الحزام الاخضر
03-06-2022 - 03:59 am
السلام عليكم ورحمة الله وبركاته ...
كل عام والجميع بألف خير ....تقبل الله منا ومنكم صالح الاعمال يارب...وجعلنا واياكم من عتقائه من النار.
اخواني واخواتي موعدي ان شالله للفيزا في السفاره السويسريه الاسبوع الجاي برسلها مع مكتب الفيفا ان شالله.
والسفر بيكون في 1 اكتوبر ان شاء الله تعالى...
الطيران بيكون الاماراتيه 2 درجة اعمال و2 سياحي..عن طريق البحرين لقربها من الخبر..
الفنادق كلها باخذها من بوكينغ عشان ارسلها للسفاره ...
وبذكرهم لاحقا....
مخطط الرحله ان شالله :
الوصول الى جنيف
ثم التوجه لانترلاكن
والمغادره عن طريق فرنسا للرغبه في التسوق وزيارة ديزني....
الرحله بالدرجة الاولى للراحه والاستجمام وبعدين التسوق .....
مده الرحله 25 يوم... طبعا انا عندي ايام كثيره فاضيه بس ما اقدر اتنقل كثير لان الوالد والوالده الله يحفظهم كبار بالسن
وما ابي ارهقهم بالمشي... للعلم معنا كرسي متحرك للوالد اريح له من المشي...
طبعا وجودي هنا للاستفاده من اقتراحاتكم وتجاربكم ......وياريت ما تتأخرون علي.... لانه ماباقي وقت ابدا زي ما تشوفون ...
الفنادق اللي ودي فيها:
جنيف
Hotel Warwick
او
Nash Ville
بالنسبه لانترلاكن
Royal St. Georges
او
Kerbs
بكل صدق اختياري للفنادق كان بسبب الغرف يعني ما اعرف اي المناطق افضل او غيره ...يهمني نظافه الفندق والامان فيه وسعره مناسب ...
فرنسا ما ادري ايش افضل اماكن السكن فيها ولا اي شي عنها ....لانه من قررنا نسافر وانا كل يوم هنا ...وبصراحه انهارت اعصابي لجمال سويسرا سبحان الله ...
انتظر رأيكم بكل شي حتى فندق فرنسا واي منطقه للسكن فيها ......
الف شكر لكم
خبري بكم تردون وتساعدون ما تقصرون.....
من جد احتاج مساعدتكم ....انتظر ردكم لو تكرمتو .........