفقك يا غالي ويسهل أمرك
أهم شي تحجز الطيران لأن الصيف عليه ضغط كبير
واللي ما حجز للآن صعب يلاقي بالتاريخ اللي يبيه
بالنسبة للجدول المناسب لك
2 ليلة صن واي لاقون - فندق بيرامايد
3 ليلة لانكاوي - فندق لانكاوي لاقون
3 ليلة بينانق - فندق بي فيو بيتش
بقية الليالي كوالالمبور
يوجد عدة خيارات اقتصادية
مثل استانا - ميليا - تايم سكوير

بارك الله فيكم
والف شكر علي الاستجابه السريعه
لكن السؤال الي محيرني اش افظل طيران من ناحيه السعرهل هو السعوديه ام الماليزيه دلوني رحم الله والديكم علما انني بالدمام هل اروح مطار البحرين
انتظر مشورتكم

شكرا شكرا لكم يااخوان واسف جدا على تاخري في شكركم بس بصراحة تستاهلون اكثر من كلمة شكر الا وهو الدعاء لكم في ظهر الغيب
وابي رايكم في الحجزبالطائره اش افضل خطوط من ناحيه السعر علما بانني بالدمام

اخوي فيدو بس حبيت ابلغك ان طيران الخليج لو انك بتجي عن طريق مطار البحرين .. فهم مسووين غروض الحين
سعر التذكرة 1980 ريال .. بس لازم تحجزها هالشهر لان بعد هالشهر بيرتفع سعرها حوالي 1000 ريال ..
بخصوص فنادق كوالالمبور .. فندق ميليا وايد زين .. قريبتي سكنته بس عندي لك نصيحة انك تحتار غرف النت وتكون العرف في الطوابق العليا ..
لان اللي تخت كلهم حشرات واغلب اللي يسكنونها صينين ويابانين وهالجنسيات .. لما هي راحت حطوها بغرفة تحت وكل اللي فيها من هالنوع والريحة مش ولابد ..
لما شافت الحشرات كانوا بيغيرون الفندق .. بس كلموا المسؤلة شافت الزهيوية نقلتهم لطوابق عليا .. وتفاجئت لما شافت اغلبهم من اهل الخليج ^_^ ..
هم عندك فندق الاستانا سعره زين ومسووين عروض الحين .. تقدر تحجز عن طريق النت ومايحتاج تدفع .. بس حجز من غير دفع .. يمكن اسعاره بحدود 280 ريال حاليا ..
فندق صن واي لاجون بسيلانجور اعتقد سعر الغرفة 310 ريال ..
وبس

طبعا فرق بالاسعار بين السعوديه واتحاد الخليج لصالح اتحاد (من البحرين)
وبالنسبة للفيزا فكما قال لك الاخ الصقر 18 فيه بطاقة مسبقة الدفع (يعني البنك لا يمكن ان يأخذ اي نسبه عليها) لأنها تسمى Debit card بينما المتعارف عليها تسمى Credit card وهي بطاقة دين
باختصار هي اشبه ما تكون ببطاقة (سوا) تشحنها ولا يلزمك فتح حساب بالبنك الاهلي
اما بالنسبة لمشروعيتها فلقد اطلعت على عدد من الفتاوى التي تجيزها واذا خفت من هذا الامر فنصيحتي لك ان تسأل من تثق بعلمه
طبعا ربما لا تحتاجها حاليا للحجز لكن اخشى ان تحتاج لها وانت هناك لذلك انصحك بالسؤال عنها لتتأكد من صحة ما اقول
الله يوفقك
واقول مقدما .. بارك الله لكما وبارك عليكما وجمع بينكما في خير

السلام عليكم
واسف غلي التاخير
اقدم لكم خالص شكري واسال الله الا يحرمكم الاجر..

انا انصحك في الصن واي لاقون
فندق والوستن في لنكاوي
وفندق راديوس في كوالالمبور حلو ورخيص وقريب من شارع العرب
وفندق ترايدرز في كوالالمبور حلو وفخم واحلى شي فية قريب من لتاون تورز العمارتين التوأمتين
ولا تفوفتك جنتنق مدينة العاب كبيرة تروح لها عن طريق السيارة وبعدبن التلفريك نصف ساعة تقريبا
يكفيها يوم من الصبح الى الليل