مساكم الله بالخير لجميع القائميين على هالموقع اللي بصراحة كلمة رائع شوية عليه لاني بصراحة فعلا استفدت كثير في سفراتي السابقة لكلا من ( ايرلندا و مصر وتايلند ولبنان والكويت ) وبمجرد ما نفكر نسافر أنا وزوجي وقبل لا نحدد الوجهة ندخل ونشوف خيارات الوجهات وكل اللي يميز كل بلد وبصراحة ما عليكم قصور ابدا .... الله يبارك بالجميع ... بدخل بالموضوع الي اول مرة افكر اكتب لاني بصراحة هالسفرة انا قلقة شوية لعدة أسباب .. اهمها اني صاحبة السفرة الاساسية يعني مو زوجي لاني رايحه دورة تدريبية من مكان عملي وطبعا بيروح زوجي معاي وقررت اخذ اولادي ( وهذي راح تكون اول سفرة لهم غير عن دبي ) وطبعا كعادة الازواج ما يفضلوا ياخذوا الاطفال بس بالحاحي قدرت اقنعه والحمد لله والحين بدينا نرتب للرحلة بس هالمرة زوجي ما قادر يخطط لان انا مرتبطة بكورس ومكان اقامة معين وحاط المسالة علي فارجوكم ساعدوني لاني اخاف تفشل الرحلة هالمرة واكون انا السبب والاطفال يزيدوا الطين بله فاتمني من خبراء ماليزيا يساعدوني في تضبيط جدول حلو ننبسط فيه مع الاطفال وياريت يكون مركز في كواللمبور والمناطق القريبة منها .. علما باننا رحنا ماليزيا بشهر العسل وهذا كان قبل 9 سنوات وكانت الرحلة يومين في كوالالمبور و5 في بيننانج و2 لنكاوي ومثلهم في تايلند وجزرها وبصراحة ما ضلينا في كوالمبور الا يومين فما نذكر شي بالاضافة الا ان اشياء كثيرة تغيرت ... عموما ما بطول عليكم بعطيكم المعطيات اللي عندي وابغي مشورتكم ...
فترة السفر ( طبعا لين الحين الحجز مو مؤكد والله يستر بس المفروض ياكدولنا خلال اسبوع على الاتحاد ) 8-20 اغسطس 2007 يعني تقريبا اسبوعين ) ... مدة الدورة التدريبية 5 أيام من 11-15 والفترة صباحية وقصيرة من 9 الى 12 فقط وبكون فاضية طول اليوم ... السكن بيكون في فندق اسمة كروان برنسيس ( اريد اعرف اذا حد جربه ) ؟ هذا الارتباط اللي عندنا والباقي بنكون فاضيين واريد اعمل جدول حلو نستمتع فيه مثلا مهم اننا نروح صن واي لاجون لاني انا وزوجي تهبلنا لما رحنا فكيف بيكون الاطفال .. صح اخبركم انا اطفالي اثنين واعمارهم ( 6 و 4 ) واكيد اهتماماتهم اللعب والحيوانات وقريت عن عالم ما تحت البحار واريد اسئل هو وين لاني حابه اروح وايضا أفاموسا وين ؟ يعني تقريبا هذا اللي عندي وانتظر ارائكم وسمحولي عالاطالة بس ارجوكم لا تشمتوا زوجي فيني وساعدوني اضبط رحلة ما تخرش الميه واللي يسعدكم دائما ويوفقكم وخاصة اللي بيساعدني