&زمان الصمت&
03-01-2022 - 07:24 am
السلام عليكم ورحمة الله وبركاته
أخواني واخواتي الأعزاء اعضاء بوابة الامارات
حبيت اني أطرح عليكم بعض الاستفسارات وإن شاء الله
ألقى عندكم الجواب الشافي
أولا: حبيت أسأل عن فنادق من فئة خمس أو أربع نجوم تكون قريبة من
فندق البستان روتانا (الميزانية لليلة من 600 إلى 900 ) أهم شي
يكون الفندق محترم وممتاز؟
ثانياً: أبغى موقع نت ثقة ومجرب وأسعاره مناسبة لحجز الفنادق في دبي؟
ثالثاً: مبلغ الأجرة للمواصلات من مطار دبي للفندق كم تقريباً؟ وشو الأفضل
لموزين المطار أو من برا؟
رابعاً: وشو تنصحوني بزيارته بدبي ( مجمعات + أماكن ترفيه + ملاهي وألعاب....)
علماً بأن مدة الرحلة 7 أيام وذلك لإرتباطات العمل وراح تكون بعد العيد
إن شاء الله (يعني أبغى برنامج يومي تقريباً)؟
وأخيراً أعتذر عن الإطالة وكثرة الأسئلة وبإنتظار إجاباتكم يا الغالين
Abu LaYaN
فور إني كويشن بليز آم إن سيرفس
لأي سووعال أنا بالخدمة
تحياتي فور أول فيو
فندق البستان روتانا (الميزانية لليلة من 600 إلى 900 ) أهم شي
يكون الفندق محترم وممتاز؟
اعتقد ان البستارن روتانا نفسه سعره 600 درهم في اليوم في الصيف
جنبه فندق مريديان دبي
ومقابل البستان فندق ملينيوم المطار
بس بشكل عام .. اذا خذت اي فندق في ديرة بيكون قريب للمطار
ثانياً: أبغى موقع نت ثقة ومجرب وأسعاره مناسبة لحجز الفنادق في دبي؟
أنا دائماً أحجز اما من موقع الفندق الرسمي .. او من موقع Booking.com
ثالثاً: مبلغ الأجرة للمواصلات من مطار دبي للفندق كم تقريباً؟ وشو الأفضل
لموزين المطار أو من برا؟
هم نفس السعر .. بس الفرق اول مايفتح العداد .. اذا من المطار يفتح العداد 32 درهم .. اما من برع يفتح العداد 5 درهم اعتقد .. بس لو انت في المطار صعب تلاقي تكاسي من خارج المطار .. اصلا ممنوع .. ومش معقولة انك بتاخذ شنطتك وبتمشي .. فمالك الا انك تاخذ تاكسي المطار والله يعينك
رابعاً: وشو تنصحوني بزيارته بدبي ( مجمعات + أماكن ترفيه + ملاهي وألعاب....)
علماً بأن مدة الرحلة 7 أيام وذلك لإرتباطات العمل وراح تكون بعد العيد
إن شاء الله (يعني أبغى برنامج يومي تقريباً)؟
خذلك لفة على المنتدى وشوف الاماكن اللي تعجبك